João 3:31 - Bíblia

³¹ Halikaka tenhohne hichpajikatshri ptowru neruka pnuterutni wale. Seyni xye tshijne hichpajikatshri xye tshijne hajerukni wale hiyrunu xye tshijne hajeru pirana kochtshekatshrini. Tenhohne hichpajikatshri ptowru neruka pnuterutni.

João 3:31 ပူးပေါင်းရင်းမြစ်များ

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

João 1:15

João hiphujtatlu xye yineru. Tsru tokantshiyma wla htshina João: — Xyekatkani ntshinjekanatanru: “Hita natjini hapokatshripa hita yohnik-kahwakpiratkaluru klu tshinanu nma matutkanuklunuwa rawakotka wale.”

João 1:27

Walekni hita pnute hapokatshripa hita yohnik-kahwakpiratkaluru. Hita hi tsru hixikatshriwano nkochpirojyawakaplo h-sapato-tetslu.

João 1:30

Xyekatkani nunkakletakanatanru: Satu jeji hita pnute hapokatshripa hita yohnik-hijhakalurni klu tshinanu hi nmatutawa rawatka wale.

João 3:30

Wale hijhalu pnut-potu hya hijhakaluru rixyawaka seyni hita kayaho hijhakalurupno.

João 6:33

Klu tshinanu pão Nuru heneklewaxya walekni yineru tenhohne serpijikatshri xye tshijne Hiwekkaklewaxikatshrini.

João 6:51

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

João 8:23

Waneya Jesus wla tshinatkana: — Hixni xye tshiji hwatshinhi. Seyni hitni teno hajerno. Hixni xye tshijne hajenhi seyni hitni hi xye tshijne hajerno.

Atos 10:36

Xyekni tokantshi Hoyakalu yokanatanru israel-nerune nwaka, kihler-potuko tokantshi ruhlewahchinikanuxyawaka pirana, Jesus Cristo-ya. Xyekni ptowru potuko Tsru Hixikatshriwa.

Romanos 9:5

Hitsrukatshinnixkani wannani Cristo molennixkani himaneyna. Waleni Hoyakalu ptowru potuko towutatshri. Himalwutkalurni wale ptowru hohnekananuko mnikawnakatupni. Amém.

Hebreus 9:1

Mitshikananu Hoyakalu tshinyawaka hanu rumukata hixletna yine Hoyakalu himalwuxikolu pirana hiyrun-koxa himalwuxikowakapji yineru kamhaleru hixikowakapa pirana.

1 Pedro 3:22

Jesus Cristo tenhohne yatshritka. Hoyakalu potukle sreta htuplata. Wane rutakka hiwejikalune Hoyakalu towrene tenhohne hajene htowuxyawaka, tsru towutatshine tenhohne hajene hiyrunu tenhohne himukatle koxa htowutatka.

1 João 4:5

Wanna xye tshijne hajenni. Wale tshinanu xye tshijne hchinikanu pirana hkochtshekna. Hiyrunu xye tshijne hajene hislahtokanutna.

Apocalipse 19:16

Hiyrun-koxa himkalu hiyrunu hitpali raw-yonhata. Wla htshin-yonhata: “Pohirtshine Pohire hiyrunu tsru hixikatshinwa Hitsrukatni.”