João 9:16 - Bíblia

¹⁶ Waneya fariseu-ne wla tshina: — Ha wan-hixatshri jeji hi hetko Hoyakalu hichpajikatshrini klu tshinanu hi hkahwakpiratlu hapnanuxikalur-hohne. Seyni pimrine wla tshina: — Hanu xawakhe rumukata hektuwaka kamhatshri xye pixkalutu himyekaklewatatshri kamhaleta? Hiyáhoni hkotspalahchinikanutatkana yine.

João 9:16 ပူးပေါင်းရင်းမြစ်များ

Mateus 12:10

Wane rawakanata satu jeji hiprihamyotatshri. Waneya satkaka wane hwakanatatshine haluk-hikolukanuwnakakletlu Moisés hiykole tshinanu. Wale tshinanu wla htshin-hepomhaletluna Jesus: — Ritshitkahe yineru satu rutskalajyawaka hapnanuxikalur-hohne?

Mateus 12:2

Fariseu-ne hetakanatna hiyáhoni fariseu-ne wan-tshinru Jesus: — Petanu. Haklu tshinanhe wan-rixna hapnanuxikalur-hohne hinanchitkalur-hohne?

Lucas 13:14

Seyni hanjihohnewakapji kosekatshri himtuwnahchinikanuta klu tshinanu Jesus pinrewata hapnanuxikalur-hohne waneya wla htshinna yine wane hapatjekanaxikatshine: — Waneru seis hohne rumukata kamrurewlexyawaka yineru. Hiyáhoni kamrurtshi hohnekaka hinanu hpinixikowaka hijhiywakapa seyni hapnanuxikalur-hohne hike.

João 10:19

Waneya hkotspalahchinikanutatnakna judeu-ne xye pirana hjemakanaxyawakna tshinanu.

João 14:11

Halixanno Nuru Hoyakalu hwatshrino nixyawaka, hiyrunu halixanru Nuru Hoyakalu hita rawa. Ho halixanno kamrurtshikaka nkamhalerutka tshinanu tsonu.

João 15:24

Kamrurtshi nkamhaleru satukna yineru mkamhanutu, nma kamhaknumka wanna hetanu, himka hektuwaka kamhatshinetkani. Seyni xawakni retluna nkamrure wanepnawaka rahnanutnona hiyrunu Nuru koxa rahnanutna.

João 2:11

Wan-rixa yinuwakletlu Caná poktshiya, Galileia tshijne hajeruya Jesus kamhalu mitshikananu hetkaluru hkamhaleru. Ruphujetlu royaknu hiyrunu rasruklene halixatkalu.

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

João 5:10

Hiyáhoni judeu-ne wan-tshinru hitskalakalurutka: — Xawakni hapnanuxikalur-hohneni. Hinanchitkalurni putjijekoxyawaka xye hohne.

João 5:36

Seyni waneru nuphujtatjeru João yohnik-halukkaluru. Kamrurtshi Nuru Hoyakalu henejyano nnikaxyawakapa, xyekaka nkamhaleru, walekni hiphujtatlu nopirana, Nuru Hoyakalu yokanaxyawakno ruphujeta.

João 6:52

Waneya ruhjekakpotuthonukna wannakakluko judeu-ne, wla htshinna: — Xye jeji, hanhe rumukata waleko himane henekletwu wnijyawakaplu?

João 7:12

Tsru hihjekaklu hkamhana yine hixolune Jesus tshinanu. Satkaka wla tshina: — Kihlerni wale. Seyni pimrine wla tshina: — Hike, wale halikaka yokwijetna yine.

João 7:23

Jeji mturu honra hapnanuxikalur-hohne hjiprojhaptojimtakjixa hiyrun-koxa wan-hix-hixa Moisés-ni yonreru pirana hma mayxajyawakanupa. Hiyáhoni kluneru tshinanhe hahkanno hapnanuxikalur-hohne satu jeji mane psoluka nutskalajinixka?

João 7:43

Hiyáhoni yine kotspalahchinikankaka Jesus pirana tshinanu.

João 9:24

Waneya mayhaletukananu htomhatnakna waneya wla htshinruna: — Hoyakalu tsonu himalwutanu klu tshinanu wimathetlu putskalakjeru ptshinreru hektuwaka kamhatshrikni wale.

Atos 14:4

Hiyáhoni tsru poktshi hajene kotspalahchinikankaka. Satkaka judeu-ne homkahitatka seyni pimrine nuretkalune romkahitatkana.