João 8:20 - Bíblia

²⁰ Xyekaka tokantshi htshinatka Jesus, tiyiro hapatjexikowaka hruko Hoyakalupji hwatshri hruko, rasruklewakanaxini Jesus. Hiyrunu hi satukna yineru yahot-kachretlu klu tshinanu Jesus papkolu hi hapokawa.

João 8:20 ပူးပေါင်းရင်းမြစ်များ

Mateus 26:55

Waneklu Jesus wla tshinatkana hkachitjene: — Katshowhurlanohe wkata hina yohlolewapikakayma, hahajekakayma koxa hkachixyawakapno? Ptowru hohneruka Hoyakalupji nasrukjekanaxyahi. Seyni hi hkachitno.

Mateus 27:6

Waneya tsru hixikatshinwa sacerdote-ne hapatjetlo tiyiro projkaka. Waneya wla htshinna: — Hinanchitkalurni Hoyakalupji tutajikowaka tiyiro proji klu tshinanu jeji hraha wenrutkani.

Marcos 12:41

Waneya Jesus tuplakanata Hoyakalupjiya. Hoyakalu henekachal-pajistsi htuplata. Ruslahakanatna yine henekachal-paji hitak-tiyirotetatshine. Hixo phurune tsru tiyiro hitaka.

Marcos 12:43

Hiyáhoni Jesus tomhana rasruklene. Waneya wla htshinna: — Halikaka wane ntshinhi, twu hipnahnurutatshro hike mwikato pimrine yohnik-tutaka wala.

Lucas 20:19

Tsru hixikatshinwa sacerdote-ne hiyrun-koxa kasruklewaklerune hinanchitkaluru pirana hasruklewatatshine himatlu Jesus kamnitna yapkaklu piranaya runkakletleru. Raluka kachretmakluna Jesus seyni hpikna yine.

Lucas 21:1

Waneya Jesus hislahakanatna phurune henekachal-paji hitak-tiyirotetatshine.

João 10:39

Hiyáhoni wannamka hiyrunukotnaka haluka kachretlu Jesus seyni wanna rasujyatka.

João 2:4

Waneya Jesus wan-tshinro: — Suxo, klu tshinanhe pujhano hita? Nopapkolu hi hapokawa.

João 7:14

Waneya Tsru Niklu hohnekaka hanikajitetkani Jesus wane yatka. Waneya Hoyakalupji nwaka ratskota waneya hyinuwaka hasruklewleta.

João 7:30

Waneya wannamka haluka kachretlu. Seyni hi satukna yineru yahot-kachretlu klu tshinanu Jesus papkolu hi hapokawa.

João 7:44

Satkaka yine kachpiratlu Jesus seyni hi satukna yineru yahot-kachretlu.

João 7:8

Hiyáhoni hixa tsru niklu nwaka hyanu. Seyni xawakni hitatshi hi wane nyanu klu tshinanu nopapkolu hi hapokawa.

João 8:2

Waneya yetshpotukawa Hoyakalupji hyatnaka. Wane hjihloka. Waneya ptowrunek-yine hapokastsitlu. Waneya Jesus tuplatatka waneya rasrukna yine.

João 8:59

Waneya sotluji hkochtshekna hsotlujexyawakapmakluna seyni hi retkatka Jesus. Hoyakalupji ruchpajya.