João 4:31 - Bíblia

³¹ Waneya wane pchinika Jesus hasruklene nikjixmaklu. Wla htshinruna: — Kasruklewakleru, pnikanu.

João 4:31 ပူးပေါင်းရင်းမြစ်များ

Gênesis 24:33

Waneya nijittshimka rutakyehitkamka hniklerupa. Seyni wale wla tshinatka: — Hi nnikanu nma munkakkanuko pchinhi klu hikoluklu tshinanu wkata nuna. Waneya Labão wla tshinru: — Haté hehe pyanumatanu.

Mateus 23:7

Rukchikhihlenutluna ralijikowakna hixowaka hetanu hiyrunu kasruklewakleru htshinikolna yineya.

Mateus 23:8

Seyni hixa hi kasruklewakleru htshinko klu tshinanu satupkalu pasrukjeru hiyrun-koxa hixa ptowrunekhi moletkakatshinhi.

Mateus 26:25

Waneya Judas, Jesus kamnitjerupa, wla tshina: — Kasruklewakleru, hitlahe? Jesus hihitlu, wla htshinru: — Pixako wan-tshina.

Mateus 26:49

Waneya Judas hajeyri hapokastsitlu Jesus waneya wla htshinru: — Hali, kasruklewakleru! Waneya ramlutlu.

Marcos 11:21

Waneya Pedro hichinkaplu Jesus tshinyawakanru. Waneya Pedro wan-tshinru Jesus: — Petanu kasruklewakleru, figueira-ni hektuwaka ptshinanwakatanroni hipnanatka.

Marcos 14:45

Waneya hajeyri rapokastsixinixkalu Jesus waneya wane htshina Judas: — Kasruklewakleru! Waneya ramlutlu.

Marcos 9:5

Waneya Pedro wan-tshinru Jesus: — Kasruklewakleru, kihleru wiko wwiywaka. Hayeri wkamheru mapa pantshi; satu pixanupa, satu Moisés-nupa, satu Elias-nupa.

João 1:38

Waneya Jesus hiprotaka, retna romkahitjene. Waneya wla htshinna: — Kluhe hijhajeta? Wanna wla tshinru: — Hasruklewatatshri (wale Tsru Hixikatshriwa raluka tshinreta). Hanhe pwajeta?

João 1:49

Waneya Natanael hihitlu, wla htshina: — Kasruklewakleru, pixni halikaka Hoyakalu Whenyi! Pixni halikaka israel-neru pohireyi!

João 11:8

Seyni wanna wan-tshina: — Kasruklewakleru, xawakni potuko judeu-ne wane hajene haluka sotlujrekanatyi seyni wanepnawaka paluka satkapleta wanna nwaka?

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

João 3:26

Waneya João nwaka hyana, wla htshinruna: — Kasruklewakleru, jeji honra pimwakanatanru Jordão wenne tujra wnahlu mitshi, puphujtapiranaxinri, haha wale himakni h-batiz-lewjexya. Hiyrun-koxa ptowru yine yanwakjetlu.

João 4:30

Hiyáhoni wale poktshi ruchpajyatkana. Jesus nwaka hyatkana.

João 4:32

Seyni wale wla tshina: — Knijitno nniklerupa hmetjejetanutu.

João 6:25

Waneya hixolune yine yoptotlu Jesus hipowha pa sreta wnahluya. Waneya repomhaluna: — Kasruklewakleru, hikluhe hewi papokatka?

João 9:2

Waneya Jesus hasruklene hepomhatkalu Jesus, wla htshinruna: — Kasruklewakleru, kathe hektuwatatka, xye jeji mayhaletu ho ruru ho runro? Klu tshinanu mayhaletuko hmatuxyatka xye jeji.