Lucas 1:3 - Bíblia

³ Hiyáhoni, kchinikanur-potni Teófilo, hit-koxa hikchikhihlenutlu nyonaxyawaklu xye pirana kihle pokowak-potuko nixyawakaplu pixa tshinanu. Klu tshinanu hit-honra xye pirana reyinuwaklekananuko nuslahpiranpotukanatlu.

Lucas 1:3 ပူးပေါင်းရင်းမြစ်များ

Lucas 1:1

Hi heppika yineru yahot-yonretmaklu Jesus pirana rixjekanaxyawaka hix-yehi hkamhajekanaxinri pirana tshinanu.

Atos 1:1

Teófilo tshinanupni twu yonawahlo, yonawahlo mitshikananu nyonreru, nyonatlu Jesus pirana, ptowruka Jesus kamhanru pirana hiyrunu runkakle pirana psoluka, Jesus hasruklewle yinuwaklekananuko;

Atos 11:4

Waneya Pedro hinkakna wanna wale pirana psoluka hyinuwakleya haté hmahaxyawaka. Waneya wane htshina:

Atos 15:19

Waneya Tiago pnute hya hinkakletatka: — Wane ntshina hita, hi wkojwakanna judeu mixkane Hoyakalu halixatshinepni.

Atos 15:25

Hiyáhoni hixa ptowrunekwu wukchikhihlenutlu satkaka jejine wyokananwakaxyawakaphi wimatletleneyma Paulo, Barnabé.

Atos 15:28

Klu tshinanu Hoyakalu Hiwejikaluru hiyrunu hix-koxa hikchikhihlenutlu xye hinolu hma manijyawakanupna seyni xye tsonu rimretpotutanna:

Atos 18:23

Pimri hohnekaka wan-rutuka Paulo waneya hyatka. Galácia tshijne hiyrunu Frígia tshijne hyapamta hapatjetatshine hmixkowahchinikankajyawakapa.

Atos 23:26

“Hita, Cláudio Lísias-no, yonanwakatyi kchinikanuru governador Félix. Nalikyi.

Atos 24:3

Ptowru hohneruka hiyrunu ptowru papkoluka wepixka xye ptowruka pixa tshinanu wepixka hiyáhoni wale tshinanu wpoyahnutjetyi.

Atos 26:25

Seyni Paulo wan-tshinru: — Kchinikanuru Festo, hi nupukalewata. Ntokanu halikakni hiyrunu hpoyaho himatjemletlu.

1 Coríntios 16:12

Xawaknipa wimole Apolo Cristo tshinanu pirana, hixo kata nanjitlu Apolo hix-yehi hyiywakapa pimrine hmoletanune Cristo tshinanuyma. Seyni xawakni potuko hi raluka wane yaletawa. Hiklukta rumukatanu wane hyanu.

1 Coríntios 7:40

Seyni hitaho tma hnuruwatkanuklunupa tumuwatanu. Hiyrun-koxa nkahwaklu Hoyakalu Hiwejikaluru himwano hit-koxa.

1 Timóteo 4:6

Nyi hiykolukaka puchinikkajinna wmoletanune Cristo tshinanu. Kihleru kamrurewatatshripatkayi Jesus Cristo kamrureya. Wane pixini ptseruwakahchinikanutanu tokantshi halixkaluruya hiyrun-koxa hasruklewlu halikakalutuya pomkahitanru pirana.