João 5:26 - Bíblia

²⁶ Nuru Hoyakalu hiwekatshrini waleko rumukatle tshinanu. Waneko pixka nix-hita Whentshi tshinkalurno renejyano niwejya hitako numukatle tshinanu.

João 5:26 ပူးပေါင်းရင်းမြစ်များ

João 1:4

Tokantshi hiwekluni. Xye hiweklu katalni yine nikotyehitatshri.

João 10:18

Hike yineru himukata kochtsheklexyano niwekle seyni namtakanru niwekle hitako nalujyawaka tshinanu. Numukata hamtakletlu niwekle hiyrun-koxa numukatle tshinanu numukata kochtshekletatnaklu niwekle. Nuru Hoyakalu towutno xye nkamhiywaka.

João 11:25

Waneya Jesus wan-tshinro: — Hitni hiwekkakatshripno. Hitni hiwekluno. Ptowruka Hita halixatshripa yáholu rupnanu riwekanutnaka.

João 11:26

Hiyrun-koxa ptowruneka hiwekatshine, hita halixatshinetka hikeklu rupnanna. Palixluhe xye?

João 14:19

Pchini tsonu yine xye tshijne hajene hi hetanutnakno. Seyni hixa hetanutnakno. Klu tshinanu niwekanutnaka hita hiyáhoni hix-koxa hiwekanu.

João 14:6

Waneya Jesus hihitna: — Hitni hatnu hapno, Hitni halikakalutno, Hitni hiwekluno. Yine Hita tshinanu tsonu rumukata hapokanwakletluna Nuru Hoyakalu.

João 4:10

Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

João 6:57

Nuru Hoyakalu hiwekatshri yokanaxyawakno pixka hiyrunu Nuru Hoyakalu himukatle tshinanu niwejyawaka pixka, waneko pixka rixa ptowru yineru hita nikatshri pejnu. Hita tshinanuko riwekanu.

João 8:51

Halikakni, halikakni ntshinhi, hita ntokanu homkahpotutatshri, hikeklu hipuktshi kachitanru wale.

Atos 17:25

Xye Hoyakalu honra yine hiwejinri heneklewatatshri, hinnipha heneklewatatshri hiyrunu yine halukleru heneklewatatshri. Hi rujhalu repixikowaka yineya. Rimwalu ptowru rujhaleru.

1 Coríntios 15:45

Wane htshina Hoyakalu tokanu yonatkaluru: “Hoyakalu hiyakotlu Adão waleni mitshikananu yineru mantshi hiwekatshri rixyawakapa.” Seyni hapkatatatshri Adão waleni hiwejikaluru hiwekkaklewatatshrini.

1 Timóteo 1:17

Ptowru potuko yokanatatshri, ptowru hohneko hwatshri, hikeklu hohne mnikawnakatu, metkotu, Hoyakalu satupkalutu tshinanu kahwakpirhohnekanatkalurupni, himalwuhohnekanatkalurupni psol-hohne potukananuko! Seyoka.

1 Timóteo 6:16

Wale tsonni mupnakatu, Hoyakalu katawaka riwejya. Hike himukata hapoklestsitanru. Hike yineru hetlu Hoyakalu, hi koxa rumukata hetletanruna. Walepni kahwakpirhohnekanatkalurupa hiyrun-koxa tsru pixkontshipa hikeklu hohne mnikawnakatupa. Seyoka.

Hebreus 1:2

Seyni xawakni xye hohnekakatka riynumsatwu Hiwhene tshinanuya. Hiyrun-koxa Hiwhene himukatle tshinanu tshiji hiyrunu tenhohne hajerkaka hkamha Hoyakalu. Hiwhene honukla rutaka ptowru potuka ruru himwaleru yoptotatshripa rixyawaka.

Apocalipse 21:6

Waneya wla htshinatkano: — Xye ptowruka halixatka. Hit-honra mitshikananu hajerno hiyrunu hapkatatatshri potuko hajerno, hyinuwajikol-potukno hiyrunu hmahaxyawak-potuko hajerno. Honunnahatewatatshripa nutahatanu. Honha hiweklu heneklewatatshri hichpakhaxikatshri hajer-ha nenekanru, henekachalur-potuko.

Apocalipse 22:1

Hiyrun-koxa Hoyakalu towreru tenhohne hajeru hekhitno wenu Honha Hiweklu Heneklewatatshri hiwakatletatshri. Xye wenha katajha potuko, garrafa pixka. Hoyakalu hiyrunu Carneiro Whene Tshinkaluru tuplaxyawaka ruchpajyatka wale wenu.

Apocalipse 22:17

Hoyakalu Hiwejikaluru hiyrunu hnuruwatatshropa wla htshinna: — Puna! Hiyrun-koxa xye pirana jematshri wla tshina: — Puna! Honunnahatewatatshri hinanu. Hiyrunu katuktako haluka yoptoletanru honha hiweklu heneklewatatshri henekachal-ha.

Apocalipse 7:17

Klu tshinanu Carneiro Whene tshinkaluru pohirtshi tuplawakle hanikajite hwatshri hohlutanna. Hkosekanna honha kihleru, hiwekkaklewatatshri-ha nwaka. Hiyrun-koxa Hoyakalu ptowru hiktehna hcheyixyana.