14 Waneya Tsru Niklu hohnekaka hanikajitetkani Jesus wane yatka. Waneya Hoyakalupji nwaka ratskota waneya hyinuwaka hasruklewleta.
Waneya Hoyakalupji hjihlokamta Jesus. Hyinuwaka maleka yokanretna hichanrewatatshine hiyrun-koxa maronewatatshine. Tiyiro proji hipekotatshine mesa-kaka hiyrun-koxa kamowa henekachalu tshinanu hichanretatshine tuplawakkaka hyotkakatka.
Waneklu Jesus wla tshinatkana hkachitjene: — Katshowhurlanohe wkata hina yohlolewapikakayma, hahajekakayma koxa hkachixyawakapno? Ptowru hohneruka Hoyakalupji nasrukjekanaxyahi. Seyni hi hkachitno.
Jesus ptowru hohneruka hasruklewjekanata Hoyakalupjiya. Tsru hixikatshinwa sacerdote-ne, kasruklewaklerune, hinanchitkaluru pirana hasruklewatatshine hiyrun-koxa judeu-ne tsru hixikatshinwa haluk-hiylaletmaklu Jesus.
Waneya Jesus wla tshinru: — Ptowruneko hetanu nunkaklewjeta. Ptowru judeu hapatjexyawaka hanjihohnewakapji hiyrunu Hoyakalupji, nunkaklewjekanaxya. Nunkaklewaxyawaka hikeklu nyohimata.
Waneya wane pnut-hohne Jesus yoptotlu Hoyakalupjiya waneya wla htshinru: — Petanu. Putskalakkatka. Hiyáhoni xawakni hi pnute hektuwaka pkamhanu, hmakanhayehixyawakanupyi hektutu wane yohnikalutu.
Himretkaluru hohne judeu-neya, Tabernáculos tshinkaluru hohne hi howukatka.
Seyni Jesus Hoyakalupji rasruklewakanaxini tsru tokanuyma wla htshina: — Hix-yinhi himathetno hiyrunu hi wale tsonu seyni himatkoxlu nuchpajyawaka sreta. Hi nuna hitako nalujyawaka tshinanu. Nyokanatjeru halikaka halikakni, seyni hi himathetlu.
Tsru niklu hijhakaluru hohne potu nikawninixka Jesus palna waneya tsru tokantshiyma wla htshina: — Yineru hanuruktako honunnahatewatatshri yanwakatanno. Ruranu.
Waneya yetshpotukawa Hoyakalupji hyatnaka. Wane hjihloka. Waneya ptowrunek-yine hapokastsitlu. Waneya Jesus tuplatatka waneya rasrukna yine.
Xyekaka tokantshi htshinatka Jesus, tiyiro hapatjexikowaka hruko Hoyakalupji hwatshri hruko, rasruklewakanaxini Jesus. Hiyrunu hi satukna yineru yahot-kachretlu klu tshinanu Jesus papkolu hi hapokawa.