João 5:22 - Bíblia

²² Hiyrun-koxa Nuru hi satukna yineru rukolukanuwnajixa seyni renekno hita Whentshi tshinkalurno ptowru potuko nukolukanuwniywakapa.

João 5:22 ပူးပေါင်းရင်းမြစ်များ

Mateus 11:27

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

Mateus 16:27

Klu tshinanu Jeji Whene hiyrunu hiwejikalune htowrene tenhohne hajene hapokanu Hoyakalu hoyaknuyma. Waneya renekanru satkaka yineru hkamrure wenru.

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

João 17:2

Peneklu towuwlu ptowru yineru htowuxyawaka, hiweklu hike rixiniko mnikawnakatuko renejyawakapna yine ptowruneka penejyatkalu.

João 3:35

Hoyakalu Hirtshi hamotlu Whentshi tshinkaluru. Hiyrun-koxa wale towre rutajyalu ptowru potukananuka.

João 5:27

Hiyrun-koxa renekno hitakkaluru yine nukolukajyawakapa klu tshinanu Yineru Whene tshinkalurno.

João 9:39

Waneya Jesus wla tshina: — Nuna xye tshiji, yine hektunu nuphujexyawaka. Yine metkane netkajyawakapa. Hetaphutatatshine hma mexyawakanupna.

Atos 10:42

Hyokanatwu yin-yehiya wunkaklexyawakaplu, wuphujtaxyawakaplu Jesus-kni, Hoyakalu hitakanru towutatshri rixyawakapa hiwekatshineya, hipnatshineya koxa.

Atos 17:31

Hiyáhoni Hoyakalu hitaklu wale hohne psol-tshijneka rapnokaxikolupa hpotuknuyma. Mitshikawako Hoyakalu nuretlu satu jeji xye kamrurtshi hkamhiywakapa. Hiyáhoni Hoyakalu ptowru yineru rekhita hnurreruko rixyawaka klu tshinanu Hoyakalu yotunkaklu hipuktshiya.

Romanos 2:16

Waneklu hohnepa Hoyakalu hapnokatanru ptowru yine hchinikanu mimatyehikanatkotu ntshinyawaka kihle piranalu potuko hiwekkaklewatatshri pirana tshinanu Jesus Cristo tshinanuya.

2 Coríntios 5:10

Klu tshinanu hixa ptowrunekwu Cristo hoji sreta wuphujewnini. Cristo hijhahchinikanyehitanwu hixa ptowrunekwu. Waneya satkaka yoptotanru hkayleru xye tshiji hajeru mantshi kamrure wenru ho kihlerhe hkamhaleru ho hektutra.

2 Timóteo 4:1

Rapojinipa Cristo Jesus Tsru Hixikatshriwa rixyawakapa, hjihyehitanna hiwekatshinewa, hipnatshin-koxa. Hiyáhoni Hoyakalu hetanu hiyrunu Cristo Jesus hetanu ntowutpotutyi Timóteo.

1 Pedro 4:5

Wanna nanwaka hinkaklexinwa Hoyakalu hepomhinipna, ptowru yineru ho hiwekatshri ho hipnatshri mayxakle halpokohnaputatshri.