João 7:15 - Bíblia

¹⁵ Waneya judeu-ne himyekpotuta, wla htshinna: — Hanhe ruchpajya xye rimatkalnu. Klu tshinanu hikeklu ruchtotatatka.

João 7:15 ပူးပေါင်းရင်းမြစ်များ

Lucas 4:22

Ptowru neruka halikakni htshinruna Jesus, rukchikhihlenutluna kihleru tokantshi Jesus hinkajyatkana. Wla htshinjekanatluna: — Hi he José tshinkaluru whenni wale?

Mateus 13:54

Waneya Jesus htseruwniywaka poktshi Nazaré tshinikowaka rapokatka. Hyinuwaka hasruklewleta hanjihohnewakapjiya. Waneya ptowruneka himyekahchinikanuta. Waneya repomhakakna: — Hanhe ruchpajya rimatkalnu hiyrunu pixkontshi hetkalurkaka hkamhiywaka?

Atos 26:24

Waneya Paulo hinkaklexnawa seyni Festo tsru htokanu wane htshinyalu: — Paulo, pixlahe hipukalewatatka? Tsru pimatkallahe himtukatkayi?

João 7:46

Waneya Hoyakalupji hinotatshine wla tshinatkana: — Hikeklu satu yineru hinkaklewata xye jeji pixka.

Lucas 2:47

Ptowrunek-yine, Jesus yijnakotatshine himyeka mturu Jesus himatkalnu tshinanu. Hiyrun-koxa rimyekna wane htshin-hihrexyawakna repomhakjene.

Mateus 22:22

Xye hjeminixkana, rimyekna Jesus hihixya tshinanna. Hiyáhoni ruchomtluna, hyatkana.

João 1:19

Xyekni João pirana, judeu-ne mitshi yokanatna sacerdote-ne hiyrunu levita tshinkalune, Jerusalém poktshi hichpajikatshine, João tshinkaluru nwaka repomhiywakapluna João, katnihe wale.

Mateus 22:33

Waneya hixolune xye jeminixka, rimyekahchinikanutna Jesus hasrujya tshinanna.

João 7:11

Hiyáhoni judeu-ne hijhamkatkalu Tsru Niklu yehiya. Waneya wla htshinatkana: — Hanutkalhe wale?

João 7:13

Seyni hi hixolune jemanu wane htshinanwakatluna Jesus klu tshinanu hpikna judeu-ne.

Atos 4:13

Waneya hixolune hetna Pedro, João hi hpika hinkaklewletna. Waneya rimathetkoklunutkana Pedro, João muchtotkakkone rixyawakna hixolune himyekpotuta hiyrunu rimathetna Jesus-yma yanjejekanatatshine rixyawakna Pedro, João.