João 7:31 - Bíblia

³¹ Waneya hixolune yine halixlu Jesus, wla htshinna: — Cristo tshinkaluru hapojinipa xyekaka himyekaklewatatshri xye jeji kamhaleru yohnikalutlahe hkamhanu wale?

João 7:31 ပူးပေါင်းရင်းမြစ်များ

Mateus 12:23

Hiyáhoni wane hwakanatatshine himyekahchinikanutatka, waneya repomhana: — Davi-ni whenrahe xye jeji?

Lucas 8:13

Sotlu hanikajite hiknokkalune wannani tokantshi jematshine. Tokantshi hjeminixkana hyoptotmakluna tsru rumuwleymana. Seyni hi waneyna hitskina wanna. Hiyáhoni pchini tsonu halixatshinepni. Runinipa yahtaletlewlu ramtakanruna tokantshi hjemlerna.

João 11:45

Waneya híxona judeu-ne, Maria himotsatatshine, retluna Jesus kamhanru waneya ralixatkaluna Jesus.

João 12:11

Klu tshinanu Lázaro pirana tshinanu hixolune judeu-ne hichotatkana wanna tsru hixikatshinwa sacerdote-ne. Jesus ralixna.

João 12:42

Wanepnawaka hixolune wanna judeu kosekatshine halixlu. Seyni fariseu-ne hpijyawaka tshinanna hi rumukata hiphujetletluna Jesus, hanjihohnewakapji hma kochpajikowakanupna tshinanu.

João 2:11

Wan-rixa yinuwakletlu Caná poktshiya, Galileia tshijne hajeruya Jesus kamhalu mitshikananu hetkaluru hkamhaleru. Ruphujetlu royaknu hiyrunu rasruklene halixatkalu.

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

João 4:29

— Hinanu hetapanru satu jeji ptowruka nkamhaleru nunkakjeru. Hi he xawaka Cristo-katkani wale?

João 4:39

Hixo Samaria-nerune wale poktshi hajene halixlu Jesus klu tshinanu suxo wla ttshinakanata: “Runkakno ptowruka nkamhakanatanru.”

João 6:2

Hixolune yine homkahikanatlu Jesus klu tshinanu retluna himyekaklewatatshri Jesus yeyixatshine rutskalajyawaka.

João 7:26

Hetanru. Ptowru yineru hetanu hyanumsata. Seyni hike htshinruna judeu kosekatshine. Hiyáhola rimathetluna xye jeji halikakni Cristo tshinkaluru rixyawaka?

João 9:16

Waneya fariseu-ne wla tshina: — Ha wan-hixatshri jeji hi hetko Hoyakalu hichpajikatshrini klu tshinanu hi hkahwakpiratlu hapnanuxikalur-hohne. Seyni pimrine wla tshina: — Hanu xawakhe rumukata hektuwaka kamhatshri xye pixkalutu himyekaklewatatshri kamhaleta? Hiyáhoni hkotspalahchinikanutatkana yine.

Atos 8:13

Simão koxa halixatka. Rali batiza-letkoklunutka, Simão himotsatlu Filipe. Rimyekatka Simão klu tshinanu retlu hetkalurkaka, himyekaklewatatshrikaka Filipe kamhalerkaka.

Tiago 2:26

Hiyáhoni yineru mane riwejinri mwaknuklunu hipnatshritkani waneko pixka rixa halixlu. Kihleru kamhalu mwaknuklunu, hipnatshritkani halixlu.