João 9:4 - Bíblia

⁴ Nujhalu nyokanatjeru halukanru nkamhiywaka, hohi rixka pchinika. Klu tshinanu hoyetshno hapokanu. Waneya hoyetshno rixinpatka hike kamrurewatanu.

João 9:4 ပူးပေါင်းရင်းမြစ်များ

Mateus 20:7

— Waneya ruhitluna, wla htshinruna: “Klu tshinanu hike kamrurewjixwu.” Waneya wla htshinna: “Hajewa hix-koxa kamrurewatanutka nusanateya.”

Marcos 3:3

Waneya Jesus wan-tshinru jeji hiprihamyotatshri: — Yine hanikajite pyotunoxini.

João 10:32

Waneya Jesus wla tshina: — Hixo kamrurtshi kihleru, Nuru Hoyakalu kamhakjixleru, nekhithi. Hiyáhoni hanuru kamrurtshi xyekaka nkamhaleru tshinanu hsotlujetanmakno?

João 10:37

Nuru Hoyakalu kamrure nma kamhaknumka waneya hi halixanno halikaka.

João 12:35

Waneya Jesus wla tshinna: — Pchinhohnejiji rawanu katalu hix-yehi hwatshri. Hiyáhoni katawaka hwaka pchinika hyananu, hma kayixyawakanupa. Klu tshinanu mapchahawaka yanikatshri hi himatlu hanu sreta hyamta.

João 17:4

Nuphujetatkayi pixa hewi xye tshijneya. Nnikatatkalu kamrurtshi ptowuxyano nkamhiywakapa.

João 4:34

Waneya Jesus wla tshinna: — Nnijitni waleni nyokanatjeru halujyawaka nkamhiywaka hiyrunu nnikaxyawakaplu hkamrure nenejikolu.

João 5:19

Waneya Jesus wla tshinna: — Halikakni, halikakni wla ntshinhi: Whentshi tshinkalurno hike numukata kamhaleta Nuru mepixkanuklunno. Klu tshinanu kamrurtshi kluneruktako net-kamhaletlu Nuru waleko nkamha hita Whentshi tshinkalurno. Kluneru kamrurtshiktako hkamha Nuru wale potuko nkamhajeta hita Whentshi tshinkalurno.

João 5:36

Seyni waneru nuphujtatjeru João yohnik-halukkaluru. Kamrurtshi Nuru Hoyakalu henejyano nnikaxyawakapa, xyekaka nkamhaleru, walekni hiphujtatlu nopirana, Nuru Hoyakalu yokanaxyawakno ruphujeta.

João 7:33

Waneya Jesus wla tshinna: — Pchini tsonu nimwanhi waneya wane pnutepa nyokanatjeru nwaka nyanu.

Atos 4:20

Klu tshinanu hi koxa wumukata wma munkaklexyawakanuplu wale wetanru, wyijnakotanru.

Gálatas 6:10

Hiyáhoni ptowru katako kihleru wixinwa ptowru neruko tshinanupa. Halikak-potu wane wixanna halixlu tshinanu wmoletanune.

Efésios 5:16

Hiwekka pchinika hi hetachaxinwa, klu tshinanu xye hohnekaka katsepna yine hektutu kamhatshine.

Colossenses 4:5

Himatkalnuyma hiwekanu malixkane hetanuya. Hiwekka pchinika hi hetachaxinwa.