João 3:34 - Bíblia

³⁴ Hoyakalu yokanatanru, Hoyakalu tokanu runkakletjeta. Klu tshinanu Hoyakalu hi psotsonujiji Hiwejikaluru reneklu seyni Hiwejikaluru psoluka reneklu.

João 3:34 ပူးပေါင်းရင်းမြစ်များ

Mateus 12:18

“Xyetkani ntowreru nuretkaluru, namotleru, wale poyikowkakno. Niwejinri pixkonu nenekanru, Hoyakalu hapnokatlewle hapojinri pirana runkakletanu psol-tshijneyako.

Lucas 4:18

“Hita rawa Hoyakalu Hiwejikaluru. Hnuretno nunkaklexyawakaplu Kihle piranalu potuko hiwekkaklewatatshri pirana hike mwikane yehiya Runkaklewjixno ruchoxikowakapna yine pirana kachitkalune tshinanu hiyrun-koxa himrekhale pirana nunkajyawakna mayhalene, ruchotkona salewnatshine,

João 1:16

Klu tshinanu rumukatle tsru potuko hepixlewatatshri yoptotatshinwu hixa ptowrunekwu. Ruhlenu renekachale yoptotatshinwu hiyrunu ruhlenu renekachale wane pnutepa yoptotatshinepwu.

João 15:26

Seyni Hapnanuhchinikankaklewatatshri, Hiwejikaluru halikaka pirana hiphujetatshri, Nuru Hoyakalu yehi hichpajikatshripa, nyokanatanrupa, rapojinipa hixa nwaka, waleko hiphujtatanno.

João 16:7

Seyni halikaka nunkakhi, kihlepotlu nyinripa klu tshinanu nma yaknuklunupa hapnanuhchinikankaklewatatshri hi hapokanu; seyni nyinipa nyokanatanru hix-yehi.

João 3:17

Klu tshinanu Hoyakalu yokanatlu hituru riwekkajyawakna ptowru neruka seyni hi hyokanatlu hituru yine rapnokaxyawakapa.

João 5:26

Nuru Hoyakalu hiwekatshrini waleko rumukatle tshinanu. Waneko pixka nix-hita Whentshi tshinkalurno renejyano niwejya hitako numukatle tshinanu.

João 7:16

Jesus hihitatkana, waneya wla htshina: — Nasruklewaxya hi hitako nohchinikanni wale seyni waleni Hoyakalu nyokanatjeru hchinikanu.

João 8:40

Seyni xawakni haluk-hiylaletno hita. Hit-honra hinkakatkahi halikakalutu pirana Hoyakalu hinkajyano pirana. Abraão-ni hi wane pixka hixatka mitshi.

João 8:47

Hoyakalu yehi hichpajikatshri yijnakotlu Hoyakalu tokanu. Hiyáhoni hixa hi hyijnakotlu klu tshinanu hixni hi Hoyakalu yehi hichpajikatshinhi.

Atos 1:2

haté tenhohne ranikkoklunutka papko pirana potuko. Waneya Jesus tenhohne hma yaknuklunuwa ruykotna jejine, hnurrene, Hoyakalu Hiwejikaluru mixkonuyma waneya tenhohne ranikkatka Jesus.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Romanos 8:2

Hiwejikaluru hiykole Cristo Jesus tshinanuya, hiwekkaklewatatshri kochpakno hektuntshi towre pixkonuya hiyrunu hipuktshi heneklewatatshri pixkonuy-koxa.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Colossenses 1:19

Hoyakalu hikchikahchinikanuxnawa Cristo hoho rawinripa psoluka rixannu.

Colossenses 2:9

Klu tshinanu ptowruka Hoyakalu hixannu pso potuko Cristo mane hitokote rawa.

Apocalipse 21:6

Waneya wla htshinatkano: — Xye ptowruka halixatka. Hit-honra mitshikananu hajerno hiyrunu hapkatatatshri potuko hajerno, hyinuwajikol-potukno hiyrunu hmahaxyawak-potuko hajerno. Honunnahatewatatshripa nutahatanu. Honha hiweklu heneklewatatshri hichpakhaxikatshri hajer-ha nenekanru, henekachalur-potuko.

Apocalipse 22:1

Hiyrun-koxa Hoyakalu towreru tenhohne hajeru hekhitno wenu Honha Hiweklu Heneklewatatshri hiwakatletatshri. Xye wenha katajha potuko, garrafa pixka. Hoyakalu hiyrunu Carneiro Whene Tshinkaluru tuplaxyawaka ruchpajyatka wale wenu.