João 4:23 - Bíblia

²³ Seyni rapokhohnetanu, halikaka wale hohne hapokatka, Hoyakalu himalwutatshine potu himalwutanru Hirtshi Hoyakalu riwejinriyna hiyrun-koxa hpotuknu hchinikanuymana. Klu tshinanu Hirtshi Hoyakalu halukna rimalwutjene wane pixka hixatshine rixyawakna.

João 4:23 ပူးပေါင်းရင်းမြစ်များ

João 1:17

Hiykolu pirana yonatkaluru yokanatatshrini Moisés-ni seyni Jesus Cristo-kni Hoyakalu hihlenu ptowru potuka hiyrunu halikakalutu pirana hiyakotatshrini wale.

João 12:23

Waneya Jesus wla tshinna: — Rapokpapkolutatka Jeji Whene tshinkaluru royaknu ruphujexikolupa.

João 16:2

Hanjihohnewakapjikaka hkochpajikolupa hixa hiyrun-koxa rapokpapkolutanu hiylaxikowaka Hoyakalu halukanru hkamhahoxinwa.

João 16:32

Hetanu rapokpapkolutanu, rali hapoklepapkolutatka hipalaxyawakapa hixa satkakhi waleko hyawakle yanu, hita hichomtanu. Seyni hi hichotkalurno halikaka klu tshinanu Nuru Hoyakalu hitaymalutni wale.

João 4:21

Waneya wla htshinro: — Suxo palixanno. Rapokhohnetanu hike yineru himalwutanru Hoyakalu hewi xye himrijiya, hi Jerusalém poktshiyako.

João 5:25

Halikakni, halikakni wane ntshinhi, hipnatshine Hoyakalu Whene tokanu hjemyawakna papko hinamta hiyrunu rapokatka. Hiyrunu htokanu jematshine hiwekkakko.

João 5:28

Hi himyekanu xye pirana tshinanu. Klu tshinanu rapokhohnetanu yinni ptowrunnika hipuktshi yehi hwatshinni, htokanu hjeminipna waneya hipuktshi yehi ruchpajinna.

Romanos 1:9

Hoyakalu nomkahitanruni psoluka nmixkonuya hiwhene Jesus, kihle piranalu potuko hiwekkaklewatatshri pirana nunkakletjereru hetanu, hi nweyawata. Hoyakalu himata ptowru hohneka nuchinikjethi nanjihohnereya.

Romanos 8:15

Klu tshinanu Hiwejikaluru honra Hoyakalu henekanwu, hi jhamleholune rixkakanwu. Seyni Hoyakalu Hiwejikaluru wan-hixkakwu Hoyakalu whenene wixyawaka. Hiyáhoni Hoyakalu Hiwejikaluru pixkonu tshinanuya hipokananu wane wtshinanu: Hirtshi! Nuru!

Romanos 8:26

Hoyakalu Hiwejikaluru hepixjetwu klu tshinanu himka wimata klunerukta wanjita. Hiyáhoni Hoyakalu Hiwejikaluruko hapohchinikanutlu Hoyakalu hixa tshinanu. Tsru hotshhiruyma ranjitlu Hoyakalu haté tokantshi hi poyaho yanumleta.

Gálatas 4:6

Hiyáhoni rekhixyawakaplu Hoyakalu whenene wixyawaka, Hoyakalu yokanatlu Hituru Hiwejikaluru, wan-tshinatshri wajiya. Hipokananu wla htshina: “Hirtshi, Nuru.”

Efésios 6:18

Xye ptowruko hkamhanu hanjihohneruya Hoyakalu hanjitanu repixyawakaphi. Hanjihohnetanu hi hituk-hanjihohneretanu. Hoyakalu Hiwejikaluru kosekle homkahitanu hanjihohneruya. Hi himnanhanu. Hi hihrokanu hanjihohneruya. Hanjihohneyehitanna Hoyakalu halixatshine.

Filipenses 3:3

Klu tshinanu halikak-potu jiprojhikatshinwahi hixa seyni hi judeu-nni. Seyni hixakni Hoyakalu kahwakpiratatshinwu Hoyakalu Hiwejikaluruya. Cristo Jesus munanhatshinwu tsru poyikowluyma hixni. Mantshi pirankaka tsonu mmunanhakanwu hixa.

1 Pedro 2:9

Seyni hixa halixatshinhi Hoyakalu nurrenhi, hineruneko hixyawakapa, Tsru Hixikatshriwa Hoyakalu sacerdote-tenhi, yine potukalunetkahi, Hoyakalunuko hixyawakapa. Hoyakalu nuretatkahi hiphujexyawakaplu rixa hihlehchinikanrexyawakhi, mapchahawaka hichpajyawakapa, wale nwaka katawak-potuko nwaka wwiywakapa htshanixikowaka.