João 5:19 - Bíblia

¹⁹ Waneya Jesus wla tshinna: — Halikakni, halikakni wla ntshinhi: Whentshi tshinkalurno hike numukata kamhaleta Nuru mepixkanuklunno. Klu tshinanu kamrurtshi kluneruktako net-kamhaletlu Nuru waleko nkamha hita Whentshi tshinkalurno. Kluneru kamrurtshiktako hkamha Nuru wale potuko nkamhajeta hita Whentshi tshinkalurno.

João 5:19 ပူးပေါင်းရင်းမြစ်များ

Gênesis 1:1

Hyinuwakle Hoyakalu hiyakotlu tenhohne, tshiji koxa.

Gênesis 1:26

Hiyrun-koxa wane htshina Hoyakalu: — Xawakni yineru wkamhanu, wyáholu wkamhinru hixa pixka rixanu. Yineru towutanro chima, kamejiru koxa, ptowruka pantshi hajeru, ptowru hixatshri hocha hajeru, ptowru hixatshri yosrolotatshri, mtserutu, tsrur-koxa, ptowru hixatshri htowutanu psoltshijyako.

Mateus 26:39

Waneya pnutejiji hya, hyospaka tshiji rutspakhojita, wla htshina ranjihohnereya: — Nuru! Palujinipa pkochripaxinno twu copa salewaktshi yehiya. Seyni hi hitako nalujyawaka pkamhanu seyni pixako palujyawaka pkamhanu halikaka.

Lucas 21:15

Klu tshinanu hita henektokanutanhi hiyrunu himatkalewlu. Hma mumukata hihretanutna hkamnitjene, hma mumukata yoptoletanutna tokantshi.

João 10:18

Hike yineru himukata kochtsheklexyano niwekle seyni namtakanru niwekle hitako nalujyawaka tshinanu. Numukata hamtakletlu niwekle hiyrun-koxa numukatle tshinanu numukata kochtshekletatnaklu niwekle. Nuru Hoyakalu towutno xye nkamhiywaka.

João 12:49

Klu tshinanu hi hitako ntokanu nunkakatkahi seyni Nuru Hoyakalu yokanatno wane ntshinyawakapa, nunkakletanrupa.

João 12:50

Hiyrun-koxa nimatlu tokantshi htowuxyano waleni hiweklu hike rixiniko mnikawnakatupa. Hiyáhoni ptowru potuko nunkakletleru pirana wale Nuru Hoyakalu hinkakletjixyano tokanni.

João 14:10

Hi he palixlu Nuru Hoyakalu hwatshrino hita hiyrun-koxa Nuru Hoyakalu hita hwatshrini wale? Tokantshi nunkaklexyahi hi hita nnurrerni wale nunkakletanru. Seyni Nuru Hoyakalu hita hwatshri, waleni ptowru potuko kochpakatshrini.

João 2:19

Waneya Jesus wla tshinna: — Xye Hoyakalupji hyotkakanu hixa waneya map-hohne pejnu nkamhanutnaklu hita.

João 3:3

Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

João 5:21

Nuru hiwekkakjetna hipnatshine, hiweklu renekjetna. Hiyáhoni waneko pixka nix-hita Whentshi tshinkalurno. Hanuruktako yineru naluk-hiwekkakleta, niwekkaklu.

João 6:38

Klu tshinanu tenhohne nunya tshiji hi hita nalujyawakako nkamhiywakapa seyni nyokanatjeru halujyawaka nkamhiywakapa halikaka.

João 8:28

Waneya Jesus wla tshinna: — Hixa teno hitajinpatkalu Jeji Whene tshinkaluru, waneya halikaka himatanu waleno, hita. Hiyrun-koxa himatanu hike nkamha hitako nohchinikanu halukanru. Seyni Nuru Hoyakalu hasrujyano pirana tsonu nyanumaxya.

João 9:4

Nujhalu nyokanatjeru halukanru nkamhiywaka, hohi rixka pchinika. Klu tshinanu hoyetshno hapokanu. Waneya hoyetshno rixinpatka hike kamrurewatanu.

Atos 2:24

Seyni Hoyakalu hiwekkakatnaklu Jesus, hipuktshi mixkonu hkochpajyalu Hoyakalu klu tshinanu hipuktshi hi himukata kachretlu Jesus.

Romanos 6:4

W-batiza-tkoklunu Cristo kapnaxikolu wyimatka, hatatjewa waleyma wupnatka. Hiyrunu Cristo hiwekatnaka hipuktshiya Hirtshi hoyaknu tshinanu hiyáhoni wale pixkonu herotu hiweklu henek-koxwu hixa.

Romanos 8:11

Hixa hitokote rawini Hoyakalu Hiwejikaluru, Jesus manni hiwekkakjeru, Cristo mane hiwekkakatshri hix-manen-koxa riwekkakanu Hoyakalu Hiwejikaluru tshinanu hixa hitokote hwatshri.

1 Coríntios 15:12

Hi he wunkakle Cristo hipuktshi hichpajyatka riwejyawakatnaka piranni? Klu tshinanhe xawaka hixa satkaka wan-tshina hipnatshine hi hiwekanutnaka?

2 Coríntios 4:14

Klu tshinanu wimatlu Hoyakalu honra Wutsrukate Jesus hipuktshi yehi riwekkajyatkalu, hix-koxa hipuktshi yehi riwekkajinwu Jesus pixka. Hiyrun-koxa Hoyakalu Jesus yehi ranikanwu hixaymakananuko.

2 Coríntios 5:10

Klu tshinanu hixa ptowrunekwu Cristo hoji sreta wuphujewnini. Cristo hijhahchinikanyehitanwu hixa ptowrunekwu. Waneya satkaka yoptotanru hkayleru xye tshiji hajeru mantshi kamrure wenru ho kihlerhe hkamhaleru ho hektutra.

Efésios 2:5

Wale tshinanu Hoyakaluya, hipnakanatatshinwu wixjekanata wmalixlenu tshinanu, Hoyakalu, Cristo walixyawaka tshinanu, riwekkakwu. Klu tshinanu Hoyakalu henekachale tsonu tshinanu wiwekkakka.

Efésios 3:16

Nanjitlu Hoyakalu repixyawakapna yine rimwaleru tsrur-potuko tshinanu, renejyawakhi, hixa nanwaka hmixkowaxinripa, pixkontshi Hoyakalu Hiwejikaluru tshinanu.

Filipenses 3:21

Wale kachrijewnakakanru wimane hihrokakanatatshri, himat-nikawnatshri waleko himane hoyaknu pixka rixyawakapa. Wan-rixanu rumukatleyma hiyahokni rumukata ptowru potuko htowuxyawaka.

Filipenses 4:13

Nmixkotjeru tshinanu ptowru potuko numukata.

Colossenses 1:11

Nanjitlu Hoyakalu hmixkoxikowakapa hihchinikanu Hoyakalu hoyaknu mixkonuymako hixa himukata hakotlewleta ptowru mchiretannutshiyma, poyikowluyma.

Colossenses 1:16

Klu tshinanu Cristo-kni ruyakoxika ptowru potuko tenhohne hajeru, tshiji hajeru, hetkalurkaka hiyrunu metkotkaka, hitakkalurkaka hiyrunu tsrukakalune hetkalurkaka ho metkotkaka. Ptowru potuko hiyakotka Cristo tshinanuya hiyrun-koxa walenu rixyawakapni.

1 Tessalonicenses 4:14

Klu tshinanu walixiniplu Jesus hipniywaka pirana hiyrun-koxa riwejyawakatnaka hipnatshine tskalaya pirana walixini waneko pixka rixa hwapletanna Hoyakalu hipnatshine Jesus halixatshinni Jesus-yma.

1 Pedro 3:18

Klu tshinanu pa katapka Cristo koxa salewnatka hektuntshi tshinanu. Hiyáhoni kihleru kamhatshri salewnatka hektutu kamhatshri tshinanupa. Wan-rixa Cristo ranijyawakapwu Hoyakalu nwaka. Waneyakni Cristo ruylaxikolu himane tsonu seyni riwejinri hiwekkakhonuklu.

Apocalipse 2:23

Wala whenene nuylatanu. Hiyáhoni ptowruka Cristo halixatshine hapatjexikowakkaka hajene himatanu hitakni yineru hchinikanu hiyrunu yineru haji hetjetatshrino. Hiyrunu hixa satkaka wenutko hkamrure wenru pso.