João 7:4 - Bíblia

⁴ Klu tshinanu satu yineru ralujinri retjejpotuxikowaka, hi rumukata yohimletlu hkamhajetanru. Hiyáhoni xyekaka pkamhaleru pkamhajetanru tshinanu, ptowru yineru hetanu pkamhinri rimathexyawakapyina.

João 7:4 ပူးပေါင်းရင်းမြစ်များ

Mateus 23:5

Ptowruka hkamhanruna yine hexyawaklu tshinanu hkamhaluna. Hoyakalu tokanu yonatkaluru yonha paji htserutjetna. Xye pajkaka himkalna rostutna yine hexyawakaplu. Himkalna hyokakluna chichyoha samalu. Waneko pixka rixna ptowru potuko hkamrureyna Hoyakalu romkahpotuxyawakna hkahwajikolupna.

Mateus 4:6

Waneya tsru kamtshi Satanás wan-tshina: — Hoyakalu whene pixinipakni hewi puknojinwa teno wakaya klu tshinanu Hoyakalu tokanu potukalu yonatkaluru wan-tshina: “Hoyakalu towutanna htowrene hiwejikalune tenhohne hajene hinoxyawakapyi. Himyoymana ruchatkapanyina, pma mutshlixyawakanupa sotlu pijixiya.”

Mateus 6:16

— Hixa hohajirewaxini Hoyakalu tshinanu, hi wamonuwhojitatshinetka pimrine hixachatatshine pixka hix-hohajirewleta. Wanna honra rohajirewaxinna hektu rixhojixnawana pimrine hexyawaklu rohajirewatna. Hita wan-tshinhi yine hexyawakna tsonu kamhatshine hike hiyrunu rumlujikolna hyoptotanutkana.

Mateus 6:5

— Hiyrun-koxa hixa hanjihohnexini, hi pimrine hixachatatshine pixka hixanu. Wanna honra hikchikhihlenutlu hyopkaka hanjihohnerexyawakna hanjihohnewakapjiya hiyrunu hatnu hapo yoptowakkakaya ptowru yineru hexyawakapna. Halikaka ntshinhi yine hexyawakna wanna rumlujikolnina hike hma yoptoxyawakanupna.

Lucas 6:45

Waneko pixka rixa yineru. Yineru kihleru raj-koxa rimrexyalu kihleru, kihlekakalu kochpakjexikowakaya. Yineru hektutu hichinikanretatshri, rimretawakle hektutu, hektutkaka wane hkochpakjexya. Namtshi yanumaxyalu hix-potu raji hajeru.

João 18:20

Waneya Jesus wla tshinru: — Ptowruneko hetanu nunkaklewjeta. Ptowru judeu hapatjexyawaka hanjihohnewakapji hiyrunu Hoyakalupji, nunkaklewjekanaxya. Nunkaklewaxyawaka hikeklu nyohimata.

João 7:3

Waneya Jesus molene jejine wla tshinru: — Pyanutka, Judeia tshijne nwaka pyanu. Waneya pimrin-koxa pomkahitjene pkamrure retanutkana.

João 7:5

Klu tshinanu hi himoleneko halixatkalu Jesus.