João 8:12 - Bíblia

¹² Jesus pnute hya tshinretatnaka, wla htshinna fariseu-ne: — Hitni katalno xye tshijne hajene ptowruneka tshinanu. Hita homkahitatshri hi mapchahawaka yanatshripni seyni rawanu katalu hiweklu heneklewatatshri.

João 8:12 ပူးပေါင်းရင်းမြစ်များ

Mateus 5:14

— Hixa xye tshiji katale pixkalunhi. Poktshi teno mriji hwatshri hi himukata yohimletka. Waneko pixka hix-hixa katalu pixkalunhi, hixa hi himukata yohimameroletka.

Lucas 2:32

Katalu pixa patnu hapote hnikotyehixyawakapna judeu mixkane ptowruneka tshinanu, hiyrun-koxa payinetene israel-nerune tshinan-koxa hpohijetkona wanna.

João 12:35

Waneya Jesus wla tshinna: — Pchinhohnejiji rawanu katalu hix-yehi hwatshri. Hiyáhoni katawaka hwaka pchinika hyananu, hma kayixyawakanupa. Klu tshinanu mapchahawaka yanikatshri hi himatlu hanu sreta hyamta.

João 12:36

Katalu hwaka pchinhi halixanru. Katalu hajene hixyawakapa. Jesus xyekaka pirana runkakleta waneya hyatka. Wanna yehi ramhiyatka.

João 12:46

Nuna katalu nixyawaka xye tshijne tshinanupa, mapchahawaka hma wyawakanupa nalixjeru.

João 14:6

Waneya Jesus hihitna: — Hitni hatnu hapno, Hitni halikakalutno, Hitni hiwekluno. Yine Hita tshinanu tsonu rumukata hapokanwakletluna Nuru Hoyakalu.

João 3:19

Xyekni hapnokaxikolu: Katalu hapokyehitmakna psol-tshijne hajeneko seyni yine yohnik-hamotlu mapchahawaka kataluya klu tshinanu hektutu hkamhajetna.

João 7:17

Satu yineru haluka kamhalexinri Hoyakalu halujyawaka, rimathetanru nasrukle hichpajyawaka pirana, ho Hoyakalu yehi hichpajikatshrira ho hitako ntokanra.

João 9:5

Xye tshiji nwaka pchinika, xye tshijne katalute hitni.

Atos 13:47

Klu tshinanu xyekni htowutwu Tsru Hixikatshriwa Hoyakalu mnukawa: “Hixa nutaka katalu hixyawakapa judeu mixkane tshinanu hiyrun-koxa hiwekkaklewatatshri pirana hanikanwakaxyawakna psol-tshijne hajeneka haté hmahaxyawaka tshiji.”

Atos 26:23

Cristo haluka salewnaleta hiyrunu walepni mitshikananu yotunotatshripa hipnatshine tskalaya, katalu pixkalutu rekhixyawakapna judeu-ne hiyrunu judeu mixkane.

2 Pedro 2:17

Nyi yine hakopha popriru pixkalunni hiyrun-koxa hohimkohi tsru kanniphalu haniklene pixkalunni. Hamhikowaka mapchahawaka hwatshinepni hike rixiniko mnikawnakatupni.

2 Pedro 2:4

Hoyakalu hi hetachatna majnakowatatshine htowrerune hiwejikalune tenhohne hajenekananu seyni tshitshmero ruknokna. Yomuwatsa hostutkalunni, mapchahawak-yehi rimrexikna rapnokaxikolna hohnepa tshinanu.

1 João 1:6

Pa hchinikanurunwu Hoyakaluyma wtshininiklunwa seyni mapchahawakayma wyaniniklunu, wweyawata hiyrunu hi womkahitlu halikakalutu.

Judas 1:13

Nyi yine, teno plojhalu mar powha hwatshri mpokokhatu pixkalunni. Ruphujetluna hkamrurna patewkaklewatatshri tsonu, wenu honneha soli pixka. Katahirine mpohijetanu hwawaklerune pixkalunni wanna. Mapchahawaka, katalu mwiywakanu yehi rumlukkanna hike rixiniko mnikawnakatu mmahletu.

Judas 1:6

Hiyrun-koxa hiwejikalune Hoyakalu towrerune tenhohne hajenekananu, yomuwatsa hostutkalunni hike rixiniko mnikawnakatu klu tshinanu ruknokatkaluna rawakanaxyawakna. Hiyáhoni Hoyakalu hihnanutna mapchahawak-yehiya, tsru hijhakaluru hohne hinatshripa rapnokatkona.

Apocalipse 21:24

Ptowru tshijne hajene wale hatnu yanya. Hiyrun-koxa pohirtshine xye tshijne hajene ranikanruna hpohirewlena.