Lucas 1:7 - Bíblia

⁷ Seyni Isabel tshinkaluro hi michiwata hiyáhoni mwuhenewaklenni; hiyrun-koxa tsrutsolejinetkani.

Lucas 1:7 ပူးပေါင်းရင်းမြစ်များ

Gênesis 17:17

Waneya Abraão tshij-hoho hyotshrijrotatatka, rutsolhiwata waneya wane htshinnawa: “Rumukata wuhenewlethe sat-jeji cem mhalerututka, Sara koxa noventa mhaletka, tumukata wuhenewlethe?”

Gênesis 18:11

Abraão, Sara tsrutsolejinetkani hixo mhalenetkana hiyrun-koxa Sara hi himtuhajetatka.

Gênesis 25:21

Waneya Isaque hapohchinikanutlu Tsru Hixikatshriwa Hoyakalu hhanunro Rebeca tshinkaluro tshinanu, klu tshinanu mwuhenewaklétoni. Waneya Tsru Hixikatshriwa Hoyakalu yijnakotlu ranjihohnere hiyáhoni Rebeca, hhanunro, michiwatatka.

Gênesis 30:1

Waneya texinixka Raquel tma michiwpiraxyawakanu Jacó-yma thahxatlo tomole. Hiyáhoni wla ttshinru Jacó: — Piwuhenewatanno yáholu nupnanu.

Lucas 1:5

Judeu tshijne pohire Herodes tshinkaluru klu papko wanekanan-koxlu satu sacerdote Zacarias tshinkaluru. Sacerdote-ne Abias tshinkalune klopichni wale. Hiyrun-koxa Zacarias hnunro Isabel tshinkaluro sacerdote klopich-koxni Arão tshinkaluru klopichni wala.

Lucas 1:6

Hiyrun-koxa powrahchinikanurunni wanna hepi Hoyakalu hetanuya. Kajnákona Tsru Hixikatshriwa Hoyakalu hiykolukaka. Hi psojikna hpupjexyana.

Lucas 1:8

Waneya pa kata Zacarias tshinkaluru sacerdote kamrure hkamhakanata Hoyakalu kamrure, rix-kamrurjexyawakna sacerdote-ne.

Romanos 4:19

Abraão-ni psokakniru cem mhale rixyawaknixka. Seyni hi ruhroka halixlewletni yáholu rimathetlu himane hipnatshri pixka rali hixletatka hiyrunu Sara-ni hi wuhenewpiratni.

Hebreus 11:11

Halixlu tshinan-koxa Sara yoptotlu tumukata michiwlexyawakapa whentshi tkayaxyawakapa yáholu tsrotsolejimkatkani seyni tmatuwhenetatka klu tshinanu talixatkalu hinkaklewatatshri himukatatshri koxni wale.