João 3:3 - Bíblia

³ Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

João 3:3 ပူးပေါင်းရင်းမြစ်များ

Mateus 16:17

Waneya Jesus wan-tshinru: — Poyikowatatshripyi, Simão, João whene. Klu tshinanu xye pirana hi yine hekhityi seyni Puru tenhohne hajeru hiphujetlu.

Mateus 19:24

Hiyrunuko xye ntshinhi, kyapreru camelo tsapujripna hjihlojyawaka seyni yohnik-yapren-potlu phuru Hoyakalu pohirewaxyawaka hjihlojyawaka.

Mateus 21:31

Waneya Jesus hepomhana tsru hixikatshinwa sacerdote-ne hiyrunu judeu-ne tsru hixikatshinwa, wla htshinna: — Hanurhe kamhalu ruru halujyawaka? Waneya wla htshinruna: — Hituru tsrujru. Hiyáhoni Jesus wla tshinna: — Jijhawenruklerune hiyrun-koxa kapoklewaklerone Hoyakalu pohirewaxyawaka jihlokanu hixa hkosejinna.

Mateus 5:18

Halikaka ntshina, haté tenhohne hiyrun-koxa xye tshiji nikawninri hohne, hi pa yonhajiji — hi pa yonapi yonhajiji nikawnanu yonruru piranaya hma makanhiywakanupa ptowru potuko.

Marcos 10:14

Seyni Jesus hexinixkalu xye hi rukchikhihlenutlu, waneya wla htshina: — Hetachatanna mturune hyanwakaxyawaknona. Hi himaletanna. Klu tshinanu Hoyakalu pohirewaxyawaka hayinetene mturune pixkalune koxni wanna.

Marcos 9:47

Piyhale himtujinipyi, pkochpakanru. Klu tshinanu kihlepotmaklu pa yhalepkalutu hiwekkajikowaka Hoyakalu pohirewaxyawakaya, hepi yhaleruko tshitshmero ruknokkona,

João 1:13

Wanna ptowruneka hi hrahtshiyma matutatshine tsonni, hi mantshi matuxikatshine tsonni, hi yineru halujyawaka tshinanu matutatshinetkani seyni Hoyakalu tshinanu matutatshinni wanna.

João 1:5

Katalu nikotlu mapchahawaka hiyrun-koxa mapchahawaka hi hiwakatkalu katalu.

João 1:51

Waneya wla htshina: — Halikakni, halikakni wla ntshinhi pa hohne tenhohne hitpukatshri hetanu hiyrunu hiwejikalune Hoyakalu towrene tenhohne hajene hetanu hatskomtatshine, serpikamtatshine Jeji Whene tshinkaluru hohowaka yapamtatshine.

João 12:40

“Hiyhalna ruchyatatka hiyrun-koxa hihchinikanna rimaletatka. Hma mexyawakanupna hiyhaleyna hiyrun-koxa mimatjemkanepni hihchinikanuyna, hma mehchinikanuxyawakanupna wan-hixatshine nutskalajyawakamkapa.”

João 3:4

Waneya Nicodemos hepomhalu: — Hanu xawakhe rumukata yineru tsrutsoleji hiyrunuko hmatuxyawakatnaka? Rumukathe jeji runro nanwaka jihlokletatnaka waneya hmatutanutnaka?

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

2 Coríntios 5:17

Cristo-yma hwatshritka herotu yinerutkani. Mitshikananu rixjekanaxyawaka nikawnatka. Hiyáhoni xawakni herotutkani.

Gálatas 6:15

Klu tshinanu Cristo Jesus-yma jiprojhalu hike repixa, hiyrun-koxa hi mjiprojhikatukwa yineru repixa. Hijhakalur-potni yineru herotexikatshriwa halikaka.

Efésios 2:1

Mitshikananu hipnatshine pixka hixakanata Hoyakalu tokanu hmajnakowakanaxyawaka tshinanu, hektunu tshinanu.

Tito 3:5

Riwekkakwu hi hixako wkamhaleru kihleru tshinanni seyni rixa hetwamonrewlexyawaka tshinanni. Herokakalunwu herotu matuxikolu tshinanu rerotetwu Hoyakalu Hiwejikaluru himukatle tshinanwu.

Tiago 3:17

Seyni himatkalnutshi tenhohne hichpajikatshri waleni mitshikananu powra hchinikan-menu. Waneya walestsi hajeru, kihle hwachluni, mayohnutshi, kihle hepomhakolu, jetwamonukleru, kihle kamrurewleru potu, myokmakahchinikanutkatu, mixachatkatu.

1 Pedro 1:3

Wpoyahnutanru Wutsrukate Jesus Cristo Hiru, Royakalute. Herotu matuxikolu renekwu hiweklu wkahwajyawakapa Jesus Cristo hiwejinixnaka hipuktshiya tshinanu. Hoyakalu hetwamonre tsru potuko tshinanu.

1 João 2:29

Hiyáhoni xawakni himaxini potukalu rixyawaka Cristo, himatan-koxlu ptowru yineruko Hoyakalu halujyawaka kamhatshri Hoyakalu matkakleru rixyawaka.

1 João 3:9

Ptowru Hoyakalu matkakleru hi hektuwaka hkamhajeta klu tshinanu Hiwejikaluru Potukalu rawya. Hiyáhoni hi rumukata majnakowleta klu tshinanu Hoyakalu whenetkani.

1 João 5:1

Ptowru yineru Jesus tshinkaluru Cristo rixyawaka halixatshri, Hoyakalu matkaklerni hiyrunu katukta hamotanru Wuru Hoyakalu ramot-koxlu Hiwhene.

1 João 5:18

Wimatlu, ptowru yineru Hoyakalu matkakleru hi hektuwaka hkamhajeta. Hiyrunu Hoyakalu matkakleru himat-hislahnawa hiyáhoni kamtshi hi yotnekanru.

1 João 5:4

Hoyakalu matkaklene hallitanru xye tshijne. Xye tshijne hallitatshri, waleni walixle. Xyekni wkaykakjeru.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.