João 7:19 - Bíblia

¹⁹ Hi he Moisés-ni henekatkahi yonruru pirana seyni hi satuknako hixa homkahitlu. Hiyáhoni klu hikolukle tshinanhe haluk-hiylaletno?

João 7:19 ပူးပေါင်းရင်းမြစ်များ

Mateus 12:14

Hiyáhoni wane ruchpakamxyana fariseu-ne waneya rujhahchinikanutatkana wannakakluko hanu rixa himukata hiylaletluna Jesus.

Mateus 21:38

Seyni rexinixkaluna hitaklucha hislahatshine, riynumsakakna wannakakluko, wla htshinna: “Ha xyekni jitaklewakleru whene. Hayeri wuylateru. Waneyakni ptowruka ruru henejyamkaplu hixanpatka!”

Marcos 11:18

Waneya tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine yijnakotlu xye. Hyinuwaka hijhaletluna ruylaxyawakapluna Jesus. Klu tshinanu hixolune yine ptowruneka himyekahchinikanuta rasruklewle tshinanu hiyáhoni hpikluna.

Marcos 3:4

Waneya wla htshinna Jesus: — Hanu phuthe htshina yonawahlo hapnanuxikalur-hohne hiykole pirana? Kluhe kamhako hapnanuxikalur-hohne? Kihleru ho hektutu? Ho renek-hiweklerewatanu ho hkamaklewatanu hapnanuxikalur-hohne? Seyni wanna hike tshina.

Marcos 3:6

Waneya wane ruchpakamxyana fariseu-ne. Waneya Herodes-neyma rujhahchinikanutatkana wannakakluko hanu rixa himukata hiylaletluna Jesus.

João 1:17

Hiykolu pirana yonatkaluru yokanatatshrini Moisés-ni seyni Jesus Cristo-kni Hoyakalu hihlenu ptowru potuka hiyrunu halikakalutu pirana hiyakotatshrini wale.

João 10:39

Hiyáhoni wannamka hiyrunukotnaka haluka kachretlu Jesus seyni wanna rasujyatka.

João 11:53

Waneya waneklukananuko rujhahchinikanutna hanu rixa himukata hiylaletluna Jesus.

João 5:16

Hiyáhoni tsrukakalune judeu-ne yinuwaka kamniretlu Jesus, hiyrunu wannamka haluk-hiylaletlu klu tshinanu xyekaka hkamha hapnanuxikalur-hohneya.

João 5:18

Hiyáhoni tsrukakalune judeu-ne hijha hiylaletlu wane yohnika, hi hapnanuxikalur-hohne hma kahwakpiraxyawakanu tshinanu tsonni seyni Hoyakalu pixka rixnawakwa tshinanni. Klu tshinanu wale wan-tshina, Hoyakalu potuko hima ruruta.

João 5:45

Hi hkahwakanu njihyehixyawakhi Nuru Hoyakalu yehi. Hixa hikolukjerni Moisés-ni, hixa munanhaleru potuko, walekni hikolukanhi.

João 7:1

Waneya wane wkatanu Jesus hi Judeia tshijne hyapatka klu tshinanu judeu-ne, wane hajene, haluk-hiylaletlu. Hiyáhoni Galileia tshijne tsonu hyapjeta.

João 7:25

Waneya satkaka Jerusalém hajeru wla tshina: — Hi he xyekni jeji raluk-hiylaletna yine?

Atos 7:38

Moisés israel-neruneyma rawakanata popriwakaya hapatjexikowaka. Wane rawakanata Moisés wutsrukatenniyma hiyrun-koxa hiwejikaluru Hoyakalu towreru tenhohne hajeru Sinai mriji popriwaka riynumsaxijeruyma. Moisés yoptotlu tokantshi hiwekkaklewatatshri hixa runkajyawakaplu.

Gálatas 3:19

Hiyáhoni kluneru tshinanhe Moisés yonreru hitakka? Rutakka rimathexikowakapa hanu rixa hektuntshi. Moisés yonreru towutlewatanu haté rapokpotuxinipa Abraão klopicha hinkakletkaluru. Moisés yonreru henekka hiwejikalune Hoyakalu towrene tenhohne hajeneya. Satu jeji papohchinikanutkolumyo rutakka.

Gálatas 6:13

Klu tshinanu hi jiprojhikatshrikwa hihle homkahretlu Moisés yonreru. Seyni wanepnawaka ralukluna hixa jiprojhiynawakwa, ralixkowaxinrimkapna hjiprojhiynawakwa tshinanu.