João 7:30 - Bíblia

³⁰ Waneya wannamka haluka kachretlu. Seyni hi satukna yineru yahot-kachretlu klu tshinanu Jesus papkolu hi hapokawa.

João 7:30 ပူးပေါင်းရင်းမြစ်များ

Mateus 12:14

Hiyáhoni wane ruchpakamxyana fariseu-ne waneya rujhahchinikanutatkana wannakakluko hanu rixa himukata hiylaletluna Jesus.

Mateus 21:46

Raluka kachretmakluna Jesus seyni hpikna yine klu tshinanu hkahwakluna Hoyakalu tokanu hinkakletatshri rixyawaka.

Marcos 11:18

Waneya tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine yijnakotlu xye. Hyinuwaka hijhaletluna ruylaxyawakapluna Jesus. Klu tshinanu hixolune yine ptowruneka himyekahchinikanuta rasruklewle tshinanu hiyáhoni hpikluna.

Lucas 20:19

Tsru hixikatshinwa sacerdote-ne hiyrun-koxa kasruklewaklerune hinanchitkaluru pirana hasruklewatatshine himatlu Jesus kamnitna yapkaklu piranaya runkakletleru. Raluka kachretmakluna Jesus seyni hpikna yine.

Lucas 22:53

Hixayma nwakanata ptowru hohneruka. Hoyakalupji nasrukjekanaxyahi. Seyni hi hkachitno. Seyni xawakni hipapkolutkani Hoyakalu hitshixyawaklu hixa tshinanu. Xawakni pixkontshi mapchahawaka hwatshri papkolni.

João 10:31

Waneya judeu-ne sotlumka hkochtshekatnakna hsotlujexyawakamkapluna.

João 10:39

Hiyáhoni wannamka hiyrunukotnaka haluka kachretlu Jesus seyni wanna rasujyatka.

João 11:57

Mitshikananu tsru hixikatshinwa sacerdote-ne hiyrun-koxa fariseu-ne towutna yine, katuktako Jesus yehi himatatshri runkaklewaxinripa, klu tshinanu raluka kachretluna.

João 7:19

Hi he Moisés-ni henekatkahi yonruru pirana seyni hi satuknako hixa homkahitlu. Hiyáhoni klu hikolukle tshinanhe haluk-hiylaletno?

João 7:32

Seyni fariseu-ne jemlu tokantshi yine hixolune tokanu Jesus piranyehi. Hiyáhoni fariseu-ne hiyrunu tsru hixikatshinwa sacerdote-ne yokanatna Hoyakalupji hinotatshine Jesus-mka hkachixyawakna.

João 7:6

Waneya Jesus hihitna, wla htshina: — Nopapkolu hi hapokawa. Seyni hixa ptowru papkoko himukatatka.

João 7:8

Hiyáhoni hixa tsru niklu nwaka hyanu. Seyni xawakni hitatshi hi wane nyanu klu tshinanu nopapkolu hi hapokawa.

João 8:20

Xyekaka tokantshi htshinatka Jesus, tiyiro hapatjexikowaka hruko Hoyakalupji hwatshri hruko, rasruklewakanaxini Jesus. Hiyrunu hi satukna yineru yahot-kachretlu klu tshinanu Jesus papkolu hi hapokawa.

João 8:37

Nimata hixni Abraão-ni klopichanhi. Seyni haluk-hiylaletno klu tshinanu ntokanu hi kwawakleru hix-yehiya.

João 8:59

Waneya sotluji hkochtshekna hsotlujexyawakapmakluna seyni hi retkatka Jesus. Hoyakalupji ruchpajya.

João 9:4

Nujhalu nyokanatjeru halukanru nkamhiywaka, hohi rixka pchinika. Klu tshinanu hoyetshno hapokanu. Waneya hoyetshno rixinpatka hike kamrurewatanu.