Lucas 1:6 - Bíblia

⁶ Hiyrun-koxa powrahchinikanurunni wanna hepi Hoyakalu hetanuya. Kajnákona Tsru Hixikatshriwa Hoyakalu hiykolukaka. Hi psojikna hpupjexyana.

Lucas 1:6 ပူးပေါင်းရင်းမြစ်များ

Gênesis 17:1

Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru: — Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.

Gênesis 6:9

Xawakni Noé piranapni: Noé jeji kihlerni, maylokletni waneklu papko. Noé Hoyakaluyma yana.

Gênesis 7:1

Waneya Hoyakalu wan-tshinru Noé: — Pjihlokanro tsro kanawa pixa hiyrun-koxa payinetene klu tshinanu netyi pixa potukyi hita hetanuya xye papko.

Lucas 1:7

Seyni Isabel tshinkaluro hi michiwata hiyáhoni mwuhenewaklenni; hiyrun-koxa tsrutsolejinetkani.

Lucas 16:15

Hiyáhoni Jesus wan-tshinna: — Kihle hetko hikahwajnawa pimrine hetanuya seyni Hoyakalu himathethajithi, hanu potu hixatshinhi. Klu tshinanu yine hikchikhihlenrer-potu, walekni rahnanuta Hoyakalu.

Lucas 2:25

Jerusalém poktshi rawakanata satu jeji Simeão tshinkaluru. Waleni jeji potukalu, kchinikanuru hike mixkatuwa. Israel-nerune hiwekkakatshripa kahwakatshrini. Hoyakalu Hiwejikaluru waleymalu.

Atos 2:25

Klu tshinanu Davi-ni wan-tshinyehitatkalu: “Netlu Tsru Hixikatshriwa Hoyakalu nohoji hinaple rawhohnekanaxyawaka klu tshinanu npotukle sretako rawhonuka wale tshinanu hike npikanu.

Atos 23:1

Hiyáhoni Paulo yopukhatna jemahchinikanjexikowaka hajene waneya wane htshinna: — Jejine, nomolene, hi nkojwakahchinikanuxnawa niwejinriya Hoyakalu hetanuya.

Atos 24:16

Wale tshinanu psol-hohneruka kihleru nyahot-kamhaleta Hoyakalu hetanuya, yine hetanuya koxa.

Atos 8:21

Pixa hi himukata hapaka hepixletwu xye kamrurtshiya klu tshinanu hi potuk-hajyi Hoyakalu hetanuya.

Romanos 8:4

Hiyáhoni Moisés yonreru potukalu wpoyahokaka, wale hiykole wkamhiywaka, hixako walujyawaka wma kamhiywakanupa seyni Hiwejikaluru halujyawaka wkamhiywakapni.

1 Coríntios 11:2

Kihleru ntshinanwakathi klu tshinanu hita hixjexyawaka hichinikjeta hiyrun-koxa nuykoxyahi pirana homkahjexyawaka tshinanu.

2 Coríntios 1:12

Xyekni walixkoxnawakwa, hi wkojwakahchinikanuta wixjexyawaka tshinanu klu tshinanu wekhithi wixa hiweklexyawaka pixka. Phujewak-potuko wixa kamhaletanru ptowruko hike weyawlu wunkakhi, Hoyakalu tshinanu. Hi yine himatkalnu tshinanni seyni Hoyakalu hepixle tshinanuya.

Filipenses 2:15

Waneya wan-hixinipa, hike mixkanephi, powrahchinikanunephi, Hoyakalu whenenhi potukalunephi hewi tshijne hajene mpotukane, pupjetatshine tskalaya. Wanna tskala katahirine hatawnatshine pixka hixatshinephi, tenhohne hajene pixkalunephi.

Colossenses 1:22

Seyni xawakni waleko hisretlu hsatkakatkahi, hituru hipnale tshinanu. Hiyáhoni Hoyakalu himatletatkahi wale nwak-potuko ranijyawakhi potukalunephi, hike mixkanephi, hike hikolukanunephi wale hetanuya.

1 Tessalonicenses 3:13

Waneypakni hmixkotahchinikanutanhi potukalune hixyawakapa, mukolukanuwnakanephi Wuru Hoyakalu hetanu, runinipa Wutsrukate Jesus ptowruneka hpotukatanuneymakananuko.

2 Pedro 3:14

Hiyáhoni nuchinikanune, xyekaka hapokatshripa kahwakatshine tshinanu jmererunephi. Kihlehchinikanurunephi Cristo-ya, hi psojikna hektuntshiyma hikchikko, hike mixkanephi.

1 João 2:29

Hiyáhoni xawakni himaxini potukalu rixyawaka Cristo, himatan-koxlu ptowru yineruko Hoyakalu halujyawaka kamhatshri Hoyakalu matkakleru rixyawaka.

1 João 2:3

Hoyakalu yokanre wkamhiniklunu waneya wimatlu Hoyakalu halikaka wimata.

1 João 3:7

Mturune pixkalune, hi hitshitanru satu yokwijexyawakhi: Klu tshinanu potukalu kamhatshri waleni potukalu. Cristo potuknu pixka rixa wale yineru.