João 5:23 - Bíblia

²³ Wan-rixa ptowru yineru kahwakpiraxyawakno hita, Whentshi tshinkalurno, Nuru hkahwakpiraxyawakna pixka. Yineru hanuruktako, mkahwakpiratkanuklunupno hita Whentshi tshinkalurno, Nuru Hoyakalu nyokanatjeru koxa hi hkahwakpirata.

João 5:23 ပူးပေါင်းရင်းမြစ်များ

Mateus 10:37

— Katukta hi ramotno hita ruru ho runro pnute, hi rumukata nasrukleru hixleta. Katukta hi hamotno hita hituru ho richitsho pnute hi rumukata nasrukleru hixleta.

Mateus 11:27

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

Mateus 12:21

Wale hiwaka tshinanu ptowru tshijne hajene munanhanru riwekkajyawakapna.”

Mateus 15:8

“Nyi yine himalwutno hinama tsonuyma seyni hihchinikanuyna howukayno.

Mateus 28:19

Wale tshinanu hyanu. Hasrukanna ptowru tshijne hajene. H-batiza-tanna Hoyakalu Hirtshi hiwakaya, Hoyakalu Whene hiwakaya, Hoyakalu Hiwejikaluru hiwakaya.

Lucas 10:16

Hixa yijnakotatshine hit-koxa hyijnakotna. Hixa hiknokatshine hit-koxa ruknokna. Hiyrunu hita hiknokatshine, nyokanatjer-koxa ruknokna.

João 14:1

Waneya Jesus wan-tshina: — Hi hwamonuwatanu; hi hkojwakahchinikanutanu. Hmunanhanru Tsru Hixikatshriwa Hoyakalu, Hit-koxa hmunanhanu.

João 16:14

Hiwejikaluru halikakalutu hita hpoyahnutanu. Hita hinkakle runkakanhi.

João 17:10

Hiyrun-koxa hitanunni, pixanun-koxni wanna. Waneko pixka rixa pixanunni hitanun-koxni wanna. Wanna tshinanu rawa noyaknu.

Romanos 1:7

Hiyáhoni nyonanwakathi hixa ptowrunekhi Roma poktshi hwatshinhi, Hoyakalu hamotanunhi, htomhaka Hoyakalu kotspalatanune hixyawakapa; waneyaphi Hoyakalu hihlenu hiyrun-koxa hihlehchinikanrewlu Wuru Hoyakaluya hiyrunu Tsru Hixikatshriwa Jesus Cristo-ya.

Romanos 15:12

Hiyrunuko Isaías-ni wan-tshinni: “Runinipa satu Jessé klopicha hajerupa runanu judeu mixkane htowuxyawakapa. Hiyrunu wanna kahwaklerupni wale.”

Romanos 6:22

Seyni xawakni Hoyakalu kochpakatkahi hektuntshi mtowuxyawakanutkahi. Hiyáhoni hixa kayatatkalu hiwejikaluru hikeklu hohne mnikawnakatupa.

Romanos 8:9

Seyni hixa hi homkahitlu hixako halujyawaka seyni Hoyakalu Hiwejikalurununhi. Katukta hi himwalu Cristo Hiwejikaluru hi Cristo-nni wale.

1 Coríntios 1:3

Nanjitlu Hoyakalu, Wuru hiyrun-koxa Wutsrukate Jesus Cristo hiru renejyawakaphi Hoyakalu hihlenu renekachale hiyrun-koxa hapnanuhchinikanru Hoyakalu henekanwu.

1 Coríntios 10:31

Hiyáhoni hnijini, hirini, kluneruktako hkamhini, ptowru potuko hkamhanu Hoyakalu himalwuxikolu tshinanu.

1 Coríntios 16:22

Katukta hi hamotanru Wutsrukate Cristo, hiknokalurupni hixa tskalaya. Wutsrukate Cristo, punanu.

1 Coríntios 6:19

Hi he himatlu wimane Hoyakalu Hiwejikaluru hwiywakni hixa himane hitokote hiwejikatshrini, Hoyakalu henejyawu? Wale waneyhi Hoyakalu tshinanu. Hi hixanukni hixa.

2 Coríntios 1:9

Wkahwaklu hatatjewa hipuktshi wunkaklexika. Seyni xye ptowruka hakanha hixa rasrujyawaka wma munanhiynawakanupwa hixa nanwaka seyni Hoyakalu halikaka wmunanhanu. Waleni hipnatshine hiwekkakatshri.

2 Coríntios 5:14

Klu tshinanu Cristo hichinijyawakwu tshinanu wihchinikanu hkoseta. Klu tshinanu wimatlu satupka yineru hipnatka ptowrunek-yine tshinanu. Hiyáhoni hatatjewa ptowrunekwu hipnatka waleyma.

2 Coríntios 5:19

Xyekni wunkakle: Hoyakalu hi hitajyana yine rektunna. Hoyakalu Cristo hoho hyapa ptowrunek-yine rimatlexyawakapa. Hiyrun-koxa Hoyakalu henekwu xye hinkaklu, Hoyakalu himukata himatletlexyawakapna yine pirana, wunkakletjeta.

Efésios 6:24

Hiyrun-koxa nanjitlu Hoyakalu, Hoyakalu hihlenu renekachale renejyawakaphi hixa ptowrunekhi Wutsrukate Jesus Cristo hichinikhohnekanatatshinephi.

2 Timóteo 1:12

Hiyáhoni wale tshinanu wla nixa salewnaleta. Wanepnawaka hi nuhrokahchinikanuta. Klu tshinanu nimatlu nmunanhalerni Cristo. Hiyáhoni hi nkaheklu himukatatshri potukni wale rimretjixikolu ruslahyawaka haté rapokhohnexinipa rapkatle hohne potuko.

Hebreus 1:6

Hoyakalu mitshi xye tshijne yokanaxinri hiwhene mitshikananu wla htshina: “Ptowruneka hiwejikalune Hoyakalu towrene tenhohne hajene himalwutanru.”

2 Pedro 1:1

Hita Pedro Simão tshinkalurno, Hoyakalu towrerno. Jesus Cristo nurrerno hita. Hixa pixkalun-koxhi hixa. Halixlu hike pixka mixkatu yoptotatshinhi Hoyakalu potuknu tshinanu hiyrunu wiwekkakjeru Jesus Cristo tshinanu. Hixa tshinanni xye yonawahlo.

2 Pedro 3:18

Seyni halikaka Wutsrukate Jesus Cristo, Wiwekkakjeru hepixle hiyrunu Cristo himathetle tseruwnikatshinephi. Wale pohitko xawakni hohne hiyrun-koxa hike rixiniko mnikawnakatupa hohne koxa hpohitko.

1 João 2:23

Katukta hi halixlu Whentshi tshinkaluru hi rawya Wuru Hoyakalu, seyni katukta halixlu Whentshi tshinkaluru, Wuru Hoyakalu koxa rawya.

2 João 1:9

Ptowru yineru majnakowatatshri, Cristo hasrukle momkahitkatu hi Hoyakaluymalutni wale. Seyni Cristo hasrukle homkahitatshri Wuru Hoyakaluymalutni hiyrun-koxa Hiwheneymalutni wale.