Lucas 1:17 - Bíblia

¹⁷ Hoyakalu towrerupni, jinkaklewaklerupni. Hoyakalu tokanu hinkakletatshrini Elias-ni tshinkalurni hchinikanu pixka rixleyma hiyrun-koxa Elias-ni pixkonu pixka rixleyma rimatletkakanna tsrune hwuheneneymana. Hektutu kamhatshine ruprotakanna potuka hchinikanurune hiykole romkahixyawakapna. Ralpokohnaputna yine Tsru Hixikatshriwa hapojinripa.

Lucas 1:17 ပူးပေါင်းရင်းမြစ်များ

Mateus 11:14

Waneya haluka yoptolexiniplu walekni Elias tshinkalurni hinatshripa.

Mateus 14:4

Klu tshinanu João-ni mitshi wan-tshinatkalu Herodes hinanchitkalurni pimwiywaklo.

Mateus 3:3

Hoyakalu tokanu hinkakletatshri, Isaías tshinkalurni yonatlu João pirana, wla htshina: “Kahnete poktshiri saplewaxikatshri tokanu: Halpokotanru Tsru Hixikatshriwa hatnu hapote. Hpotukatanru hatnu hapotkaka. Wale tshinanu hpotukatanru hatnu hapkaka.”

Mateus 3:4

João mkalu camelo pixi kamhikolni, kpixnuru h-cinturão-te couro-mta kamhikolu. Hnijitu tsetseru, wrolha hocha hajeru.

Lucas 1:16

Hixolune yine israel-nerune hsatkakanu Tsru Hixikatshriwa Hoyakalu Royakalutna romkahixyawakapna.

Lucas 1:76

Hiyáhoni, noturu, Tsru Hixikatshriwa Hoyakalu, tenhohne hajeru tokanu hinkakletatshri ptshinko. Klu tshinanu pixa yihapamtanu Tsru Hixikatshriwa Hoyakalu hatnu hapote palpokoxyawakapa.

João 1:13

Wanna ptowruneka hi hrahtshiyma matutatshine tsonni, hi mantshi matuxikatshine tsonni, hi yineru halujyawaka tshinanu matutatshinetkani seyni Hoyakalu tshinanu matutatshinni wanna.

João 1:34

Hita hetlu hiyáhoni nunkakletanru, halikakni xye jeji Hoyakalu whenni.

João 3:28

Hixni nimetjenhi wla ntshinreru mitshi: “Hi Messias-no hita seyni nyokanatka wale wkatanu napojyawakpatka.

Atos 10:33

Hiyáhoni waneklukawa nyokanrewata pix-yehi. Kihleyi pixa punyawaka. Xawakni hixa ptowrunekwu hapatjetatshinwu hewi Hoyakalu hetanuya, wkahwakachatlu wyijnakoxyawaklu Tsru Hixikatshriwa Hoyakalu hinkaklewjixatkayi.

Romanos 9:23

Hkahwakhohnekanatna Hoyakalu yine, retwamonre yoptotatshinepa tshinanu rekhixyawakna royaknu tsrur-potuko tshinanu. Nyi yine Hoyakalu halpokotatka royaknu yoptotatshinepa.

Colossenses 1:12

Hiyrun-koxa himalwutanru Wuru Hoyakalu wpoyahokakjeru wtsaklawkakjeru ptowru potuko ralpokleru rayinetene tshinanu Hoyakalu pohirewaxyawaka katawaka hwiywaka.

2 Timóteo 2:21

Hiyáhoni xawakni katukta hektuntshi powraxinwa, kastonolu kahwakpiratkalune tshinanupa pixkalutu rixinwa. Kastonolu Hoyakalunu pixkalutupni, kapjitu poyaho kamruretlexyawakaplu, ptowru hixatshri kihleru tshinanupa.

1 Pedro 2:9

Seyni hixa halixatshinhi Hoyakalu nurrenhi, hineruneko hixyawakapa, Tsru Hixikatshriwa Hoyakalu sacerdote-tenhi, yine potukalunetkahi, Hoyakalunuko hixyawakapa. Hoyakalu nuretatkahi hiphujexyawakaplu rixa hihlehchinikanrexyawakhi, mapchahawaka hichpajyawakapa, wale nwaka katawak-potuko nwaka wwiywakapa htshanixikowaka.

1 João 2:28

Mturune pixkalune, waleymalunephi hiyáhoni ruphujewniniklunupa hike wpikanu hiyrunu hi wpatewatanu wale hetanu rapojiniklunupa.

Apocalipse 20:4

Hiyrun-koxa pohirtshi tuplawaklekaka neta. Wane tuplatatshine koxa neta. Towuwlu henekkalune retmayxaklerewaxyawakapna. Hiyrun-koxa yinni hiwejinri neta, kastaknojitkalunni Jesus hiphujexikolu pirana tshinanu hiyrunu Hoyakalu tokanu hinkaklexikolu tshinanu. Nyikaka kmatsyiru hiyrunu kmatsyiru yáhole mkahwakpiratkanni hiyrun-koxa kmatsyiru himaxikole jrottshi hitakkaluru ho myotshi hitakkaluru malukanni wanna. Hiyáhoni nyi yinni Cristo-yma riwekanna hiyrunu hpohirewatanna mil mhale pejnu.