João 6:11 - Bíblia

¹¹ Waneya Jesus pão hkochtsheka, hpoyahnutlu Hoyakalu waneya Jesus hapsatna pão ptowruneko. Waneko pixka rixlo Jesus chim-koxa. Waneya ptowruneka hi psokta raluka nikletna wane pso hnikna.

João 6:11 ပူးပေါင်းရင်းမြစ်များ

Mateus 15:36

Waneya hkochtsheklu sete pão hiyrunu chimane. Rali poyahnutlexini, hjiknajrotlu, rasruklene reneklu waneya rasruklene heneksatna hixolune yine.

Lucas 24:30

Waneya nikawakakwa htuplata. Pão hkochtsheka waneya hpoyahnutlu Hoyakalu pão tshinanu. Waneya hjiknajrotlu pão. Waneya reneksatna.

João 21:10

Waneya Jesus wla tshinna: — Pimro chima hkachrero hanikanu wkata.

João 21:13

Waneya Jesus pão hkochtsheka waneya wanna rapiklu. Waneko pixka rixlo chim-koxa.

João 21:9

Waneya hiwnaha rapojinixkana, wane rexyaluna tshitshipawa wane twatka chima jimluro hiyrunu pão koxa.

João 6:23

Waneya wane pchinika pimro kanawkaka Tiberíades poktshi hichpajikatshrokaka hapokastsitlu hixolune mitshi nijyawaklu pão Jesus hali poyahnutlexinixkalu, Hoyakalu mitshi.

João 6:9

— Hewiru satu mturu rawya cinco pão cevada kamhikolu hiyrun-koxa hepi chima whene. Seyni hanhe rixa hinanuwletanna nyi yine hixolune?

Atos 27:35

Waneya wane pnute Paulo kochtsheklu pão, hpoyahnutatkalu Hoyakalu wanna hetanu. Waneya hjiknajrotlu pão hyinuwaka nikletatkalu.

Romanos 14:6

Hiyáhoni katukta kahwakpiratlu satu hixatshri hohne Hoyakalu tshinanu wan-rixa. Hiyrunu katukta nika, Hoyakalu tshinanu hnika, klu tshinanu hpoyahnutlu Hoyakalu hnijitu tshinanu. Hiyrunu katukta hi ptowruka nika Hoyakalu tshinanu wan-rixa klu tshinanu Hoyakalu hpoyahnuta.

1 Coríntios 10:31

Hiyáhoni hnijini, hirini, kluneruktako hkamhini, ptowru potuko hkamhanu Hoyakalu himalwuxikolu tshinanu.

1 Tessalonicenses 5:18

Hpoyahnutanru Hoyakalu ptowru potuko tshinanu. Klu tshinanu xye chinikantshikni Hoyakalu himalujyahi Cristo Jesus-ya.