Lucas 1:51 - Bíblia

⁵¹ Rekhitlu hmixkonu hkamrureymakotka. Hkopalatna halixkotachaxikatshinwa ruchinikanretanruymana.

Lucas 1:51 ပူးပေါင်းရင်းမြစ်များ

Gênesis 11:8

Hiyáhoni Tsru Hixikatshriwa Hoyakalu kopalatna yine psol-tshijiko hyiywakapna hiyáhoni rutuk-kamrurewletna poktshiya.

Gênesis 6:5

Waneya retlu Tsru Hixikatshriwa Hoyakalu hi psokananru hektutu rapatjererna yine tshijiya hiyrunu rethixanutna yine hektutu tsonu ruchinikanretjetna rajiyna ptowru hohneruka.

Gênesis 8:21

Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Romanos 1:21

Rimathetmakluna Hoyakalu seyni hi hkahwakpiratluna Hoyakalu, Hoyakalu rixkal-tshinanu hiyrunu hi hpoyahnutluna Hoyakalu. Hiyáhoni hike muchinikanretkanni raj-koxna mapchahayna.

2 Coríntios 10:5

hiyrun-koxa ptowru yine halixkowle pirana Hoyakalu himatyehixikowaka himaletatshri wnikata. Ptowru yine hchinikanu wyokanata, Cristo hchinikanu walixkajyawakna yine.

1 Pedro 5:5

Hiyrun-koxa hixa maklujinhi hyijnakotanna tsrune. Halikaka hixa ptowruneka hyijnakkakanu. Hmasaxinwa ptowru potuyako. Klu tshinanu Hoyakalu kamnitna halixkotachaxikatshinwa seyni repixna masaxikatshriwa renekachaleyma.

Apocalipse 18:8

Hiyáhoni wale tshinanu t-salewnale, hipuktshi, wamontshi hiyrunu natshi hakanhanu pa hohne pchini hohnejiji wale ptowruka tetanu. Hiyrunu tshitshmeroyma tnikaxikolupa psoluyaka. Klu tshinanu himukatatshri potuklu Tsru Hixikatshriwa Hoyakalu tapnokatjeru.