João 5:30 - Bíblia

³⁰ Hike numukata kamhaleta hitako nalujyawaka tsonu tshinanu. Hanuruktako Nuru Hoyakalu hikolukanuwnajixno wale nukolukanuwnakaklewaxya. Hiyrun-koxa potukalni nukolukanuwnajixle. Klu tshinanu hi nujhalu hitako nohchinikanu nomkahixyawaka seyni Nuru Hoyakalu nyokanatjeru hihchinikanuko naluk-homkahreta.

João 5:30 ပူးပေါင်းရင်းမြစ်များ

Gênesis 18:25

Hikeklu wane pixanru potukalune puylaxyawaka hektuneyma. Potukalune hektune hma kahwajikolupna. Hi koxa wane rixa ptowru mayxaklu hetatshri xye tshijne hajeru seyni pixa potukalu pkamhanu.

Mateus 26:39

Waneya pnutejiji hya, hyospaka tshiji rutspakhojita, wla htshina ranjihohnereya: — Nuru! Palujinipa pkochripaxinno twu copa salewaktshi yehiya. Seyni hi hitako nalujyawaka pkamhanu seyni pixako palujyawaka pkamhanu halikaka.

João 14:10

Hi he palixlu Nuru Hoyakalu hwatshrino hita hiyrun-koxa Nuru Hoyakalu hita hwatshrini wale? Tokantshi nunkaklexyahi hi hita nnurrerni wale nunkakletanru. Seyni Nuru Hoyakalu hita hwatshri, waleni ptowru potuko kochpakatshrini.

João 17:4

Nuphujetatkayi pixa hewi xye tshijneya. Nnikatatkalu kamrurtshi ptowuxyano nkamhiywakapa.

João 18:11

Seyni Jesus wan-tshina hiykoletlu Pedro: — Pihnanutanru hipaji pyochmakanru pyohlolewapre! Pixlahe hi halukno twu copa salewaktshi yehi Nuru henejyano nuryawaka?

João 4:34

Waneya Jesus wla tshinna: — Nnijitni waleni nyokanatjeru halujyawaka nkamhiywaka hiyrunu nnikaxyawakaplu hkamrure nenejikolu.

João 5:19

Waneya Jesus wla tshinna: — Halikakni, halikakni wla ntshinhi: Whentshi tshinkalurno hike numukata kamhaleta Nuru mepixkanuklunno. Klu tshinanu kamrurtshi kluneruktako net-kamhaletlu Nuru waleko nkamha hita Whentshi tshinkalurno. Kluneru kamrurtshiktako hkamha Nuru wale potuko nkamhajeta hita Whentshi tshinkalurno.

João 6:38

Klu tshinanu tenhohne nunya tshiji hi hita nalujyawakako nkamhiywakapa seyni nyokanatjeru halujyawaka nkamhiywakapa halikaka.

João 8:28

Waneya Jesus wla tshinna: — Hixa teno hitajinpatkalu Jeji Whene tshinkaluru, waneya halikaka himatanu waleno, hita. Hiyrun-koxa himatanu hike nkamha hitako nohchinikanu halukanru. Seyni Nuru Hoyakalu hasrujyano pirana tsonu nyanumaxya.

João 8:42

Jesus wla tshinna: — Hoyakalu hirutkamka, hixamka halukanno hita. Klu tshinanu Hoyakalusko hichpajikatshrino hita hiyrunu hewitkano. Hiyrun-koxa hi nyokanaxnawa seyni Nuru yokanatno.

João 8:50

Hi nujhalu hita nanwaka pohixnawakwa. Seyni rawa satu nimalwutjerupa hiyrunu waleni hetamayxaklerewatatshri potuko.

Romanos 15:3

Klu tshinanu Cristo hi wale nanwaka tsonu hichinikanrexnawa. Seyni wan-rixa Jesus htshinyawakakotnaka yonatkaluru potukalu, wan-tshinatshri: “Heyiklewlu htshina heyiklexyawakyina pixa, hita hoho rapoka htshina heyiklexyawakyina pixa.”

Romanos 2:2

Seyni wimatlu potukalni Hoyakalu wan-rixa hikoluklexnawana xyekaka kamhatshine.

Romanos 2:5

Seyni chiko haji pixini, pma mehchinikanhajitkanu tshinanu papatjeyehixnawa tsru jhekantshi hapnokaxikolu hohne tshinanu Hoyakalu hekhitlu hchinikannu potukal-potuko.