João 4:1 - Bíblia

¹ Jesus hima João tshinkaluru yohnik-homkahitatshine rawya hiyrunu João yohnik-hima h-batiz-jeta Jesus. Waneya fariseu-ne jemlu xye pirana.

João 4:1 ပူးပေါင်းရင်းမြစ်များ

Lucas 1:76

Hiyáhoni, noturu, Tsru Hixikatshriwa Hoyakalu, tenhohne hajeru tokanu hinkakletatshri ptshinko. Klu tshinanu pixa yihapamtanu Tsru Hixikatshriwa Hoyakalu hatnu hapote palpokoxyawakapa.

Lucas 19:31

Seyni satu yineru hepomhiniphi haklu wla himixa waneya wla htshinanna: “Kasruklewakleru haluklu.”

Lucas 19:34

Waneya wane htshinna: — Kasruklewakleru haluklu.

Lucas 2:11

Xawakni hohne potuko, Belém tshinikowaka, Davi-ni poktshi, hmatuxyatka hixa hiwekkakjerupa. Waleni Tsru Hixikatshriwa Cristo.

Lucas 7:13

Tsru Hixikatshriwa Jesus hexinixkalo, retwamonpotutlo. Waneya wane htshinatkalo: — Hi ptshiyahatanu.

Lucas 7:19

Hyokanatna Tsru Hixikatshriwa Jesus nwaka repomhiywakapluna: “Pixakatkalhe hinatshripyi tshinkaluryi ho satuklatshi wkahwakanu?”

João 3:22

Waneya wane wkatanu Jesus hiyrunu rasruklene Judeia tshijne rapokatkana. Waneya wan-rutukatka rasrukleneyma. Wane h-batiz-lewjexya.

João 3:26

Waneya João nwaka hyana, wla htshinruna: — Kasruklewakleru, jeji honra pimwakanatanru Jordão wenne tujra wnahlu mitshi, puphujtapiranaxinri, haha wale himakni h-batiz-lewjexya. Hiyrun-koxa ptowru yine yanwakjetlu.

Atos 10:36

Xyekni tokantshi Hoyakalu yokanatanru israel-nerune nwaka, kihler-potuko tokantshi ruhlewahchinikanuxyawaka pirana, Jesus Cristo-ya. Xyekni ptowru potuko Tsru Hixikatshriwa.

1 Coríntios 1:17

Klu tshinanu Cristo hi yokanatno n-batiz-lewaxyawaka. Seyni hyokanatno kihle piranalu potuko hiwekkaklewatatshri pirana nunkaklexyawaka. Hiyrun-koxa hyokanatno nunkaklexyawaklu waleko hipirana hi yineru himatkalnu piranapni klu tshinanu kpixkonru Cristo cruz rupniywaka pirana. Wale pirana tsonni himukatatshri.

1 Coríntios 15:47

Mitshikananu Adão waleni tshiji hajeru tshiji kamhikolni. Seyni hapkatatatshri Adão waleni Tsru Hixikatshriwa tenhohne hajerni.

1 Coríntios 2:8

Hi satukna xye tshiji hajeru tsrukakalune himatlu xye pirana. Klu tshinanu rimatkamkaluna hi koxa cruz rutakanruna ptowru potuko Hixikatshriwa.

2 Coríntios 4:5

Klu tshinanu wunkakle pirana hi hixako wipiranni; wunkakle Jesus Cristo Tsru Hixikatshriwa piranni hiyrunu hixa towrertshinwu Jesus tshinanu wunkaklewjeta.

Tiago 2:1

Cristo tshinanu nmoletanune, Wutsrukate Cristo Jesus, ptowru potuko royaknu himwatshri halixikolu tshinanu, hi kakoje wixanna yine.

Apocalipse 19:16

Hiyrun-koxa himkalu hiyrunu hitpali raw-yonhata. Wla htshin-yonhata: “Pohirtshine Pohire hiyrunu tsru hixikatshinwa Hitsrukatni.”