João 7:41 - Bíblia

⁴¹ Pimrine wla tshina: — Xyekni Cristo tshinkaluru. Seyni pimrine wla tshina: — Seyni Cristo tshinkaluru hi hetko Galileia tshijne ruchpajini.

João 7:41 ပူးပေါင်းရင်းမြစ်များ

João 1:41

André yahapkata himole potuko Simão tshinkaluru nwaka. Waneya wla htshinatkalu: — Wukchikatkalu Messias. (Yokakkalurutka waleni Cristo.)

João 1:46

Waneya Natanael hepomhalu: — Rumukathe satu pa hixanu kihleru Nazaré poktshi hakanhalexya? Waneya Filipe wla tshinru: — Punanu, petapanru.

João 1:49

Waneya Natanael hihitlu, wla htshina: — Kasruklewakleru, pixni halikaka Hoyakalu Whenyi! Pixni halikaka israel-neru pohireyi!

João 4:25

Waneya suxo wla ttshinru: — Nimatlu Messias honukla Cristo tshinkaluru hinanu halikaka. Runiniklunu ptowru potuko ruhle hinkakletanwu.

João 4:29

— Hinanu hetapanru satu jeji ptowruka nkamhaleru nunkakjeru. Hi he xawaka Cristo-katkani wale?

João 4:42

Wla htshinrona suxo: — Hi pixa ptokanu tsonu tshinanni seyni waleko htokanu wjemyawaka tshinanu walixlu. Wimatlu halikakni Cristo-ni wale ptowru tshijne Hiwekkakatshrini wale.

João 6:69

Hixa halixyi, wmunanhayi Pixni Cristo-yi, Hoyakalu hichpajikatshriyi Potukalyi!

João 7:27

Seyni hix-yinwu wimatlu xye jeji hichpajyawaka sreta hanurni. Seyni Cristo tshinkaluru hininipa hike yineru himatanru ruchpajyawaka sreta.

João 7:31

Waneya hixolune yine halixlu Jesus, wla htshinna: — Cristo tshinkaluru hapojinipa xyekaka himyekaklewatatshri xye jeji kamhaleru yohnikalutlahe hkamhanu wale?

João 7:52

Waneya wanna hihitlu, wla htshinruna: — Pix-koxlahe Galileia hajeryi? Petjepotutanru Hoyakalu tokanu yonatkaluru klu potu htshina waneya pimatanru satu Hoyakalu tokanu hinkakletatshri wkahwakleru hi Galileia tshijne ruchpajini.