João 7:39 - Bíblia

³⁹ Seyni xye htshinyawaka, Hoyakalu Hiwejikaluru pirana hkochtsheka. Ptowru yineru Jesus halixatshri Hoyakalu Hiwejikaluru renejikowaka piranni wale. Seyni Hoyakalu Hiwejikaluru hi reneklewatawa klu tshinanu Jesus hi hipuktshi yehi riwekkajikawa.

João 7:39 ပူးပေါင်းရင်းမြစ်များ

Mateus 16:14

Waneya ruhitluna, wla htshinruna: — Satkaka yineru wan-tshina pixa João Batista-yi; satuko wan-tshina Elias-yi; satuko wan-tshinyi pixa Jeremias tshinkaluryi ho satu mitshikawni Hoyakalu tokanu hinkakletatshriyi.

Mateus 21:11

Waneya hixolune rimotsane wla tshina: — Xyekni Jesus, Hoyakalu tokanu hinkakletatshrini Nazaré poktshi Galileia tshijne hajeru.

Lucas 24:49

Hiyrun-koxa hitakni yokananwakatanhi Nuru hinkaklexyahi. Seyni hewitshi poktshi hitukanu pixkontshi klu papko hapojini, tenhohne hichpajikatshri, hixa nwaka hapokatshripa.

Lucas 3:16

Seyni João wan-tshinna yine ptowruneka: — Hita honhayma n-batiz-jethi. Seyni runanu hita yohnik-kahwakpiratkaluru. Hita hi tsru hixikatshriwano nkochpirojyawakaplu h-sapato-tetslu. Wale batiza-tanhi Hoyakalu Hiwejikaluruyma hiyrun-koxa tshitshmeroyma.

Lucas 7:16

Waneyakni ptowru neruka pikatka, rimalwutluna Hoyakalu. Wla htshinatkana: — Tsru jinkaklewakleru rakanhayehikakatkawu Hoyakalu. Runa Hoyakalu hayinetene ruchokjixyawakapa.

João 1:21

Waneya repomhatkaluna: — Katpotyihe pixa? Elias tshinkalurlayihe? Waneya João hihitna, wla htshina: —Hike, hi waleno. Waneya repomhatnakna: — Hoyakalu tokanu hinkakletatshripotuklayhe? Seyni wla htshinatka João: — Hike.

João 1:25

Hiyáhoni repomhaluna, waneya wane htshinruna: — Cristo pmixkanuklunu ho Elias pmixkanuklunu ho Hoyakalu tokanu hinkakletatshri koxa pmixkanuklunu kluneru tshinanhe p-batiz-lewjeta?

João 1:33

Himka nimathetatkalu katuktani seyni Nyokanatjeru n-batiza-xyawakapa honhaya hinkakhapkatno wane htshina: — Wale jeji honra pexiniplu Hoyakalu Hiwejikaluru hijrukhohotlu walekni batiza-tanna yine Hoyakalu Hiwejikaluruya.

João 12:16

Mitshikananu Jesus hasruklene hi himatjematkalu xyekaka pirana. Seyni Jesus hipuktshi riwejinixka waneya ruchinikapluna wane potuko hixkaluru Jesus yineya, yonatkaluru mitshikawluru tshinyawaka pixka, Jesus pirana, hinatshripa pirana.

João 12:23

Waneya Jesus wla tshinna: — Rapokpapkolutatka Jeji Whene tshinkaluru royaknu ruphujexikolupa.

João 14:13

Hiyáhoni kluneruktako hanjixini hita hiwaka tshinanu, wale nkamhanu halikaka, Nuru Hoyakalu himalwuxiko Whentshi tshinkalurno tshinanu.

João 14:26

Hiyrunu Hapnanuhchinikankaklewatatshri ptowru potuko hasrukanhi. Walekni hepixanhi hichinijyawaklu ptowru potuko nunkaklexyatkahi. Xye Hapnanuhchinikankaklewatatshri, Hoyakalu Hiwejikalurni. Walekni Hoyakalu yokanatanrupa Hita hiwakaya.

João 16:14

Hiwejikaluru halikakalutu hita hpoyahnutanu. Hita hinkakle runkakanhi.

João 16:7

Seyni halikaka nunkakhi, kihlepotlu nyinripa klu tshinanu nma yaknuklunupa hapnanuhchinikankaklewatatshri hi hapokanu; seyni nyinipa nyokanatanru hix-yehi.

João 17:1

Xyekaka pirana htshinatka Jesus. Tenhohne hyihata waneya wla htshina: — Hoyakalu, Nuru rapokpapkolutatka. Piwhene puphujetanu, ruphujexyawakapyi pix-koxa.

João 17:5

Hiyáhoni xawakni Nuru Hoyakalu, pix-potuko puphujetanno. Xye tshijne myinuwakkanuklunuwa pixayma nwajekanaxini hoyaknutshi netleru penekanno.

João 20:22

Waneya wane htshininixka, rajpokanwakatna waneya wla htshinna: — Hyoptotanru Hoyakalu Hiwejikaluru.

João 6:14

Waneya Jesus hiyákole hetakanatatshine wan-tshina: — Xyekni halikaka Hoyakalu tokanu hinkakletatshri xye tshijne hinatshripa.

João 7:12

Tsru hihjekaklu hkamhana yine hixolune Jesus tshinanu. Satkaka wla tshina: — Kihlerni wale. Seyni pimrine wla tshina: — Hike, wale halikaka yokwijetna yine.

João 8:54

Jesus wla tshina: — Hita nanwaka npohixiniklunwa, npohixnawakwa hike kochpaka. Npohitjeru waleni Nuru Hoyakalu. Hixa Hoyakalute htshinreru.

Atos 19:2

Waneya Paulo hepomhana wanna: — Hixlahe yoptotlu Hoyakalu Hiwejikaluru halixinri papko? Waneya ruhitluna: — Hi wimatyehikanatlu Hoyakalu Hiwejikaluru.

Atos 2:17

“Hoyakalu wan-tshina: Hmahaxinri hohne Hita henekanna hitanuko Hiwejikaluru ptowru neruka. Hixa whenene jejine suxon-koxa hinkakletanru hinamtatshriwa. Tsrutsolejine hipnawatanu. Maklujine hetanru hetkalurkaka.

Atos 2:33

Hiyáhoni Jesus hanikkatka, Hoyakalu potukle sreta rawyawakpatka hiyáhoni hyoptotlu Hoyakalu Hiwejikaluru htshina hinkaklexyawakpotuklu Jesus. Hiyáhoni xye hixa hetanru hiyrunu hjemanru waleni Hoyakalu Hiwejikaluru hiyoklerni.

Atos 2:38

Waneya Pedro wan-tshinna: — Hehchinikanutanu hixa satkakhi Jesus Cristo hiwakaya h-batiza-xikowakapa hixa himtukjetatshrikaka hiknojikowakapa; wan-hixatshripa Hoyakalu Hiwejikaluru hyoptotanu Hoyakalu henekanhi.

Atos 2:4

Waneya wanna ptowruneka, katsepoyatka Hoyakalu Hiwejikaluru. Waneya hyinuwaka yanumlexyaluna pa nru pejnu, hyanumanruxinine nru pejnu Hoyakalu Hiwejikaluru yanumkakatkana wannanruya.

Atos 3:13

Wutsrukatenni Hoyakalute, Abraão-ni, Isaque-ni, Jacó-ni Hoyakalute, walekni tsru hitakkaluru reneklu htowreru Jesus. Seyni hixa nomolenhi hkamnitlu Jesus hiyrunu Jesus Pilatos tshinkaluru hoji sreta rawakanaxini, Pilatos kaspukpiratmaklu Jesus seyni hixa nomolenhi hi hinanchitlu.

Atos 4:31

Rali hanjihohnerexinixkana, waneya ruyolikatka rapatjekanaxyawakna. Ptowru neruka katsepoyatka Hoyakalu Hiwejikaluru. Hoyakalu tokanu runkakletna hike pikanu.

Romanos 8:9

Seyni hixa hi homkahitlu hixako halujyawaka seyni Hoyakalu Hiwejikalurununhi. Katukta hi himwalu Cristo Hiwejikaluru hi Cristo-nni wale.

2 Coríntios 3:8

hi psokananru xawaka royaknu Hoyakalu Hiwejikaluru kamrure.

Efésios 4:30

Hi hwamontakanru Hoyakalu Hiwejikaluru. Klu tshinanu Hoyakalu Hiwejikaluru himaxikolexikalunhi. Hoyakalununhi hi ruknokanhi haté rapojinipa hiweklu hohne potuko Hoyakaluyma.