João 9:34 - Bíblia

³⁴ Waneya wla htshinruna mayhaletukananu: — Pixa halikaka hektuntshi matuxikatshriyi, seyni paluk-hasrukletwuhe wanepnawaka? Waneya hanjihohnewakapji hkochpajyaluna hipokananu.

João 9:34 ပူးပေါင်းရင်းမြစ်များ

Gênesis 19:9

Seyni wanna wan-tshinru: — Wista sreta pasujinixka. Waneya wane pnuteko htshinna: — Ha, xye jeji mnukawa paneru hixa hanikajite hapoka seyni xawakni raluk-towutletwu. Pix-potu hektutu wkamhini. Waneya rerutluna Ló hyanwakatluna hiphapto hyotpujyawakapluna hiphapto.

Lucas 11:45

Waneya satu Moisés yonreru pirana himatpotutatshri wan-tshinru: — Kasruklewakleru, wane ptshinini hix-koxa papata.

Lucas 14:11

Klu tshinanu katukta kahwakpiratkaluru hitajinwa, malukkotu rutakko wale. Seyni malukkotu hi kahwajikatshriwa, hkahwakpiratka wale.

Lucas 18:17

Wla ntshinhi halikaka: — Katukta hi yoptotanru Hoyakalu pohirewaxyawaka mturu pixka, hi hjihlokanru.

Lucas 6:22

— Poyikowatatshinhi yahmaklu xye papko hahnanutkalunhi, malukkonhi heyikkalunhi hiyrun-koxa ptowru hektutu tshinanwakatkalunhi klu tshinanu homkahitlu Cristo, Jeji Whene tshinikatshriwa.

João 6:37

Ptowru pejnu Nuru Hoyakalu henejyano, hinanwakatno. Hiyrun-koxa ptowru pejnu hita nwaka hapokatshri hikeklu maleka nuknokanru.

João 8:41

Hixa kamhajetlu hiru kamrure. Waneya wla htshinruna: — Hixni whentshine potwu, hi kahnete hakanhikatshinwu hixa. Wuru satupkalutni, waleni Hoyakalu.

João 9:2

Waneya Jesus hasruklene hepomhatkalu Jesus, wla htshinruna: — Kasruklewakleru, kathe hektuwatatka, xye jeji mayhaletu ho ruru ho runro? Klu tshinanu mayhaletuko hmatuxyatka xye jeji.

João 9:22

Xye tokantshi htshinatka ruru, runro klu tshinanu judeu kosekatshine hpikatkana. Klu tshinanu judeu kosekatshine wane htshinna mitshi pa hchinikanurunepni, katukta yineru hiphujtaxinri Jesus, Cristo tshinkaluru rixyawaka, wale tokantshi tshinatshri hanjihohnewakapji hkochpajiko.

João 9:35

Jesus himatatkalu hanjihohnewakapji hkochpajikowaka hipokananu mayhaletukananu pirana. Waneya Jesus yoptoxinri mayhaletukananu, wla htshinru: — Palixluhe Jeji Whene tshinkaluru?

João 9:40

Waneya satkaka fariseu-ne Jesus-stsi hwakanatatshine jemlu xye tokantshi waneya repomhaluna: — Hix-koxlahe mayhalenwu?

Gálatas 2:15

Hixa judeu-nwu wimatutanruni. Hi hektune, judeu mixkane pixka hixatshinwu.

Efésios 2:3

Halikaka mitshikananu ptowrunekwu wanna pixka hixjekanatatshinwu, womkahjekanatlu hixako wixjexyawaka. Wkamhajekanatlu wimaneko hiyrun-koxa wihchinikanu halujyawakako. Hiyáhoni hix-koxa pimrineko pixka wixa kahwaklekanatlu Hoyakalu hapnokatlewle.

1 Pedro 5:5

Hiyrun-koxa hixa maklujinhi hyijnakotanna tsrune. Halikaka hixa ptowruneka hyijnakkakanu. Hmasaxinwa ptowru potuyako. Klu tshinanu Hoyakalu kamnitna halixkotachaxikatshinwa seyni repixna masaxikatshriwa renekachaleyma.

3 João 1:10

Hiyáhoni wane nyinipa hi namtakanru rixjexyawaka. Pnu pejnu hektuwaka htshinanwakatwu. Hi wale tsonu hkamha seyni hi hyoptohihlenutna Cristo tshinanu hmoletanune hiyrunu rimaletna hihle yoptolewlepiratatshine. Hiyrunu rakakna wan-hixatshine Cristo halixatshine hapatjexikowak-yehiya.

3 João 1:9

Hitamka yonanwakatna Cristo halixatshine hapatjetatshine seyni Diótrefes tshinkaluru hi hikchikhihlenutwu. Ralukpotutlu tsru kahwakpiratkaluru rixyawaka rimwanune yehiya.

Apocalipse 13:17

Hiyáhoni hike himukata maronewletanu, hi rumukata hichanrewletanna mitshikananu kmatsyiru himaxikole mimwakane. Rimaxikole waleni kmatsyiru hiwaka ho h-número-te pejnu.