João 4:10 - Bíblia

¹⁰ Waneya Jesus hihitlo wla htshinro: — Pimatkamkalu Hoyakalu henekachle hiyrun-koxa pimatkamkalu panjitjeru wla tshinatshri, honha putanno waneyamka honha panjixinri wale waneya walemka henekanyi honha hiweklu heneklewatatshri.

João 4:10 ပူးပေါင်းရင်းမြစ်များ

Lucas 11:13

Hixa hektutu kkamhaklerunhi himata kihleru henekawheneta hiyáhoni wane yohnik-rixa heneklewleta Hirtshi tenhohne hajeru, Hoyakalu Hiwejikaluru ranjitjeru.

João 16:3

Xyekaka hkamhinhina hixa klu tshinanu hi rimatluna Nuru Hoyakalu, hi hitako rimatna.

João 17:3

Pixa Hoyakalu halikakalutu rimaxyawakapna yine, hike pixka hixatshriyi, hiyrunu Jesus Cristo, pyokanatanru rimaxyawakapna yine, xyekni hiweklu hike rixiniko mnikawnakatupa.

João 3:16

Hoyakalu psol-tshijneka hajene ramotle tshinanu hyokanatlu hituru satupkalutu ptowru yineru ralixjene hi rupnanna seyni riwekanna hikeklu hohne mnikawnakanepa.

João 4:14

Seyni katuktako honha hita henekjexyalu hiratshri hikeklu ronunnahatewatanu. Klu tshinanu honha hita henekjexyalu hakopha rixnatkawa hisatu hitokoteya. Hiweklu hikeklu hohne mnikawnakatupa renekanru.

João 6:35

Waneya ruhita Jesus: — Pão hiwekkaklewatatshri Hitni. Katukta yanwakaxinno hikeklu hohne hnatshitanu hiyrun-koxa nalixjeru hikeklu hohne ronunnahatewatanu.

João 6:51

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

Atos 9:11

Waneya Tsru Hixikatshriwa wan-tshinru: — Ppalnanu. Hatnu hapo Direita hiwakatletatshri pyanu, Judas-pji nwaka. Wane pujhinri satu jeji Saulo tshinkaluru, Tarso poktshi hajeru hanjihohnetatshri.

Romanos 8:32

Hoyakalu hi tshipetawheneta seyni hyokanatlu hixa ptowrunekwu tshinanu. Hiyáhoni hi he Jesus-yma renekanunwu ptowru potuko?

1 Coríntios 1:30

Klu tshinanu Hoyakaluko Cristo Jesus hipxakkakatkahi. Hiyáhoni walekni wimatkalewniya. Cristo tshinanu Hoyakalu potukatatkawu, Hoyakalunerune rixkakwu hiyrun-koxa Cristo tshinanu riwekkakwu.

1 Coríntios 10:4

Wanna ptowruneka hirlu walerutu hirkaluru Hoyakalu Hiwejikaluru henejyana. Klu tshinanu sotlu honneha hiwekkaklewatatshri rurhatna, sotlu rimotsatjerna Cristo.

2 Coríntios 9:15

Hoyakalu wpoyahnutanu renekachale tsrur-potuko hike pixka mixkatu tshinanu.

Efésios 2:8

Klu tshinanu Hoyakalu himukatle reneklewle hiwekkakatkahi Jesus halixikowaka tshinanni. Hiyrunu hi hixako wuhlenu tshinanu riwekkakwu seyni Hoyakalu henekachale tshinanu tsonu wiweka.

Hebreus 6:4

Klu tshinanu halixlu hiknokatshine hi rumukata hehchinikanretatnakna. Wannamka Hoyakalu hasrukle himrekahchinikankaklewatatshri himatatshinekananni. Hoyakalu henekachale, tenhohne hichpajikatshri yoptotatshinekananni hiyrun-koxa Hoyakalu Hiwejikaluru henekle yoptotatshinekanannimkani.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.

Apocalipse 21:6

Waneya wla htshinatkano: — Xye ptowruka halixatka. Hit-honra mitshikananu hajerno hiyrunu hapkatatatshri potuko hajerno, hyinuwajikol-potukno hiyrunu hmahaxyawak-potuko hajerno. Honunnahatewatatshripa nutahatanu. Honha hiweklu heneklewatatshri hichpakhaxikatshri hajer-ha nenekanru, henekachalur-potuko.

Apocalipse 22:17

Hoyakalu Hiwejikaluru hiyrunu hnuruwatatshropa wla htshinna: — Puna! Hiyrun-koxa xye pirana jematshri wla tshina: — Puna! Honunnahatewatatshri hinanu. Hiyrunu katuktako haluka yoptoletanru honha hiweklu heneklewatatshri henekachal-ha.

Apocalipse 7:17

Klu tshinanu Carneiro Whene tshinkaluru pohirtshi tuplawakle hanikajite hwatshri hohlutanna. Hkosekanna honha kihleru, hiwekkaklewatatshri-ha nwaka. Hiyrun-koxa Hoyakalu ptowru hiktehna hcheyixyana.