João 5:5 - Bíblia

⁵ Wanekanan-koxlu satu yineru hahijewaktshi kachreru, trinta e oito mhale pejnu.

João 5:5 ပူးပေါင်းရင်းမြစ်များ

Marcos 9:21

Waneya Jesus hepomhalu ruru, wla htshinru: — Hi pejnu hohnehe wan-rixatka piwhene? Waneya ruru hihita, wla htshinru: — Hmatureyakawa.

Lucas 13:16

Hiyrunu xawakni twu suxo Abraão-ni klopicha. Satanás kachitanro dezoito mhale pchinika. Hiyáhoni kluneru tshinanhe hi tumukata hichotkota xye tkachikanaxikolu hapnanuxikalur-hohne?

Lucas 8:43

Waneya twa sato suxo hihrahawatatshro. Doze hwalapu hima tuhrahawatatka. Hixo kpinrewaklerunemka pinixnixkalo hiyrunu tnikatlewatanatka ptowruka twinri. Hike himukata hitskalhakakletlo.

João 5:14

Waneya wane pnut-hohne Jesus yoptotlu Hoyakalupjiya waneya wla htshinru: — Petanu. Putskalakkatka. Hiyáhoni xawakni hi pnute hektuwaka pkamhanu, hmakanhayehixyawakanupyi hektutu wane yohnikalutu.

João 5:4

Pa katkaka hserpika hiwejikaluru Hoyakalu towreru tenhohne hajeru ruyolikkajyawaklu honha. Hiwejikaluru Hoyakalu towreru tenhohne hajeru hiyolikajinru honha, waneyakni mitshikananhapka honha katsretatshri hima kluneruktako hyeyixale rutskalhiya.

João 5:6

Waneya Jesus hetlu hikoluhatshri hiyrun-koxa rimaxinixkalu hix-hohne wan-rixyawakatka waneya wla htshinatkalu jeji: — Paluk-hitskalhalethe?

João 9:1

Waneya Jesus yamxini retlu satu jeji mayhaletu. Hmatuxinikawa mayhaletni.

João 9:21

Seyni hi wimata hanukta rixa hetletatka. Hiyrun-koxa hi wimatlu katukta himrekhakaklu. Seyni tsru yinerutkani hiyáhoni wale potuko hepomhanu. Waleko hinkaklexinwa.

Atos 14:8

Waneya Listra poktshi rawakanata satu jeji tuplahohnekanatatshri hijixi himtuknu tshinanu. Hmatureyakawa wan-rixatka hiyáhoni hikeklu hohne hyanatka.

Atos 3:2

Ptowru hohneruka satu jeji hmatureyakawa myankatu Hoyakalupji hiphaptote kihlewaka tshinkalurustsi rutakjetka. Wan-rutakluna myankatu tiyiro ranjixyawakapna hiphapto jihlokatshinepa.

Atos 4:22

Xye jeji hitskalakkalurutka hiyákolu tshinanu quarenta mhale pnutetkalu.

Atos 9:33

Wane rexyalu satu jeji Eneias tshinkaluru. Oito mhale pchinika hi ruchpajyalu hijeko klu tshinanu hi rumukata yanreta.