Lucas 1:35 - Bíblia

³⁵ Seyni hiwejikaluru Hoyakalu towreru tenhohne hajeru wan-tshinro: — Hoyakalu Hiwejikaluru pix-hohwaka rapokanu. Hiyrun-koxa Hoyakalu Ptowru Potuka Himukatatshri himukatle pix-hitokote hwanu. Wale tshinanu mturu pkaylerupa Hoyakalu nurrerni. Hoyakalu whene htshinko.

Lucas 1:35 ပူးပေါင်းရင်းမြစ်များ

Mateus 1:18

Waneya wan-rixa matreta Jesus Cristo. Runro, Maria tshinkaluro, José tshinkaluru hnunro tixinripa, seyni hi rapokmanetawalo tmichiwatatka Hoyakalu Hiwejikaluru pixkonuyma.

Mateus 1:20

Seyni wane ruchinikanretakanatawa satu hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya. Waneya wane htshinru: — José, Davi whene, hi pkojwakahchinikanutanu Maria pipji panijyawakapa, phanunro tixyawakapa. Klu tshinanu Hoyakalu Hiwejikaluru tshinanu tmichiwata.

Mateus 14:33

Waneya rasruklene kanawa hwakanatatshine yoptsojityehitlu Jesus. Wla htshina himalwuretluna: — Pixni halikaka Hoyakalu Whenyi!

Mateus 27:54

Waneya romano-neru soldado-ne pohire hiyrun-koxa Jesus hislahatshine waleymalune tshiji hiyolikle hiyrunu ptowru hiknohatshri rexinixkaluna, rimyekahchinikanutna, waneya wla htshinna: — Halikakni xye jeji honnira Hoyakalu whene.

Mateus 4:3

Waneya tsru kamtshi Satanás Jesus-stsi hapoka wane htshinru: — Hoyakalu whene pixinipakni, ptowutanru xye sotlukaka pão rixinwa.

Marcos 1:1

Kihle piranalu potuko hiwekkaklewatatshri pirana yinuwajikolu Jesus Cristo, Hoyakalu Whene pirana.

Marcos 1:24

— Ya! Kluhe pixannatkawu Jesus Nazaré hajeru? Puna pumtukapyawakapwuhe? Nimatyi katyi pixa Potukalyi Hoyakalyi.

Lucas 1:27

Makloji jeji mapokmanetanuto yehi hya. Twu suxo José tshinkaluru tunkaklexika, Phuru Davi-ni tshinkalurni klopichni, hhanunroxyawaka. Twu suxo jeji mapokmanetanuto hiwakni Maria.

Lucas 1:34

Waneya Maria wan-tshinru hiwejikaluru Hoyakalu towreru tenhohne hajeru: — Hanhe rixa hakanhaletanu xye klu tshinanu hita hike hapokmanetno.

Lucas 1:36

Hiyrunu petanu. Pimole Isabel-mka tsrotsolejni. Seyni wala koxa kwajnanwaka mturu seyni jejni. Hike kahwaklo tmichiwaxyawaka seyni kamchirotkani. Seis ksurutkalo.

João 1:34

Hita hetlu hiyáhoni nunkakletanru, halikakni xye jeji Hoyakalu whenni.

João 1:49

Waneya Natanael hihitlu, wla htshina: — Kasruklewakleru, pixni halikaka Hoyakalu Whenyi! Pixni halikaka israel-neru pohireyi!

João 20:31

Seyni xyekaka yonatka hixa halixyawakaplu Jesus, Hoyakalu Whene Cristo (Messias) rixyawaka hiyrun-koxa halixinri waneyaphi hiwejinri wale hiwaka tshinanu.

Atos 8:36

Waneya hatnu hapo hyapamtawana honha yehistsi rapokna. Phuro hislahatshri wan-tshina: — Petanru honu, klu himaletno n-batiza-xikolupa?

Romanos 1:4

Seyni rimaxikowaka potukalu rixyawakatka, Hoyakalu ruchpajya, retka hpixkonu tsru potuko. Klu tshinanu hipuktshi riwekkajika, rimathexikowaka Hoyakalu whene rixyawakatka.

Gálatas 2:20

Seyni niweka wanepnawaka. Seyni halikaka hiwekatshri hi hitni seyni Cristo, hita nanwaka hiwejikatshrini. Xawakni xye niwekle Hoyakalu whene halixikolu tshinanu niweka. Walekni namotjeru hiyrunu renejnawana hita tshinanu.

Efésios 2:3

Halikaka mitshikananu ptowrunekwu wanna pixka hixjekanatatshinwu, womkahjekanatlu hixako wixjexyawaka. Wkamhajekanatlu wimaneko hiyrun-koxa wihchinikanu halujyawakako. Hiyáhoni hix-koxa pimrineko pixka wixa kahwaklekanatlu Hoyakalu hapnokatlewle.

Hebreus 4:15

W-sacerdote-te, Tsru Sacerdote potuko himata hetwamonutwu wuhroklekaka tshinanu, klu tshinanu wale koxa yohnitkatka hixa yohnijexikolu pixka, seyni wale hikeklu hektuwatatka.