40 Hix-yinhi hi haluk-homkahretno, hiwekkajikolupa.
Hyokanatna htowrene htshanixyawakapna phuru tshanixlene seyni hi jmerna.
— Jerusalém, ha Jerusalém! Puylajetna Hoyakalu tokanu hinkakletatshine hiyrunu pimrinni pixa nwaka hyokanatanunni Hoyakalu psotlujeta! Hixo katmaka naluka sapriklethi ho kapolethi patlapa tapatjewhenexini pixka! Tomeji hpuko tutajinna pixka. Seyni pixa hi hitshitno.
Runatka waleko rayinetene yehimka seyni rayinetene hi ralukanatkaluna.
Seyni katshowhuru xye tshinanu tsonu runa htshowhuxyawakapna, ruylalewaxyawakapa, hnikaxyawakapna carneiro-ne. Seyni hita hina carneiro-ne jiwekle hixyawakpatka hiyrunu hiweklu hike mmahaxikatutka nenejyawakapna.
Xyekni hapnokaxikolu: Katalu hapokyehitmakna psol-tshijne hajeneko seyni yine yohnik-hamotlu mapchahawaka kataluya klu tshinanu hektutu hkamhajetna.
Hethapotjetlu Hoyakalu tokanu yonatkaluru, hanu htshina. Klu tshinanu hixa kahwaklu wale yonatkaluru tshinanu hikchikanru hiweklu hikeklu hohne mnikawnakatu. Haha walekni hiphujtatlu kat-potno hita.
Hi nujhalu yineru tokanuwnale.
Hanhe hixa halixletlu hixa, pimrine tokanuwle hjemleru? Seyni hi hijhatkalu tokanuwnalu Hoyakalu satupkalutu nwaka hichpajikatshri.
Xako hi hkamrurewatanu nikkaluru himat-nikawnatshri tshinanu. Seyni hkamrurewatanu nikkaluru hikeklu hohne mnikawnakatupa tshinanu. Yineru Whene tshinkalurno xye nikluru hikeklu hohne mnikawnakatupa nenekanhi klu tshinanu Nuru Hoyakalu henekno xye tsru hitakkaluru.
Ptowru pejnu Nuru Hoyakalu henejyano, hinanwakatno. Hiyrun-koxa ptowru pejnu hita nwaka hapokatshri hikeklu maleka nuknokanru.
Hiyrunu xyekni Nuru Hoyakalu halujyawaka, Whentshi tshinkalurno hetatshine, hita halixatshine pejnu, hiweklu hike rixiniko mnikawnakatu hkayaxyawakapna. Waneya ralipre hohnepatka niwekkakanna hipuktshi yehiya.
Klu tshinanu hektuntshi wenru walekni hipuktshi. Seyni Hoyakalu henekachale hiwekluni hikeklu hohne mnikawnakatupa Wutsrukate, Jesus Cristo-ya.
Hoyakalu Hiwejikaluru hiyrunu hnuruwatatshropa wla htshinna: — Puna! Hiyrun-koxa xye pirana jematshri wla tshina: — Puna! Honunnahatewatatshri hinanu. Hiyrunu katuktako haluka yoptoletanru honha hiweklu heneklewatatshri henekachal-ha.
