18 Satu nopirana hiphujtatatshri hitni hiyrunu hepi rixinri nopirana hiphujtatatshri waleni Nuru nyokanatjeru.
Hitni carneiro suslahakleru kihlerno; carneiro suslahakleru kihleru hamtaka hiwekletanu pratshine tshinanu.
Hitni carneiro suslahaklerno kihleru hiyrunu nimatna noprane carneiro-ne. Hiyrun-koxa noprane himatno hita.
Hita hiyrunu Nuru Hoyakalu satupkalunwu.
Hitni carneiro jihlokawakleno hiyáhoni katukta hita hiknohanu riwekanu, hjihlokanu, ruchpakanu, rukchikanru hnikleru.
Waneya Jesus wan-tshinro: — Hitni hiwekkakatshripno. Hitni hiwekluno. Ptowruka Hita halixatshripa yáholu rupnanu riwekanutnaka.
Waneya Jesus hihitna: — Hitni hatnu hapno, Hitni halikakalutno, Hitni hiwekluno. Yine Hita tshinanu tsonu rumukata hapokanwakletluna Nuru Hoyakalu.
Jesus pnute hya tshinretatnaka, wla htshinna fariseu-ne: — Hitni katalno xye tshijne hajene ptowruneka tshinanu. Hita homkahitatshri hi mapchahawaka yanatshripni seyni rawanu katalu hiweklu heneklewatatshri.
Waneya wanna wla tshinru: — Katyihe pixa? Waneya Jesus wla tshinna: — Ptowru papkoko ntshinyawakatkahi walekno hita.
Netleru, wale ptowruka Nuru Hoyakalu hekhixyano nunkakleta. Hiyrun-koxa hixa hkamhajetanru wale ptowruka hixako hirune hasrujyatkahi.
Halikakni, halikakni ntshinhi, hita ntokanu homkahpotutatshri, hikeklu hipuktshi kachitanru wale.
Waneya Jesus wla tshinna: — Halikakni, halikakni wane ntshinhi, Abraão-ni mmatutkanuklunuwa, nwakotka.
Waneya Hoyakalu poyehitatkalu hipirana wannani hiphujetleru, hekhirewlukakayma, tsru himyekaklewatatshriyma, hiyakolukakayma hiyrun-koxa Hoyakalu Hiwejikaluru pixkonu reneklewle waleko raluk-heneklewlexya pejnu.