João 8:32 - Bíblia

³² Hiyrun-koxa halikakalutu pirana himatanu hiyrunu hichotkalunpatkahi halikakalutu pirana tshinanu.

João 8:32 ပူးပေါင်းရင်းမြစ်များ

Mateus 11:29

Hitshitanno nkosejyawakaphi, nasruklenephi klu tshinanu mayohotno hita, kihle hchinikanurno waneya hit-yehi hapnanuhchinikanrewlu hikchikanu.

João 1:14

Tokantshi manewata. Hiyrun-koxa hixa tskala rawakanatatka. Wetlu royaknu. Hoyakalu hoyaknu pixka rixatka Hoyakalu whene satupkalutu. Hpoyahokakatkalu ptowru potuka Hoyakalu hihlenu hiyrunu halikakalutu pirana hpoyahokakatka.

João 1:17

Hiykolu pirana yonatkaluru yokanatatshrini Moisés-ni seyni Jesus Cristo-kni Hoyakalu hihlenu ptowru potuka hiyrunu halikakalutu pirana hiyakotatshrini wale.

João 14:6

Waneya Jesus hihitna: — Hitni hatnu hapno, Hitni halikakalutno, Hitni hiwekluno. Yine Hita tshinanu tsonu rumukata hapokanwakletluna Nuru Hoyakalu.

João 16:13

Seyni runinpatka Hiwejikaluru halikakalutu, waleko kosekanhi ptowru piranako halikaka piranaya. Klu tshinanu hi waleko hihchinikanu runkakletanu seyni runkakletanru ptowruka hjemlerutka, runkakletanru hinatshripa pirana.

João 17:17

Ppotukatanna halikaka piranayma. Halikakalutni ptokanu.

João 6:45

Hoyakalu tokanu hinkakletatshine yonawahle, wla htshina: “Wanna ptowruneka Hoyakalu hasrukanunepni.” Hiyahokni ptowru yineru Nuru Hoyakalu jematshri, Nuru Hoyakalu himatkalewaxikatshri, yanwakatanno hita.

João 7:17

Satu yineru haluka kamhalexinri Hoyakalu halujyawaka, rimathetanru nasrukle hichpajyawaka pirana, ho Hoyakalu yehi hichpajikatshrira ho hitako ntokanra.

João 8:36

Hiyáhoni Whentshi tshinkaluru hichokajiniphi waneya hichotkalunpotpakotkahi.

Romanos 6:22

Seyni xawakni Hoyakalu kochpakatkahi hektuntshi mtowuxyawakanutkahi. Hiyáhoni hixa kayatatkalu hiwejikaluru hikeklu hohne mnikawnakatupa.

Romanos 8:15

Klu tshinanu Hiwejikaluru honra Hoyakalu henekanwu, hi jhamleholune rixkakanwu. Seyni Hoyakalu Hiwejikaluru wan-hixkakwu Hoyakalu whenene wixyawaka. Hiyáhoni Hoyakalu Hiwejikaluru pixkonu tshinanuya hipokananu wane wtshinanu: Hirtshi! Nuru!

Romanos 8:2

Hiwejikaluru hiykole Cristo Jesus tshinanuya, hiwekkaklewatatshri kochpakno hektuntshi towre pixkonuya hiyrunu hipuktshi heneklewatatshri pixkonuy-koxa.

1 Coríntios 7:22

Klu tshinanu towrertshicha htshanixka Tsru Hixikatshriwa Hoyakaluya hiyáhoni mtowretkotuko hiyrun-koxa Hoyakalunutkani. Waneko pixka rixa towrertshicha mixkatu htshanixkoklunutka Cristo towrerni wale.

Gálatas 5:1

Cristo hichokakwu hichotkalune potuko wixyawaka. Hiyáhoni hpoyehixinwa hichoxikolu pirana tshinanu. Hi hkachitkotnaka towretshine hixyawaka hiyrunukotnaka.

Gálatas 5:13

Cristo tshinanu nmoletanune, hixa tshanixka hichotkalune hixyawakapa. Seyni hi hixako himane halujyawaka hkamhanu mtowutkone hixyawaka tshinanutka. Seyni Hoyakalu hichiniklewle tshinanu hepixkakanu.

2 Timóteo 3:7

Ptowru hohneko rujha himatletmakna seyni hikeklu rukchikluna halikakalutu pirana rimatjemyawakna.

Tiago 1:25

Seyni katuktako hislahpotuxiniplu potukalu tokantshi yokanatkaluru mimaletkotu pirana hiyrunu romkahpotuxiniplu tokantshi, xye yineru tokantshi hihnanutatshrini hiyrunu tokantshi kamhatshri koxni wale. Wan-hixatshri yineru hepixko Hoyakaluya hkamrure tshinanu.

Tiago 2:12

Hiyáhoni hyanumatanu hiyrunu ptowru potuka hkamhanu, heta mayxakletkalunemkaphi yonruru piranaya wane tshinatshri, ruchoxikowakatka yineru.

1 Pedro 2:16

Mimaletkonhi seyni hi hektutu hetachatkalunephi mimaletkone hixyawaka tshinanu seyni halikaka Hoyakalu towutlene pixka hixinwa.

2 João 1:1

Hita, Cristo halixatshine kosekatshrino, yonanwakatlo Tsro pixkaluto, nuretkaluro. Towhenene pixkalun-koxa, nuchinikanune halikakalutu pirana tshinanu nyonanwakata. Hi hita tsonu hichinikhi seyni ptowru yineru halikakalutu pirana himatatshine koxa hichinikhi.