João 4:36 - Bíblia

³⁶ Hamatshri wenuxikolu hyoptota. Rapatjeyehixnawa halukkaluru hiweklu hike rixiniko mnikawnakatu tshinanupa. Hiyáhoni hitaklewatatshri hiyrunu hamatshri himumuwatanu.

João 4:36 ပူးပေါင်းရင်းမြစ်များ

Mateus 19:29

Ptowru yineru hipji hichotatshri, ho runro, ho ruru, ho himolene ho himolerone [ho hhanunro,] ho hiwhenene hichotatshri ho hsana hichotatshri Hita tshinanu hyoptotanru cem kata pnute hiyrunu riwejinri hikeklu hohne mnikawnakatupa.

João 3:36

Wale tshinanu Whentshi tshinkaluru halixatshri himwalu hiweklu hike rixiniko mnikawnakatu. Seyni Whentshi tshinkaluru malixkatu hi rawyalu riwejinri seyni Hoyakalu hapnokaxyalu hikeklu hohne rasujinri.

João 4:14

Seyni katuktako honha hita henekjexyalu hiratshri hikeklu ronunnahatewatanu. Klu tshinanu honha hita henekjexyalu hakopha rixnatkawa hisatu hitokoteya. Hiweklu hikeklu hohne mnikawnakatupa renekanru.

João 5:24

Halikakni, halikakni wane ntshinhi, ntokanu jematshri, nyokanatjeru halixatshritka himwalu hiweklu hike rixiniko mnikawnakatu. Hike jikolukanuru waneylu. Seyni hipuktshi riknokajikatka hiweklu hjihlokatka.

Romanos 1:13

Hiyáhoni Cristo tshinanu nmoletanune, nalukhi hixa himaxyawaklu hixo katamka nalpokotatkalu hix-yehi napojinripa seyni ptowru katako satu pa hixanu himaletno wane nma yiywakanupa. Klu tshinanu naluk-halixkakletna yine hixa tskala hwatshine nixa halixkaklexyawakpotukna pimrine judeu mixkane pixka nkamrure tshinanu.

Romanos 2:7

Hoyakalu heneklewatanu riwejinri hikeklu hohne mnikawnakatupa hanunektako hi hituka kihleru kamhaleta hiyrunu Hoyakalu hpoyikoxyawakna hijhatshine. Hoyakalu honra rumuwkakpiratna hiyrunu riwejinrina mnikawnakatuko hijhatshine.

Romanos 6:22

Seyni xawakni Hoyakalu kochpakatkahi hektuntshi mtowuxyawakanutkahi. Hiyáhoni hixa kayatatkalu hiwejikaluru hikeklu hohne mnikawnakatupa.

Romanos 6:23

Klu tshinanu hektuntshi wenru walekni hipuktshi. Seyni Hoyakalu henekachale hiwekluni hikeklu hohne mnikawnakatupa Wutsrukate, Jesus Cristo-ya.

1 Coríntios 9:17

Klu tshinanu hitako nalujyawaka nkamhakmaka nwenuxikolumka nujhanu. Seyni ntowuxikoluyma nkamhiywaka tshinanru xye kamrurtshi renekno Hoyakalu.

1 Coríntios 9:18

Hiyáhoni klunernihe nwenuxikolu? Waleni npoyikowle kihle piranalu potuko hiwekkaklewatatshri pirana nunkaklexyawaka hiyrunu hike nujhayehita nwenuxikowaka xye nkamrure tshinanu.

1 Tessalonicenses 2:19

Klu tshinanu klunerni wkahwakleru ho wumuwlepa ho wumlujikolu poyikowkaklewatatshri? Hi he hixpakni, Wutsrukate Jesus hetanuya runinpatka?

1 Timóteo 4:16

Puslahinwa pixa nanwaka hiyrun-koxa pasruklewle. Pomkahitanru. Klu tshinanu wane pixini papnokaxikowaka yehi piwekkajinwa hiyrun-koxa pyijnakotjene.