Lucas 1:58 - Bíblia

⁵⁸ Waneya timwastsirene hiyrun-koxa tomolene jempiranyehitlu Tsru Hixikatshriwa Hoyakalu hepixyawaklo Isabel tshinkaluro pirana. Hiyáhoni rumuwatna wanna ptowruneka walayma.

Lucas 1:58 ပူးပေါင်းရင်းမြစ်များ

Gênesis 19:19

Hita hixa towrerno hikchiklu wamontshi hixa yhaleya hiyrun-koxa pekhitno hi pa hamotlu pixno klu tshinanu piwekkakatkano seyni hi numukata teno mrijiwaka nwaka nasukamxyawaka klu tshinanu xye hapnokatlu himukata hapkakletanno waneypakni nupnanuna.

Gênesis 21:6

Sara wla tshinatka: — Hoyakalu poyikowkakatkano hiyrun-koxa ptowru yineru xye pirana jematshripa hitayma poyikowatanu.

Lucas 1:14

Hmatuxinipa pumuwatanu pixa hiyrun-koxa hixolune yine poyikowatanu.

Lucas 1:25

Waneya wane ttshina: — Xawaknikananu Tsru Hixikatshriwa Hoyakalu hepixatkano. Xawakni nimatlu ruchinijyawakno klu tshinanu hkonyano npatewle yine hetanuya, klu tshinanu kwhenepatkano. Mwuhenewakletno nixpatka.

Lucas 1:57

Waneya rapokpapkoluxinixka Isabel tshinkaluro tmatuwhenexyawaka, twuhenetlu mturu jeji.

Lucas 14:12

Waneya Jesus wla tshinru htshanixjeru: — Niklu pkamhini, hanikaj-hohne ho kayi koxa, hi ptshanixanna pimatletlene, ho pimolene, ho petjejrene phurune, ho pimwastsitanune tsonu. Klu tshinanu wane pixini pa katako wanna koxa hapnutanyi pixa. Waneya kihleru pkamhaleru tshinanu rapnutankoxyina pixa.

Romanos 12:15

Himuwatanu himuwatatshriyma. Hwamonuwatanu tshiyahatatshineyma.

1 Coríntios 12:26

Satupka wimane psojite salewninipa, ptowruko wimane psojitkaka waleyma salewnanu. Satu wimane psojite himalwutkoklunu ptowruko wimane psojitkaka waleyma rumuwatatkana.