Lucas 1:2 - Bíblia

² Xyekaka pirana wunkakjene, reyinuwaklekananuko hetatshine hiyrun-koxa Hoyakalu tokanu jinkakletaklerunekananni.

Lucas 1:2 ပူးပေါင်းရင်းမြစ်များ

Marcos 1:1

Kihle piranalu potuko hiwekkaklewatatshri pirana yinuwajikolu Jesus Cristo, Hoyakalu Whene pirana.

Marcos 16:20

Waneya rasruklene ptowru sreta hyana runkakletluna kihle piranalu potuko hiwekkaklewatatshri pirana. Hiyáhoni Tsru Hixikatshriwa Jesus hepixlewata hetkalurkakayma rekhixyawakapa halikaka pirana htshinna.

Marcos 4:14

Pnuteko hya hinkakletna: — Hoyakalu tokanu kkopalhimakleru kopalatlu Hoyakalu tokanu.

Lucas 24:48

Hixakni xye pirana hiphujetatshinephi.

João 15:27

Hiyrunu hix-koxa hiphujtalewatanu klu tshinanu nehapoklekananuko hitaymalunekananhi.

João 16:4

Seyni xyekaka nunkakhi, rakanhinipa xyekaka, hixa hichinikanru xyekaka nunkakakanaxyahi. Hiyrunu Jesus wan-tshina: — Seyni mitshikananu xyekaka hi nunkakatkahi klu tshinanu hix-yehi nwawa.

Atos 1:3

Rali hipnalexinixka Jesus, riwekatnaka waneya quarenta hohne pejnu tsonu rimwatkana hnurrene hiwekatshriko rixyawakatka, hiyrunu rekhipotutna hiwekatshri rixyawakatka. Wane pchinika Jesus hiynumsatna hnurrene Hoyakalu pohirewaxyawaka pirana.

Atos 1:8

Seyni Hoyakalu Hiwejikaluru hix-hoho rapojinipa hyoptotanru pixkontshi hiyáhoni nuphujtatjenephi Jerusalém poktshiya hiyrunu Judeia tshijne psoluka, Samaria tshijneya, haté hmahaxyawaka tshiji nuphujtatjeneyaphi.

Atos 14:25

Waneya runkakletluna hiwekkaklewatatshri pirana Perge poktshi yehiya waneya hyatkana haté Atália poktshi yopjewakle.

Atos 16:6

Waneya Paulo rimotsaneyma koprutna Frígia tshijne, Galácia tshijne koxa. Seyni Hoyakalu Hiwejikaluru hi hitshitna Hoyakalu pirana runkajyawakna Ásia tshijneya.

Atos 17:11

Wane hajene Tessalônica hajene yohnika himatkaleruni hiyrunu ruslahpotutluna tokantshi. Ptowru hohnekaka ruchtotatna Hoyakalu pirana yonatkaluru rimaxyawakapluna ho halikaklahe xye pirana ho hike.

Atos 26:16

Ppalnanu pyotunotanu xako! Nnuretyi ntowreru pixyawaka hiyrunu ptowru yineru puphujtaxinri ptowruka petanru haté ptowruka nekhixyapyi. Wale tshinanu nyanwakatatkayi xye hohne.

Atos 4:20

Klu tshinanu hi koxa wumukata wma munkaklexyawakanuplu wale wetanru, wyijnakotanru.

Atos 8:4

Hiyáhoni hipalatatshine ptowruchaka hyana, runkakletluna tokantshi Hoyakalu pirana.

Romanos 15:16

Cristo Jesus towrerno judeu mixkane nepixyawaka. Sacerdote kamrure pixka nixa hiyáhoni nkamrurni Hoyakalu pirana, kihle piranalu potuko hiwekkaklewatatshri pirana nunkaklexyawaka nkamhajeta. Wane nixa judeu mixkane henekachalune rumukata hixlexyawakapna Hoyakalu hikchikhihlenreru potukatlewatatshri Hoyakalu Hiwejikaluruya.

1 Coríntios 4:1

Hixa hijhalu Cristo-yma kamrurewatatshinwu hikahwajyawakwu. Hoyakalu pirana yohimakanatkaluru pirana hiphujetatshinwu.

Hebreus 2:3

Hiyáhoni, ha hixamka, hanhe wixa hasuklexinri wapnokaxikolu, wmajnakowyehixiniplu xye hiweklu heneklewatatshri pirana kihler-potuko? Mitshikananhapka Tsru Hixikatshriwa Jesus potuko hinkakletlu xye hiweklu heneklewatatshri pirana. Waneya wane wkatanu wale pirana jematshine hekhitwu halikaka pirana rixyawakatka.

1 Pedro 5:1

Cristo halixatshine kosekatshri koxno hita, Cristo salewnale hetatshrino hiyrunu Hoyakalu hiphujewnale hinatshripaymalutno. Hiyáhoni Cristo halixatshine kosekatshine hixa tskala hwatshine nanjipotuta.

2 Pedro 1:16

Wutsrukate Jesus Cristo pixkonu pirana hiyrunu rapojinri pirana wunkajinixkahi mitshi, hi tsrunni pirana, yineko hchinikanu pirana, chinikantshi heneklewatatshri pirana phuta wtshinatkahi mitshi. Klu tshinanu hix-honra rumukatle ptowru potuko himukatatshri hetatshinpotukwu.