João 6:41 - Bíblia

⁴¹ Waneya judeu-ne hihjekaka klu tshinanu Jesus wan-tshinna pão tenhohne hichpajikatshrini wale.

João 6:41 ပူးပေါင်းရင်းမြစ်များ

Lucas 15:2

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine jiheklu Jesus. Wla htshinanwakatluna: — Xye jeji hiyanna hektutu kamhatshine. Hiyrun-koxa wannayma hnika.

Lucas 19:7

Seyni pimrine hetakanatatshine kahemha. Wla htshinna: — Hektutu kamhatshripji rawanu.

Lucas 5:30

Seyni fariseu-ne hiyrun-koxa kasruklewaklerune hinanchitkaluru pirana hasruklewatatshine kahemhayehitna Jesus hasruklene. Wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

João 1:19

Xyekni João pirana, judeu-ne mitshi yokanatna sacerdote-ne hiyrunu levita tshinkalune, Jerusalém poktshi hichpajikatshine, João tshinkaluru nwaka repomhiywakapluna João, katnihe wale.

João 6:33

Klu tshinanu pão Nuru heneklewaxya walekni yineru tenhohne serpijikatshri xye tshijne Hiwekkaklewaxikatshrini.

João 6:43

Jesus hihitna, wla htshinatkana: — Hi hihjekakanu hixkakluko.

João 6:48

Hitni pão-no hiweklu heneklewatatshrino.

João 6:58

Xyekni pão tenhohne hichpajikatshri. Hi maná, hitsrukatenni nikjekanatanru pixka rixa. Hnikluna seyni rupnanna wanepnawaka. Seyni xye pão nikatshri pejnu hiwekanu hike rixiniko mnikawnakatupa.

João 6:60

Waneya hixolune rasruklene xyekaka tokantshi hjeminna wla htshinna: — Kyapreru xyekaka tokantshi. Kathe hakot-yoptoletlu xye?

João 6:66

Waneya waneklukawa hixolune Jesus hasruklene hiknokatkalu hiyáhoni Jesus rucho hiyanretna.

João 7:12

Tsru hihjekaklu hkamhana yine hixolune Jesus tshinanu. Satkaka wla tshina: — Kihlerni wale. Seyni pimrine wla tshina: — Hike, wale halikaka yokwijetna yine.

1 Coríntios 10:10

Hiyrun-koxa hi hihjekakanu hixa wannani satkakni pixka. Hiyáhoni hiylalewatatshri Hoyakalu yokanreru nikatanna yinni.

Judas 1:16

Nyi jejine hihjekakjetatshinni, kahemhajetatshinni. Wannako himanna halukanru homkahitatshinni wanna. Hinamaymana htserpiranaxnawana. Kihler-pirana htshinanwakjetna pimrine rukchikhihlenuxikowakapna wannako.