João 9:22 - Bíblia

²² Xye tokantshi htshinatka ruru, runro klu tshinanu judeu kosekatshine hpikatkana. Klu tshinanu judeu kosekatshine wane htshinna mitshi pa hchinikanurunepni, katukta yineru hiphujtaxinri Jesus, Cristo tshinkaluru rixyawaka, wale tokantshi tshinatshri hanjihohnewakapji hkochpajiko.

João 9:22 ပူးပေါင်းရင်းမြစ်များ

Lucas 6:22

— Poyikowatatshinhi yahmaklu xye papko hahnanutkalunhi, malukkonhi heyikkalunhi hiyrun-koxa ptowru hektutu tshinanwakatkalunhi klu tshinanu homkahitlu Cristo, Jeji Whene tshinikatshriwa.

João 1:19

Xyekni João pirana, judeu-ne mitshi yokanatna sacerdote-ne hiyrunu levita tshinkalune, Jerusalém poktshi hichpajikatshine, João tshinkaluru nwaka repomhiywakapluna João, katnihe wale.

João 16:2

Hanjihohnewakapjikaka hkochpajikolupa hixa hiyrun-koxa rapokpapkolutanu hiylaxikowaka Hoyakalu halukanru hkamhahoxinwa.

João 19:38

Wane pnute José tshinkaluru, Arimateia hajeru, hanjitlu Pilatos Jesus-ni mane renejikowakapa. José Jesus hasrukler-koxni seyni yohimaxikatshriwani judeu-ne hamlenu tshinanu. Waneya Pilatos hitshitlu hiyáhoni runa ranijyawakaplu Jesus-ni mane.

João 20:19

Waneya hyinuwakle seman-hohne kayno, Jesus hasruklene hapatjetatka ruchyatka hiphaptokaka judeu-ne hamlenu tshinanu. Waneya Jesus hapokatka wanna hanikajite hyopkakatka. Waneya wane htshinna: — Kihle hchinikanuphi.

João 7:13

Seyni hi hixolune jemanu wane htshinanwakatluna Jesus klu tshinanu hpikna judeu-ne.

João 9:18

Seyni judeu kosekatshine hi halixlu mayhaletu rixakanaxyawaka, waneya retkakkatka, haté hetkakkaluru hirune mtomhaknuko pchinika.

João 9:21

Seyni hi wimata hanukta rixa hetletatka. Hiyrun-koxa hi wimatlu katukta himrekhakaklu. Seyni tsru yinerutkani hiyáhoni wale potuko hepomhanu. Waleko hinkaklexinwa.

João 9:34

Waneya wla htshinruna mayhaletukananu: — Pixa halikaka hektuntshi matuxikatshriyi, seyni paluk-hasrukletwuhe wanepnawaka? Waneya hanjihohnewakapji hkochpajyaluna hipokananu.

João 9:35

Jesus himatatkalu hanjihohnewakapji hkochpajikowaka hipokananu mayhaletukananu pirana. Waneya Jesus yoptoxinri mayhaletukananu, wla htshinru: — Palixluhe Jeji Whene tshinkaluru?

Atos 4:18

Waneya tsrukakalune hepukatnakna Pedro, João waneya ruykotna hma munkaklewaxyawakanupna hi psojikna Jesus hiwakaya, hi koxa rasruklewatanna Jesus hiwakaya.

Atos 5:13

Pimrineko pika hepiretletna seyni wanepnawaka yine kahwakpirpotutna nuretkalune.

Atos 5:40

Hiyáhoni htomhatkana nuretkalune waneya rali kotshipjerexinna ruykotna Jesus hiwaka hma munkaklexyawakanpatkana waneya ruchotatkana.

Apocalipse 21:8

Seyni jhamleholune, malixkane, hektutu kamhalu hamotatshine, jiylalewaklerune, kapoklewaklerune, kahontshine, mayawletshicha kahwakpiratatshine, ptowru pejnu kayloklerune wanna ptowruneka kwawaklena tshitshmero yehi, tshitshmero powha nwaka, enxofre yehi. Wane hapokatshinepa hepi rixinri hipuktshipni.