João 7:1 - Bíblia

¹ Waneya wane wkatanu Jesus hi Judeia tshijne hyapatka klu tshinanu judeu-ne, wane hajene, haluk-hiylaletlu. Hiyáhoni Galileia tshijne tsonu hyapjeta.

João 7:1 ပူးပေါင်းရင်းမြစ်များ

Mateus 10:23

Salewaktshi hexiniklunu satu poktshiya, wane hasujini pa poktshi pnute hajeru hyanu. Halikakni ntshinyi, Jeji Whene satokanu hi ptowru poktshi pejnu Israel tshijnetshi hyapanna.

Mateus 21:38

Seyni rexinixkaluna hitaklucha hislahatshine, riynumsakakna wannakakluko, wla htshinna: “Ha xyekni jitaklewakleru whene. Hayeri wuylateru. Waneyakni ptowruka ruru henejyamkaplu hixanpatka!”

Marcos 11:18

Waneya tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine yijnakotlu xye. Hyinuwaka hijhaletluna ruylaxyawakapluna Jesus. Klu tshinanu hixolune yine ptowruneka himyekahchinikanuta rasruklewle tshinanu hiyáhoni hpikluna.

João 1:19

Xyekni João pirana, judeu-ne mitshi yokanatna sacerdote-ne hiyrunu levita tshinkalune, Jerusalém poktshi hichpajikatshine, João tshinkaluru nwaka repomhiywakapluna João, katnihe wale.

João 4:3

Jesus himaxinixka wane htshinyehikanaxyawakluna waneya Judeia tshijne ruchpajyatka. Hsatoka Galileia tshijne nwaka.

João 4:54

Xyekni hepi rixinri hetkaluru Jesus kamhaleru Judeia tshijne ruchpajinixka, Galileia tshijne hyinixka.

João 6:1

Waneya wane pnute Jesus kopruhatlu Galileia powha tujra wnahlu Tiberíades tshinikowaka.

João 7:11

Hiyáhoni judeu-ne hijhamkatkalu Tsru Niklu yehiya. Waneya wla htshinatkana: — Hanutkalhe wale?

João 7:13

Seyni hi hixolune jemanu wane htshinanwakatluna Jesus klu tshinanu hpikna judeu-ne.

João 7:19

Hi he Moisés-ni henekatkahi yonruru pirana seyni hi satuknako hixa homkahitlu. Hiyáhoni klu hikolukle tshinanhe haluk-hiylaletno?

João 7:25

Waneya satkaka Jerusalém hajeru wla tshina: — Hi he xyekni jeji raluk-hiylaletna yine?

João 7:35

Waneya judeu-ne yinuwaka yanumsaleta wannakakluko, wla htshinatkana: — Hanhe xawaka hyanu wmukchijyawakanuplu? Judeu-ne hipalatkalune judeu mixkane yehi hwatshine nwaklahe hyanu xawaka? Wanerhe xawaka rasruklewtapini?

João 8:37

Nimata hixni Abraão-ni klopichanhi. Seyni haluk-hiylaletno klu tshinanu ntokanu hi kwawakleru hix-yehiya.

João 8:40

Seyni xawakni haluk-hiylaletno hita. Hit-honra hinkakatkahi halikakalutu pirana Hoyakalu hinkajyano pirana. Abraão-ni hi wane pixka hixatka mitshi.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.