João 8:31 - Bíblia

³¹ Waneya Jesus hiynumatna judeu-ne ralixjene, wla htshinna: — Ntokanu hpaklu homkahrexini waneya nasruklenepotpakhi halikaka.

João 8:31 ပူးပေါင်းရင်းမြစ်များ

Mateus 24:13

Seyni poyehitahchinikanutatshri haté hmahle papko, riwekanu.

João 1:47

Waneya Jesus hexinri Natanael wale nwaka hinamta wla htshinanwakatlu: — Hetanru! Tujrapatkani jeji israel-neru halikakalutu. Waleni maylokletu.

João 2:2

Hiyrun-koxa Jesus hiyrunu rasruklene tshanixka hnunrowlu nwaka.

João 6:55

Klu tshinanu nohitu halikakni nikkaluru hiyrunu nohraha halikakni hirkaluru.

João 8:36

Hiyáhoni Whentshi tshinkaluru hichokajiniphi waneya hichotkalunpotpakotkahi.

Atos 13:43

Waneya hnikawninixka hapatjeru hixolune judeu-ne hiyrun-koxa judeu mixkane seyni judeu hixjexyawaka homkahitatshinetka homkahitatkalu Paulo, Barnabé. Waneya Paulo, Barnabé hiykotna wanna ptowruneka hpoyehitahchinikanuxyawakapna Hoyakalu hihlenuya.

Atos 14:22

Paulo, Barnabé mixkowahchinikankakatkana Cristo halixatshine ralixleyna hiyrunu runkakletluna salewaktshi pirana yine hixo salewaktshikaka retanna haté Hoyakalu pohirewaxyawaka hjihlojyawakapna.

Atos 26:22

Seyni Hoyakalu hepixatkano hiyáhoni hewi nyopkaka xawakni nunkajyawakapna ptowru yineruka, tsrukakalune yanachalune koxa, netanru pirana psoluka. Seyni Moisés-ni hiyrunu tokantshi hinkakletatshinni tshinyawakna hinatshripa tokanu tsonu ntshina hita:

Romanos 11:22

Hislahanu hanu potu rixa Hoyakalu. Kchinikanru seyni kapnokatle koxlu. Wale hapnokatanunna hektuwaka kamhatshinepni seyni hixa tshinanu kchinikanurni, Hoyakalu hchinikanu homkahixini. Wane hmixkanuklununapa hix-koxapni kastakkona.

Romanos 2:7

Hoyakalu heneklewatanu riwejinri hikeklu hohne mnikawnakatupa hanunektako hi hituka kihleru kamhaleta hiyrunu Hoyakalu hpoyikoxyawakna hijhatshine. Hoyakalu honra rumuwkakpiratna hiyrunu riwejinrina mnikawnakatuko hijhatshine.

Colossenses 1:23

Halikakni hixa halixle hijhalu poyehiru hoho rutajikowaka, hma kowchojikowakanupa hixa halixle. Hi hitneprikkajinwa kahwakachaluya kihle piranalu potuko hiwekkaklewatatshri pirana hyijnakotanrutka xye tshijne psoluka yapiranatatshrini. Hitni Paulo-no xye pirana jinkakletaklerno.

1 Timóteo 2:15

Wanepnawaka Hoyakalu hiwekkakanna suxone hmatuwhenexinna, romkahi halixlexinna, romkahi hichiniklewlexinna, powra hchinikanurone rixinna, Hoyakalu halujyawaka hma mutuka homkahretkanuklunna.

1 Timóteo 4:16

Puslahinwa pixa nanwaka hiyrun-koxa pasruklewle. Pomkahitanru. Klu tshinanu wane pixini papnokaxikowaka yehi piwekkajinwa hiyrun-koxa pyijnakotjene.

2 Timóteo 3:14

Seyni pixa pomkahitanru pasrujikolu pirana, palixpotutanru klu tshinanu pimatlu pasrukakanatjene hixannu potuko.

Hebreus 3:14

Klu tshinanu hix-koxa Cristo-ymalunwu wpaklu homkahrepotuxinri walixle, wehalixle pixka.

Hebreus 8:9

Hi rutsrukatennina nunkaklexinri pixkalutu nunkaklexyanna, wannani Egito tshijne nkosemyoxinnina nkochpajinnixkana mitshi. Klu tshinanu wannani hi homkahitlu nunkajya piranna. Hiyáhoni nuknokatkana — htshina Tsru Hixikatshriwa Hoyakalu.

Tiago 1:25

Seyni katuktako hislahpotuxiniplu potukalu tokantshi yokanatkaluru mimaletkotu pirana hiyrunu romkahpotuxiniplu tokantshi, xye yineru tokantshi hihnanutatshrini hiyrunu tokantshi kamhatshri koxni wale. Wan-hixatshri yineru hepixko Hoyakaluya hkamrure tshinanu.

1 João 2:19

Hix-yehi ruchpakamxyana seyni hi wepirene rixjekanatna klu tshinanu wepirene rixkamkana hi ruchotatkawuna. Seyni ruchotatkawuna rimathetkanna halikaka wepirene hmixyawakanna.

1 João 2:24

Halixanru tokantshi hyinuwaklekananuko hyijnakotanru pirana. Pnute hya halixlexinri tokantshi hyinuwaklekananuko hyijnakotanru pirana hix-koxa Whentshi tshinkaluru himwanu hiyrun-koxa Wuru Hoyakalu himwanu.

2 João 1:9

Ptowru yineru majnakowatatshri, Cristo hasrukle momkahitkatu hi Hoyakaluymalutni wale. Seyni Cristo hasrukle homkahitatshri Wuru Hoyakaluymalutni hiyrun-koxa Hiwheneymalutni wale.