João 3:5 - Bíblia

⁵ Waneya Jesus wan-tshina: — Halikaka ntshina, hike himukata jihlokletanu Hoyakalu pohirewaxyawaka hma mathapkatkanuklunu honhaya, Hiwejikaluruya koxa.

João 3:5 ပူးပေါင်းရင်းမြစ်များ

Mateus 18:3

Waneya wla htshina: — Halikaka ntshinhi, mturune pixka hma mixkanuklunu, hikeklu hohne tenhohne pohirewaxyawaka hjihlokanu.

Mateus 19:24

Hiyrunuko xye ntshinhi, kyapreru camelo tsapujripna hjihlojyawaka seyni yohnik-yapren-potlu phuru Hoyakalu pohirewaxyawaka hjihlojyawaka.

Mateus 21:31

Waneya Jesus hepomhana tsru hixikatshinwa sacerdote-ne hiyrunu judeu-ne tsru hixikatshinwa, wla htshinna: — Hanurhe kamhalu ruru halujyawaka? Waneya wla htshinruna: — Hituru tsrujru. Hiyáhoni Jesus wla tshinna: — Jijhawenruklerune hiyrun-koxa kapoklewaklerone Hoyakalu pohirewaxyawaka jihlokanu hixa hkosejinna.

Mateus 28:19

Wale tshinanu hyanu. Hasrukanna ptowru tshijne hajene. H-batiza-tanna Hoyakalu Hirtshi hiwakaya, Hoyakalu Whene hiwakaya, Hoyakalu Hiwejikaluru hiwakaya.

Mateus 3:11

Hita batiza-jethi honhaya himaxikowaka hixa hehchinikanutatka, seyni wale, hapkatatatshri batiza-tanhi Hoyakalu Hiwejikaluruya, tshitshmeroya koxa. Wale hinatshripa hita pnute himukatatshrini. Hikenno hita h-sandalha-te nanijyawaka.

Mateus 5:20

Klu tshinanu wane ntshinhi, fariseu-ne hiyrunu kasruklewaklerune hinanchitkaluru pirana hasruklewatatshine kamrure yohnik-potuknurutu hma kamhaknuklunu tenhohne pohirewaxyawaka hi himukata jihlokleta.

Marcos 10:14

Seyni Jesus hexinixkalu xye hi rukchikhihlenutlu, waneya wla htshina: — Hetachatanna mturune hyanwakaxyawaknona. Hi himaletanna. Klu tshinanu Hoyakalu pohirewaxyawaka hayinetene mturune pixkalune koxni wanna.

Marcos 16:16

Katukta halixanru hiyrunu h-batiza-xikowakapa riwekkaka hikeklu hohne mnikawnakanepni. Seyni katukta hi halixanru hamhatshripni.

Marcos 9:47

Piyhale himtujinipyi, pkochpakanru. Klu tshinanu kihlepotmaklu pa yhalepkalutu hiwekkajikowaka Hoyakalu pohirewaxyawakaya, hepi yhaleruko tshitshmero ruknokkona,

Lucas 13:24

— Hyahot-jihlokletanu mtseruswa hiphaptotetu. Klu tshinanu halikaka ntshinhi. Hixolunemka haluka jihlokletanu seyni hi rumukatanruna.

Lucas 13:3

Seyni hita wane ntshinhi, hike. Hma mehchinikanutkanuklunupa hixa ptowrunekhi, waneko pixka hixa hiylaletkona.

Lucas 13:5

Seyni wane ntshinhi, hike. Hma mehchinikanutkanuklunu hixa, ptowrunekhi waneko pixka hixa hiylatkotanu.

João 1:13

Wanna ptowruneka hi hrahtshiyma matutatshine tsonni, hi mantshi matuxikatshine tsonni, hi yineru halujyawaka tshinanu matutatshinetkani seyni Hoyakalu tshinanu matutatshinni wanna.

João 3:3

Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

João 3:4

Waneya Nicodemos hepomhalu: — Hanu xawakhe rumukata yineru tsrutsoleji hiyrunuko hmatuxyawakatnaka? Rumukathe jeji runro nanwaka jihlokletatnaka waneya hmatutanutnaka?

Atos 2:38

Waneya Pedro wan-tshinna: — Hehchinikanutanu hixa satkakhi Jesus Cristo hiwakaya h-batiza-xikowakapa hixa himtukjetatshrikaka hiknojikowakapa; wan-hixatshripa Hoyakalu Hiwejikaluru hyoptotanu Hoyakalu henekanhi.

Atos 3:19

Hiyáhoni hehchinikanutanu xako, hyokmakahchinikanutanu waneya hiknojiko hektunu.

Romanos 14:17

Klu tshinanu Hoyakalu pohirewaxyawaka hi niktshi ho hirkaluru tshinanni seyni halikaka kihlerukni, hapnanuhchinikanruni hiyrunu poyikowluni Hoyakalu Hiwejikaluru heneklewleni.

Romanos 8:2

Hiwejikaluru hiykole Cristo Jesus tshinanuya, hiwekkaklewatatshri kochpakno hektuntshi towre pixkonuya hiyrunu hipuktshi heneklewatatshri pixkonuy-koxa.

1 Coríntios 15:50

Nmoletanune Cristo tshinanu, xyekni naluka tshinrethi hixa. Hittshi hiyrunu hrahtshi kamhakaluru hi himukata jihlokletlu Hoyakalu pohirewaxyawaka. Hiyrun-koxa himat-nikawnatshri hi renekka hikeklu hohne mnikawnakatu rixyawaka.

1 Coríntios 2:12

Hixa hi xye tshiji hajeru hiwejikaluru wyoptota seyni wyoptotlu Hoyakalu Hiwejikaluru renekanwu. Waleko himatjemkakwu ptowru pirana potuko Hoyakalu hixa repixyawaka pirana.

1 Coríntios 6:11

Mitshikananu satkakhi hixa wan-hixjekanatatshinhi. Seyni hixa hektuntshi herojikatka, Hoyakalu yoptolenetkahi, hi jihyehitkalunetkahi Hoyakaluya, Wutsrukate Jesus Cristo tshinanu hiyrun-koxa Hoyakalu Hiwejikaluru tshinanu.

Gálatas 6:15

Klu tshinanu Cristo Jesus-yma jiprojhalu hike repixa, hiyrun-koxa hi mjiprojhikatukwa yineru repixa. Hijhakalur-potni yineru herotexikatshriwa halikaka.

Efésios 5:26

Wan-rixa Cristo, hapatjetatshine Cristo halixatshine hatatjewa Cristo hnunropni, kanipretkalurotkani Hoyakaluya. Cristo herokalo honhaya, htokanuya hpowratlo.

1 Pedro 1:2

Hoyakalu nurrenhi waleko ralujyawaka tshinanu, Hoyakalu Hiwejikaluru yineru powratatshri tshinanu, hyijnakoxyawakaplu Jesus Cristo halujyawaka, hpolhohoxikolupa wale hrahaya. Hoyakalu hepixle yoptotatshinephi hiyrun-koxa kihle hwachalu hwapotutatshinephi.

1 Pedro 3:21

Xye pirana batiz-lu yaholuni. Xawakni wale koxa hiwekkakwu. Hi mantshi himtuklewatatshri hiknojikolu hiwekkakwu seyni Jesus Cristo hipuktshi hichpajikatshri hiwekkakwu. Ruphujetlu potuka chinikanurunwu Hoyakalu hetanuya.

1 João 2:29

Hiyáhoni xawakni himaxini potukalu rixyawaka Cristo, himatan-koxlu ptowru yineruko Hoyakalu halujyawaka kamhatshri Hoyakalu matkakleru rixyawaka.

1 João 5:1

Ptowru yineru Jesus tshinkaluru Cristo rixyawaka halixatshri, Hoyakalu matkaklerni hiyrunu katukta hamotanru Wuru Hoyakalu ramot-koxlu Hiwhene.