João 6:53 - Bíblia

⁵³ Waneya Jesus hihitna, wla htshina: — Halikakni, halikakni ntshinhi, Jeji Whene tshinkaluru hitu hma mnijyawakanu hiyrunu hihraha hmuryawakanu hi hiwekanu halikaka.

João 6:53 ပူးပေါင်းရင်းမြစ်များ

Mateus 18:3

Waneya wla htshina: — Halikaka ntshinhi, mturune pixka hma mixkanuklunu, hikeklu hohne tenhohne pohirewaxyawaka hjihlokanu.

Mateus 5:18

Halikaka ntshina, haté tenhohne hiyrun-koxa xye tshiji nikawninri hohne, hi pa yonhajiji — hi pa yonapi yonhajiji nikawnanu yonruru piranaya hma makanhiywakanupa ptowru potuko.

Mateus 8:20

Waneya Jesus wla tshinru jeji: — Kaweretshine kapna rawjetna. Kochitshin-koxa tenhohne yapatshine waneyna rawyawakna. Seyni Jeji Whene tshinkaluru tsonu hi jimkawakleru, hi rawya rapnanuwakle.

Lucas 13:3

Seyni hita wane ntshinhi, hike. Hma mehchinikanutkanuklunupa hixa ptowrunekhi, waneko pixka hixa hiylaletkona.

Lucas 13:5

Seyni wane ntshinhi, hike. Hma mehchinikanutkanuklunu hixa, ptowrunekhi waneko pixka hixa hiylatkotanu.

João 13:8

Waneya Pedro wla tshinru: — Pixa hikeklu perokajixitanno hita. Waneya Jesus hihitlu, wla htshinru: — Nma merokakanuklunupyi hi psojikna hit-yehi pwini.

João 15:4

Hita hwanu hiyrunu nwanhi hixa. Klu tshinanu uva plu hi himukata sahiwleta waleko hmixkonu tshinanu tsonu seyni rujhalu hiptshe hyokajikowaka. Waneko pixka hixatshinhi hixa. Klu tshinanu hixa hike himukata kochpakleta hita hma yokakkanuklunu.

João 3:3

Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

João 3:36

Wale tshinanu Whentshi tshinkaluru halixatshri himwalu hiweklu hike rixiniko mnikawnakatu. Seyni Whentshi tshinkaluru malixkatu hi rawyalu riwejinri seyni Hoyakalu hapnokaxyalu hikeklu hohne rasujinri.

João 3:5

Waneya Jesus wan-tshina: — Halikaka ntshina, hike himukata jihlokletanu Hoyakalu pohirewaxyawaka hma mathapkatkanuklunu honhaya, Hiwejikaluruya koxa.

João 6:47

Halikakni, halikakni ntshinhi, Hita halixatshri himwalu hiweklu hike rixiniko mnikawnakatu.

João 6:51

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

João 6:55

Klu tshinanu nohitu halikakni nikkaluru hiyrunu nohraha halikakni hirkaluru.

João 6:62

Ha hexiniplu Jeji Whene tshinkaluru tenhohne nwaka hsatojinipa rawakanaxyawaka yehi, hanhe hixahchinikanutanu?

1 João 5:12

Katukta himwalu Hiwhene rimwakoxlu hiweklu. Seyni katukta hi himwalu Hoyakalu whene, hi koxa rimwalu hiweklu.

Apocalipse 2:17

Kajnakopnahi hyijnakoxyawakapa, hyijnakotanru Hoyakalu Hiwejikaluru tshinyawakna Cristo halixatshine hapatjexikowakkaka hajene: “Hallirewatatshri, maná mimatyehitkotu nenekanru. Hiyrun-koxa nenekanru sotlu tshraji klatalu yonatkaluru hiwaktshi herotu mimatkotu. Hike yineru himatanru hiwaktshi seyni yoptotatshri tsonu himatanru.”

Apocalipse 2:7

Kajnakopnahi hyijnakoxyawakapa, hyijnakotanru Hoyakalu Hiwejikaluru tshinyawakna Cristo halixatshine hapatjexikowakkaka hajene: Hallitatshripa nenekanu hnijyawakaplu hahmuna sahi, hahmuna hiweklu heneklewatatshri sahi, Hoyakalu hitaklucha kihler-potuko yehi hanikajite hwatshriya.”