João 8:44 - Bíblia

⁴⁴ Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

João 8:44 ပူးပေါင်းရင်းမြစ်များ

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Mateus 12:34

Himnu kamaklewatatshri pixkalunhi! Hixa hike kihleru himukata tshinreta hektutu hixyawaka tshinanu. Klu tshinanu namtshi yanumaxyalu hix-potu raji hajeru.

Mateus 13:15

Hoyakalu wan-tshina: Klu tshinanu xye yine hchinikanu hi himatjempirata; ruchyajnakotna hiyrunu ruchyayhaletna. Wane hmixkanuklunumkana, rumukata hetletmakna hiyrun-koxa rumukata yijnakoletmakna. Wanna hchinikanu himukata himatjemletamka hiyáhoni rehchinikanutanumkana numukata hitskalakletmakna.”

Mateus 13:38

Hsanni xye tshijne. Kihletatajiru wannakatkani Hoyakalu pohirewaxyawaka hayinetene. Kchana walekatkani Hoyakalu kamnitjeru hayinetene,

João 6:70

Waneya Jesus wla tshinna: — Hi he hitakni nurethi hixa doze-runhi seyni satu hixaymalutu kamtshi pixkalutni?

João 7:17

Satu yineru haluka kamhalexinri Hoyakalu halujyawaka, rimathetanru nasrukle hichpajyawaka pirana, ho Hoyakalu yehi hichpajikatshrira ho hitako ntokanra.

João 8:38

Netleru, wale ptowruka Nuru Hoyakalu hekhixyano nunkakleta. Hiyrun-koxa hixa hkamhajetanru wale ptowruka hixako hirune hasrujyatkahi.

João 8:41

Hixa kamhajetlu hiru kamrure. Waneya wla htshinruna: — Hixni whentshine potwu, hi kahnete hakanhikatshinwu hixa. Wuru satupkalutni, waleni Hoyakalu.

João 8:55

Hixa hi himathetlu wale seyni hita himathetlu. Hitamka wla ntshininipa, hi nimathetlu, waneyamka kaweyalno hita hixa pixka. Seyni nimathetlu hiyrun-koxa nomkahitlu htokanu.

Atos 13:10

Paulo wan-tshinru: — Pixa Satanás whenyi! Pkamnitlu ptowru halikakalutu. Katsepoyyi yokwijrewlu hiyrunu weyawlu. Hi he putukanu Hoyakalu tokanu halikakalutu pkoprotajyawaka weyawlu pikahwajyawaklu?

Atos 24:9

Waneya judeu-ne pa jihyehitkolu rixluna Paulo hiyrunu wane htshinna wanna, halikakni xye ptowruka.

Atos 5:3

Waneya Pedro wan-tshinru: — Ananias, haklu tshinanhe pitshitlu Satanás htowuxyawakyi pihchinikanuya pweyawyehixyawaklu Hoyakalu Hiwejikaluru pumutujyawaklu psoji tshiji wenru?

2 Coríntios 11:3

Seyni npiklu himnu yokwijexyawakanro Eva-ni kihlewaka htshinreyma pixka hixikowaka, waneko pixka hixa himtuklehchinikanutkonmaka hixapni. Wan-hixkanmaka hiknoklewatanuna hihchinikanu halikakalutu, potukalu Cristo hichpajikatshri chinikantshi.

1 Pedro 5:8

Hiyokatshine pixkalunephi, tsru hislahle hixinwa klu tshinanu tsru kamtshi, hkamnitjeru yotaljeta mhenoklu hahlalatatshri yine hnikpiratanune rujhini pixka.

2 Pedro 2:4

Hoyakalu hi hetachatna majnakowatatshine htowrerune hiwejikalune tenhohne hajenekananu seyni tshitshmero ruknokna. Yomuwatsa hostutkalunni, mapchahawak-yehi rimrexikna rapnokaxikolna hohnepa tshinanu.

1 João 1:8

Hektuntshi mwikanwu wtshininiklunwa, wyokwijechaxnawa hiyrunu hi wimwalu halikakalutu.

1 João 2:21

Hi nyonanwakathi halikakalutu tokantshi hma mimatjemyawakanu tshinanu seyni nyonanwakathi klu tshinanu himatlu halikakalutu tokantshi. Hiyrun-koxa halikakalutu tokantshi hi rawyalu weyawlu.

1 João 2:4

Satu wan-tshinini “nimatlu Hoyakalu”, seyni hma momkahitkanuklunru Hoyakalu yokanre, halikaka kayloklerni wale yineru hiyrunu hi rawya halikakalutu.

1 João 3:12

Hi Caim pixka wixanu, wale kamtshineru hiyáhoni repuru Abel-ni ruylatatka. Haklu tshinanhe ruylatlu? Klu tshinanu waleko hkamrure hektun-tshinanni hiyrunu himolni kihle kamrure rixle tshinanu.

1 João 3:15

Katukta hahnanutjetlu himole, wale jiylalewaklerni. Hiyrunu hixa himata, jiylalewakleru hi rawya hiweklu mnikawnakatupa.

Judas 1:6

Hiyrun-koxa hiwejikalune Hoyakalu towrerune tenhohne hajenekananu, yomuwatsa hostutkalunni hike rixiniko mnikawnakatu klu tshinanu ruknokatkaluna rawakanaxyawakna. Hiyáhoni Hoyakalu hihnanutna mapchahawak-yehiya, tsru hijhakaluru hohne hinatshripa rapnokatkona.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.

Apocalipse 21:8

Seyni jhamleholune, malixkane, hektutu kamhalu hamotatshine, jiylalewaklerune, kapoklewaklerune, kahontshine, mayawletshicha kahwakpiratatshine, ptowru pejnu kayloklerune wanna ptowruneka kwawaklena tshitshmero yehi, tshitshmero powha nwaka, enxofre yehi. Wane hapokatshinepa hepi rixinri hipuktshipni.

Apocalipse 22:15

Seyni poktshi malekate rawna kawene pa himtuknurune, kahontshine, kapoklewaklerune, jiylalewaklerune, mayawletshicha kahwakpiratatshine, hayloklewlu halukatshine hiyrunu weyawlu kamhatshine.

Apocalipse 9:11

Kpohirna. Htowutjerna hiwejikaluru teno pnawaka hinotatshrikni wale. Hiwakni judeu-neru tokanuya, Abadom tshinkaluru seyni grego-neru tokanuya Apolião tshinkalurni. (Raluka tshinreta, knikatakleru.)