Lucas 1:13 - Bíblia

¹³ Seyni hiwejikaluru Hoyakalu towreru tenhohne hajeru wan-tshinru: — Hi ppikanu, Zacarias. Hoyakalu himatlu panjireru hanjihohneruya. Hiyáhoni phanunro Isabel matuwhenexinyi jejipni. Phiwakatanru xako João.

Lucas 1:13 ပူးပေါင်းရင်းမြစ်များ

Gênesis 17:10

Hiyáhoni nunkakajyatkayi pixa ruchinkapkakanyi hita pixayma, piklopichane koxa hichinkapanru hiyrunu rimretanru xako: Ptowru mturu jeji hixa tskala matuxikatshri histakaptojimtatko.

Gênesis 17:19

Waneya wane htshinru Hoyakalu: — Hike seyni Sara, phanunro wuhenewatanu jejipni. Putakhiwakatanru Isaque; wale Isaque numlukanu xye numluklewle nkamhinru, nunkaklexinna koxa Isaque klopichane, hikeklu hohne mnikawnakatupa.

Gênesis 18:14

Rawhe pa hixanu Hoyakalu mumukatanutu? Pa mhale xye papkoko hewi nyapanutnaka Sara matuwhenetanu jejipni.

Gênesis 25:21

Waneya Isaque hapohchinikanutlu Tsru Hixikatshriwa Hoyakalu hhanunro Rebeca tshinkaluro tshinanu, klu tshinanu mwuhenewaklétoni. Waneya Tsru Hixikatshriwa Hoyakalu yijnakotlu ranjihohnere hiyáhoni Rebeca, hhanunro, michiwatatka.

Mateus 1:21

Tmatuwhenetanu jejipni. Putakhiwakatanru Jesus, klu tshinanu riwekkakanna rayinetene hkonahektunutanunpatka.

Mateus 14:27

Seyni waneklukawa potuko Jesus wan-tshinna: — Hixkohchinikanuphi, Hitni! Hi hpikanu.

Mateus 28:5

Waneya hiwejikaluru Hoyakalu towreru tenhohne hajeru wla tshinna suxone: — Hi hpikanu, nimatlu Jesus, cruz hipnapikatshri hijha.

Marcos 16:6

Seyni wale wan-tshina: — Hi himyekanu! Nimatlu Jesus Nazaré hajeru cruz hipnapikatshri hijha. Seyni hi hewitkalu, riwekatnaka. Hetanru rukoluhakanaxyawaka.

Lucas 1:14

Hmatuxinipa pumuwatanu pixa hiyrun-koxa hixolune yine poyikowatanu.

Lucas 1:30

Seyni hiwejikaluru Hoyakalu towreru tenhohne hajeru wan-tshinro: — Hi ppikanu, Maria, klu tshinanu kihlehchinikanru Hoyakalu pixa tshinanu.

Lucas 2:21

Waneya oito hohne rixinixka mturu jiprojhaptojimtatkatka. Waneya rutakhiwakatka Jesus. Klu tshinanu hma matutkanuklunuwa mturu hiwejikaluru Hoyakalu towreru tenhohne hajeru hitakhiwakamtlu.

Atos 10:31

Waneya wane htshina: “Cornélio, Hoyakalu yijnakotatkalu panjihohnere hiyrun-koxa penekachalkaka hike mwikatu tshinanu ruchinikyi Hoyakalu.