João 5:27 - Bíblia

²⁷ Hiyrun-koxa renekno hitakkaluru yine nukolukajyawakapa klu tshinanu Yineru Whene tshinkalurno.

João 5:27 ပူးပေါင်းရင်းမြစ်များ

Atos 10:42

Hyokanatwu yin-yehiya wunkaklexyawakaplu, wuphujtaxyawakaplu Jesus-kni, Hoyakalu hitakanru towutatshri rixyawakapa hiwekatshineya, hipnatshineya koxa.

Atos 17:31

Hiyáhoni Hoyakalu hitaklu wale hohne psol-tshijneka rapnokaxikolupa hpotuknuyma. Mitshikawako Hoyakalu nuretlu satu jeji xye kamrurtshi hkamhiywakapa. Hiyáhoni Hoyakalu ptowru yineru rekhita hnurreruko rixyawaka klu tshinanu Hoyakalu yotunkaklu hipuktshiya.

João 5:22

Hiyrun-koxa Nuru hi satukna yineru rukolukanuwnajixa seyni renekno hita Whentshi tshinkalurno ptowru potuko nukolukanuwniywakapa.

1 Pedro 3:22

Jesus Cristo tenhohne yatshritka. Hoyakalu potukle sreta htuplata. Wane rutakka hiwejikalune Hoyakalu towrene tenhohne hajene htowuxyawaka, tsru towutatshine tenhohne hajene hiyrunu tenhohne himukatle koxa htowutatka.

1 Coríntios 15:25

Klu tshinanu Cristo hijhalu htowutlewaxyawaka haté ptowruneka hkamnitjene hkatsretanu Hoyakalu.

Mateus 9:6

Seyni himatjempotuxyawakaplu Jeji Whene tshinkaluru hitakkalurutkani xye tshijiya ruknokhektunuxyawakapna yine” — hiyáhoni Jesus wan-tshinru hiktehatshri: — Pyotunotanu, pkochtshekjekomtanu, pyanutka pipji.

João 9:39

Waneya Jesus wla tshina: — Nuna xye tshiji, yine hektunu nuphujexyawaka. Yine metkane netkajyawakapa. Hetaphutatatshine hma mexyawakanupna.

Hebreus 1:2

Seyni xawakni xye hohnekakatka riynumsatwu Hiwhene tshinanuya. Hiyrun-koxa Hiwhene himukatle tshinanu tshiji hiyrunu tenhohne hajerkaka hkamha Hoyakalu. Hiwhene honukla rutaka ptowru potuka ruru himwaleru yoptotatshripa rixyawaka.