João 8:6 - Bíblia

⁶ Wane htshinna rutseklexyawakluna Jesus, rumukata jihyehrexyawakapluna. Waneya Jesus yonohita. Tshiji hyonata himyojiya.

João 8:6 ပူးပေါင်းရင်းမြစ်များ

Gênesis 49:9

Judá leão whene mtserutuwa pixkalutni. Pkamnireru, puylaleru yehi psatjetanu, noturu. Leão pixka pixa hikoluhleta, pukóluha leão tsruru pixkalutyi hi rawa pkamnitjeru.

Mateus 10:16

— Nyokanathi hatatjewa ovelha-nhi lobo-ne pixkalune hanikajite hyiywakapa. Hiyáhoni halpokohchinikanutanu himnune pixka seyni myokwirenephi motkokoji pixka.

Mateus 15:23

Seyni Jesus hike tshina. Hiyáhoni rasruklene hyehistsi rapokna waneya hipokananu ranjitluna, wla htshinna: — Psatkakamtanro xako klu tshinanu hixa hatjini hi tutuka saplewjeremxya.

Mateus 16:1

Waneya satkaka fariseu-ne hiyrunu satkaka saduceu-ne yanwakatlu Jesus retumhiywakapluna. Ranjitluna satu hetkaluru Hoyakalu pixkonu tshinanuya hkamhiywakapa.

Mateus 19:3

Waneya satkaka fariseu-ne yanwakatlu Jesus hepomhalu retumhiyluna. Repomhaluna: — Moisés hiykole pirana yonatkalurlahe hi tshipetlu jeji hhanunro ruknojyawakapa klunerujiji tshinanuktako?

Mateus 22:18

Seyni Jesus himathetna hektu hchinikanu rixyawakna waneya wla htshinna: — Hixachatatshinhi! Haklu tshinanhe haluk-himlukantaletno?

Mateus 22:35

Waneya satu fariseu-ne, Moisés yonreru pirana himatpotutatshri, hetumhalu Jesus xye hepomhaluyma.

Mateus 26:63

Seyni Jesus potshkecha. Waneya tsru hixikatshriwa sacerdote wan-tshinru: — Ntowutyi Hoyakalu Hiwekatshri hetanuya. Punkakanwu, pixlahe Messias-yi, Hoyakalu Whenyi?

Marcos 10:2

Waneya satkaka fariseu-ne yanwakatlu Jesus hepomhalu retumhiyluna. Repomhaluna: — Moisés hiykole pirana yonatkalurlahe hi tshipetlu jeji hhanunro ruknojyawakapa?

Marcos 12:15

Seyni Jesus himathetlu hixachatatshine rixyawakna waneya ruhitna, wla htshinna: — Haklu tshinanu haluk-himlukantaletno? Hanikanro tiyiro proji. Netanro.

Marcos 3:2

Ruslahpotukanatluna Jesus ho hapnanuxikalur-hohnerhe rutskalaklewatanu ho hike hjihyehixyamkapluna.

Marcos 8:11

Waneya fariseu-ne hapoka hyinuwaka hihretluna Jesus retumhiywakapluna. Ranjitluna hetkalurkaka hkamhiywakapa rekhixyawakapna hpixkonu ho Hoyakallahe runya ho hike.

Lucas 10:25

Waneya satu Moisés yonreru pirana himatpotutatshri palnamta hyahoxyawakaplu Jesus. Wla htshin-hepomhaletlu: — Kasruklewakleru, kluhe nkamhanu nkayaxyawakaplu hiwejikaluru hikeklu hohne mnikawnakatupa?

Lucas 11:16

Pimrinetnaka haluka yahtaletletlu Jesus hiyáhoni hetkaluru tenhohne hichpajikatshrimka ranjitluna.

João 8:2

Waneya yetshpotukawa Hoyakalupji hyatnaka. Wane hjihloka. Waneya ptowrunek-yine hapokastsitlu. Waneya Jesus tuplatatka waneya rasrukna yine.

1 Coríntios 10:9

Hiyrun-koxa hi wyahotanru Tsru Hixikatshriwa Cristo hi wkahwakanru wektunu hma mapnokaxyawakanupa satkakni israel-nerunni pixka. Himnune hiylakanna wannani.