João 4:14 - Bíblia

¹⁴ Seyni katuktako honha hita henekjexyalu hiratshri hikeklu ronunnahatewatanu. Klu tshinanu honha hita henekjexyalu hakopha rixnatkawa hisatu hitokoteya. Hiweklu hikeklu hohne mnikawnakatupa renekanru.

João 4:14 ပူးပေါင်းရင်းမြစ်များ

Mateus 25:46

— Waneya wanna hapnokaxikowaka hikeklu hohne mnikawnakatupa yehi hyanuna seyni potukalune yoptotanru hiweklu hikeklu hohne mnikawnakatupa.

Mateus 5:6

— Poyikowatatshinni Hoyakalu halujyawaka hijhapotutatshine natshitatshine hiyrunu honnuhatewatatshine pixka klu tshinanu jinanurune pixkalunepni Hoyakalu tshinanu.

João 10:10

Seyni katshowhuru xye tshinanu tsonu runa htshowhuxyawakapna, ruylalewaxyawakapa, hnikaxyawakapna carneiro-ne. Seyni hita hina carneiro-ne jiwekle hixyawakpatka hiyrunu hiweklu hike mmahaxikatutka nenejyawakapna.

João 11:26

Hiyrun-koxa ptowruneka hiwekatshine, hita halixatshinetka hikeklu rupnanna. Palixluhe xye?

João 4:10

Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

João 4:11

Waneya suxo wla ttshinru: — Honha sajikapi hi pwiya hiyrun-koxa tenopnalu honha yehi. Hiyáhoni hanhe pixa kochpakletanru xye honha hiweklu heneklewatatshri?

João 4:13

Waneya Jesus wan-tshinro: — Ptowru yineru xye honha hiratshri hiyrunukotnaka ronunnahatewatanu.

João 4:36

Hamatshri wenuxikolu hyoptota. Rapatjeyehixnawa halukkaluru hiweklu hike rixiniko mnikawnakatu tshinanupa. Hiyáhoni hitaklewatatshri hiyrunu hamatshri himumuwatanu.

João 6:27

Xako hi hkamrurewatanu nikkaluru himat-nikawnatshri tshinanu. Seyni hkamrurewatanu nikkaluru hikeklu hohne mnikawnakatupa tshinanu. Yineru Whene tshinkalurno xye nikluru hikeklu hohne mnikawnakatupa nenekanhi klu tshinanu Nuru Hoyakalu henekno xye tsru hitakkaluru.

João 6:35

Waneya ruhita Jesus: — Pão hiwekkaklewatatshri Hitni. Katukta yanwakaxinno hikeklu hohne hnatshitanu hiyrun-koxa nalixjeru hikeklu hohne ronunnahatewatanu.

João 6:58

Xyekni pão tenhohne hichpajikatshri. Hi maná, hitsrukatenni nikjekanatanru pixka rixa. Hnikluna seyni rupnanna wanepnawaka. Seyni xye pão nikatshri pejnu hiwekanu hike rixiniko mnikawnakatupa.

João 7:37

Tsru niklu hijhakaluru hohne potu nikawninixka Jesus palna waneya tsru tokantshiyma wla htshina: — Yineru hanuruktako honunnahatewatatshri yanwakatanno. Ruranu.

Romanos 5:21

Hektuntshi mitshikananu hipuktshiyma towutatkawu. Seyni Hoyakalu mixkowata hektuntshi ruknojyawaka yine tshinanu. Hiyáhoni Hoyakalu hiknojyawaklu hektuntshi himukata hihleretna yine Hoyakaluya. Xye hiwekkaklewata hiweklu hikeklu hohne mnikawnakatupa Jesus Cristo Wutsrukateya.

Romanos 6:23

Klu tshinanu hektuntshi wenru walekni hipuktshi. Seyni Hoyakalu henekachale hiwekluni hikeklu hohne mnikawnakatupa Wutsrukate, Jesus Cristo-ya.

2 Coríntios 1:22

Hoyakalu himaxikolenwu rekhixyawaklu Hoyakalununetkawu. Hoyakalu henekwu waleko Hiwejikaluru waji rawyawakapa, Hoyakalu Hiwejikaluru psojite renekhapkatwu rimaxikowaka pa hohne wiwekkakko psoluyaka.

Efésios 4:30

Hi hwamontakanru Hoyakalu Hiwejikaluru. Klu tshinanu Hoyakalu Hiwejikaluru himaxikolexikalunhi. Hoyakalununhi hi ruknokanhi haté rapojinipa hiweklu hohne potuko Hoyakaluyma.

1 Pedro 1:22

Hiyáhoni xawakni halikaka tokanu homkahlu tshinanu Hoyakalu Hiwejikaluru hepixle tshinanu hpowratahchinikanuxnawa hpoyaho hichinikanretletna hmoletanune Cristo tshinanu ptowru hamotluya. Hiyáhoni hichinikkakanu. Hi hixachatatshinephi seyni hihchinikanu psolukayma hichinikkakanu.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.

Apocalipse 7:16

Hi natshpatkana. Hi ronunnahatewatanutkana. Hi tkatshiko yoxjemtatanutkana.

Apocalipse 7:17

Klu tshinanu Carneiro Whene tshinkaluru pohirtshi tuplawakle hanikajite hwatshri hohlutanna. Hkosekanna honha kihleru, hiwekkaklewatatshri-ha nwaka. Hiyrun-koxa Hoyakalu ptowru hiktehna hcheyixyana.